相人之術（眼眉毛挑通）

俗語有云, 眼眉毛挑通, 意思即其人聰慧過人, 話頭就醒尾, 聞一就知十, 包冇搞錯你的意思ｏ

遇倒此相的人, 真係人生最幸福之事, 如果你的配偶係有此相, 真係恭喜晒你！因為此類人, 善解人意, 乜都照顧你周到, 你歡喜佢做嘅，佢就做到十足十, 你唔歡喜佢做嘅, 佢就一D都唔係你面前做 （咪以為佢會唔做, 只不過唔係你面前做, 己經好好矣！）

眼眉毛挑通之人, 此類人真係做乜, 都無往而不利（唔同耳仔軟！成

日俾人呃！）你想呃呢類人就難矣！乜鬼嘢此類人都會洞悉其奸！你想佢投陳太一票, 就艱難了ｏ你想佢信李柱銘係冇辜, 又係認真難矣！陳日君先生的言論, 佢一眼就會睇到通晒（同佢自已的眉毛一樣！）！又點會咁易俾條神棍呃吖？

如果你想做到眼眉毛挑通, 不必紋眉, 又不必重新搞過個LOOK, 只要你多D睇吓黄SIR個BLOG, 聽吓黄SIR的教導, 咁就會自自然然眼眉毛挑通晒矣！

可能有人會問（D低層次人仕多數會咁問,而且仲係質問果隻！ 一般高層次讀者, 己深得其妙！一定唔會再追問！） 咁黄SIR自已D眉毛係唔係挑通咗呢？唏！何止挑通, 周不時仲俾人剃埋添呀（多數俾D靚師妹們！）, 死未！