相人之術（對面不見耳）

所謂對面不見耳, 問是誰家子？ 對面不見腮, 問從哪裡來？

當你相人時, 一眼望過去, 如果對方的耳貼住塊面, 看不到整隻耳, 此人祖上必有名声, 故不妨問是誰家子姪, 有此奇相ｏ

至於對面也不見腮骨外露, 此人當是外鄉人也, 𣎴妨又問一句, 君從哪裡來也？其實西人或外族ｏ一眼就認出ｏ駛鬼問咩？廣東人同上海人都一眼分出啦！不過山西人有乜特徵, 我又唔知噃！

正如閣下見了一個西人遊客, 你可以問佢來自边個國家一樣, 有日黄SIR在電視, 見蘇民峰在銅鑼灣街边同個鬼佬睇相, 佢話人好鍾意旅遊ｏ（條友孭晒相機！仲唔係遊客？唔鍾意旅遊至奇啦！）呢D就係標準對面不見腮的例子矣！（其實睇得人多自自然然有個譜, 信口雌黃一番, 加埋D江湖口訣, 人地都信到十足十啦！）

有鬼人識分, 如何不見耳？又如何不見腮咩？普通人, 你吹得两吹,由杯葛奧運, 变咗做反對人地杯葛奥運都得, 外部勢力, 解釋為中联辦都得, 是非黑白, 都可以胡吹！何况相學？

吹得動聽, 故弄玄虛 加D子平命理, 紫微術數！再加埋D昆馬, 真係想唔天下無敵都難矣！（黄SIR點解識咁多嘢？ 唉！有書睇架馬！電視蘇民峰都有教啦！信就正儍瓜！玩吓就可以！）

𣎴過呢尾嘢, 對D失去了信心, 對生活失去了希望的人, 鼓勵吓, 都係有益世道人心之事也！（好嘅相士的標準是, 人人晚運好, 個個子孫賢, 趙是！）