相人之術（口唇有粒珠）

正所謂口唇有粒珠, 嗌交就唔忿輸ｏ當年小弟做街童的時候, 見過一個師奶, 口唇真係有粒珠, 佢真係嗌通街ｏ周不時見佢同人霎氣, 佢有能力數上人祖宗三代, 又能無中生有, 扭橫折曲, 真係嗌交天才, 無人能及也ｏ

通常嗌交, 都要先挑評理人（即公正人）, 冇咗公正人ｏ鬼知佢嬴唔嬴咩？所以凡嗌交, 切忌口同鼻嗌, 口同鼻嗌, 變咗冇得輸嬴, 唔過癮也, 通常兩公婆嗌交就屬於此類ｏ一個唔該其中一人, EQ鬼咁高, 唔鬼嗌, 返咗房瞓, 變咗冇得嗌, 咁口唇有粒珠就吹到漲, 冇得嬴, 唔過癮也！

嗌交, 如果斯文D講, 就叫辯論, 能言才能善辯也ｏ想當年小弟在中大联合書院代表學院做辯論隊隊長, 乃多得這位口唇有粒珠的師奶的啓發, 發現原來嗌交技巧咁死多！（有機會再一一教育大家！）

不過近期睇某漢奸的言論, 則大有口唇有粒珠之風矣！

咦？ 睇睇吓, 佢個口唇都好似有粒珠噃！（冇都屈佢有啦！嗌交梗係屈得就屈, 仲講仁義道德？）咁佢嗌交又點會咁易輸吖ｏ

聽呢D人嗌交, 都不如睇吓黄SIR寫BLOG好過啦！講歪理, 又有边個叻得過黄SIR吖？係咪？ 吓？（老咗D人, 多數腎虧, 腎通耳, 腎虧則耳弱, 聽覺唔好, 所以成鬼日要 吓 人也！）

嗌交想嬴, 有時要詐聽唔倒人講, 都有呢招嫁！