貨源
當某些馬匹贏出後,網上或文字媒體就眾說紛云,又話呢隻馬邊個買。其實不少拍賣行或代理,一早已在社交媒體宣傅或報刊卜定廣告位,不難找到正確的資訊。
全世界不少練馬師都未必親自揀馬,反而靠代理。而血統代理與地產代理一樣,冇話邊個叻過邊個,最重要是人脈和價錢。血統代理人脈好,能攞到別人攞不到的筍盤,又或練馬師的客戶預算超高,代理揸住大把銀紙,找到好馬的機會又自然提高。
過往愛倫賓康希斯等一流相馬高手,都是不靠代理自己去揀周歲馬,如今直接在周歲市場揀貨的,以大摩及姚本輝為主角。而二手市場如買PP,則大部分練馬師都倚靠代理,所以大家會見到不少好馬贏大賽後,代理會落廣告,他們也想多找不同的客路。例如「精彩鬥士」是由大摩的歐洲代理購入,價錢也絕不便宜。該位代理也特地來港呢!