阿里爸爸（四）

老千局, 有句口訣, 就係唔怕你精, 唔怕你呆, 至怕你唔來, 基於人的貪念, 就算明知係老千局, D人一樣會泥足深陷ｏ

賭, 大家都知會嬴, 亦都會輸, 明知賭塲抽了水, 長賭就必輸！但賭仔會唔賭嗎？

股市亦一樣, 唔係人人可以自拔, 而家大牛市, 人人賺到笑！抽新股,一中簽就執皮幾嘢, 唔駛做, 有錢執, 何樂而不為？真係佛也動心也, 整個社會生活在泡沬中, 快活過神仙也ｏ但不要忘記, 一旦泡沬瀑破, 大家就要付出代價！

阿里爸爸是否泡沬, 一切尚屬言之過早, 但黃SIR連望都唔敢望, 正如有一裸女在市中招遙, 唔知頭唔知路, 睇都費事, 可能係發緊花癲者也ｏ

所以近來黄SIR見人講股票, 只能笑而不答, 因為大牛市, 講乜都冇用, 說教更屬無聊之極ｏ到大熊市, 睇吓仲有冇人講, 到時就知, 边D人先係大贏家也！可能係鳳毛麟角了ｏ

人生順逆, 難以逆料ｏ 沙示時, 全港愁雲慘霧, 依然歷歷在目！負資產的樓, 迫死了幾多英雄好漢！ 炒樓炒股？ 咪鬼攪矣！

寄語 順風船上客, 他朝 未許一帆風ｏ

毛主席有詩云ｏ今日三呼孫大聖, 卻緣妖霧又重來！（大意！）趙是！