忙享受,享受忙
2015/05/10 22:01:45 網誌分類: 生活
過了一個忙但滿足的母親節,且有點驚險刺激,話說q記有個極差習慣,每期書總要拖到死線至寫得出,期期都要被人追到甩肺,昨晚又收到奪命追稿whatsapp,話今晚死線,馬上面都青晒.
今天晨早起身由零開始,翻晒以往寫到天一半地一半的草稿,砌下寫下,寫到差不多12點,都有半篇.嘩..夠鐘三時繫念,馬上出發,做完三時已經四點幾,急急回家繼續,念完佛頭腦清醒靈活,未到六點已完成...搞掂,食碗麵,又一期.
當然又被溫馨訓話,有時間就開始寫下期喇...都係嘅,期期都差點甩稿,都要抽個星期六,日坐定定寫下存貨,既然接受得呢個 job,就要好好咁做,雖然一身多職,時間有限,但忙不是大晒嘛~
很感恩可以每日都好忙,好充實,qq真係好享受忙到甩肺嘅日子,雖然有時會俾Boss省,省完咪再醒少少囉,賽馬日返馬會來個有錢收嘅 gathering,又開心番晒,如果義工有活動,又去同老友記吹下水,順便減下壓.一個爛玩嘅老頑童,連去針灸都同大夫玩一餐,開心生活就是如此~
當下最大心願,是一家人平平安安,阿仔早日康復,只要一家人齊齊整整,任何困境都可有信心扭轉,齊心就事成嘛~
早就早左d..祝快樂.
PFn 孖1,QQ小吉,你們先後留言,知否你們可能是認識的 潮商舊同學。
我寫石塘咀,一班舊街坊,先後回應,真難得。
其中兩位,Mattock,一言,不知近況如何,念甚。
PFn 孖1 兄,我自踏入2015 年,走了三位好朋友,令我從新思考人生,故少寫了,多謝關心。
你從消防退休,好好睇實退休金,小心投資,好好響受人生,是禱!