睇淡中車
歐洲股市因為希臘債務談判破裂，大幅走低，其中德國股市及法國股市齊插近2%，希臘股市更大跌4.7%，成為4月23日以來低位。美股受到希臘問題的困擾，再加上美國製造業數據唔得，昨日延續上周跌勢，杜指跌108點，收報17791點；標普10跌，收報2084點；納指跌21點至5030點，跌幅0.4%至0.6%不等。
希臘與國際債權方上周日談判談判結束，但無果而終，意味著希臘違約的機會大增。昨日，希臘總理齊普拉斯向媒體表示有耐心「等待國際機構回歸現實」，態度異常強硬，一副有恃無恐的格局。呢個世界就係咁，如果欠債夠多，債仔隨時惡過債主也。希臘違約「脫歐」，歐盟最怕的是會影響到其他經濟比較弱的國家有樣學樣，將對歐元區的穩定性帶來衝擊，歐元區大阿哥德國最緊張，佢隨時要孭起希臘欠落的債務以平息風波，所以德國的股市受到的震動的幅度亦比較大。市場依家正在等待本週四的歐元集團財長會議，希望屆時希臘將能提出新的改革計劃。如果仍然無著落，皮球就會踢到6月25日歐盟領導人布魯塞爾峰會上，亦希臘與金主達成協議的最後機會。
歐洲股市唔得，美股通常都無運行。再加上昨日公佈的美國6月紐約聯儲製造業指數意外暴跌，由上月的3.1降至負2.0，遠低過市場預期的5.7，為過去三個月內第二次出現負值，且創下逾兩年以來最低水準。其中的6月新訂單指數由5月的3.85降至負2.12。另外，美國5月工業產出下降0.2%，亦遠差過市場預期的升0.2%，而4月份的工業產出數據亦由下降0.2%下調至下降0.5%。數據反映美國製造業仍然十分疾弱，惟一叫人舒一口氣嘅係，就業指數有所上升，從5月的5.21升至8.65；平均每週工作時間指數亦由負2.08升至正3.85。
製造業唔掂，但房地產市場卻OK。美國6月建築商信心指數強勁反彈，且創下去年9月以來最高。分析指係主於按揭貸款利率仍處於超低水準，就業市場持續改善，建築商們對未來的樓市復蘇充滿信心。6月NAHB房價指數升至59，亦好過預期的56，以及前值的54。未來美國經濟復甦，可能要由樓市獲取動能啦。
美國製造業產出意外下滑，預視美國第二季度經濟復蘇恐怕仍未擺脫一季度的疲軟。聯儲局今昨將召開一連兩日的議息會議，市場開始臆測聯儲局幾時會開始加息。市場普遍預期當局最快會於9月份加息，IG首席市場策略師威斯頓(Chris Weston)表示：「聯儲局不大可能（在6月）設定更高的基金利率，但很有可能利用此次會議發出這種訊號。佢認為如果無估錯，可能導致新興市場基金的贖回潮。上周，亞洲股市中已外流出79億美元資金。
受內地股市大跌2%拖累，恆指亦受累跌1.5%至26861點，國指跌得仲甘，跌近2.6%！南車北車合併後，中車成為全球最大鐵路設備製造商，在內地市佔率95%、在全球(撇除中國)市佔率約12%。但隨著橫跨亞歐嘅超級基建項目「一帶一路」正在蠢蠢欲動之際，摩根史丹利昨日出報告預期內地對高速動車組需求於今年見頂，明年或按年回落16%，料2016年海外銷售按年增長會由此前預期的增長25%，降至10%(對總銷售貢獻約9.1%)。今明兩年盈測分別較同業低7%及19%。中車H股現估值(預測今明兩年市盈率各23.3倍及22.9倍)較環球同業有77%溢價。目標價維持9.8元不變，相當預測今年市盈率17.6倍。
累人跳樓的中車昨日大跌超過半成至12.32元，亦令鐵路基建股受壓，中國中鐵（390）跌5.4%，中交建（1800）跌4%，中鐵建（1186）跌4.7%。大摩唱淡，無人炒就回歸睇基本因素，睇嚟暫時要避一避中車啦。
陸羽仁
陸 Sir ，美國可能 9 月開始加息 ，我認為對 3 媒氣好不利 ，我的朋友和家人都持有 3 ，他們見近排跌咗咁多想加注 ，我不同意現在可買 ！請你詳細一些講講你對現在買收息股的睇法可以嗎 ？你在 blog 講過美國加息對領滙不利 ，對 405 的影響冇咁大冇咁直接（如果我冇記錯），可以詳細啲講為什麼加息對 405 的影響冇咁大呢 ？先謝 ！
Dear Mr Luk,
如果我想增加对看股票圖多一点知識，例如，恒指日線圖，保力加通道，陰、陽燭等，又或者教如何選擇一隻好的股票等，可否介紹小妹一本容易理解和明白的股票書呢？
Thanks
Angrybird
陸sir早晨，
多謝老師琴日回應，在下同朋友吹水，佢話要等南韓大爆新沙士買韓股，在下睇過韓股ETF，又係唔跌好多，唔知老師覺得“爆新沙士買韓股”呢個idea有冇得諗呢？
陸羽仁覆網友
TC: 聯想992再插深啲買佢好過買佢阿媽聯想控股，怕新股高位定價，上市時又遇上跌市。如果佢上市得，到時聯想都得。
Little mo:下次唔好在熱時入股，在內地中核上市時我已提醒大家，核電股借佢上市炒起，怕佢上完成行一齊回。
若只得一注錢，忍一忍手，等埋議息和政改表決先。
吾識炒:5萬鎊買利物浦單位，5年後可以賣回給發展商，收7.3厘租，風險也關乎發展商的可唔可靠，當然也有關英國樓市和英鎊匯價。我覺得有中度風險，不是低風險。仲要睇睇發展商係乜水。
子龍:不停提一隻股票，係想叫大家若撈佢要正確評估風險，而家買如賭大細，即使買也不宜重注。
Yuki:目前還有美息等不穩定因素，個底唔易講實，話一定知那裏是底人是騙你的。但錢少貨多者，而家個市相對低，可以買少少，攤平成本。
亞草:中鐵回咗唔少，你又未輸，不用放，揸吓先。
足金金猴:中交建和金山軟件都可以，候低買貨建倉，特別是金山略高，可以再等等。
freedom.:1359中國信達呢啲都係大股，唔係熱炒類別，所以升得慢。2186綠葉製藥, 1813合景泰富都係較細的股票，唔一定唔得，睇大市熱唔熱炒唔炒。
陸老師︰
您好﹗
我見恆大和萬科都跌得比其他內房股多，尤其係前者，按理說內地有機會再下調存款準備金率，那這兩隻作為撈底之選不知如何？前者在現水平吸納可取嗎？
謝謝指教。＿
陸蛇：想問下IPO聯想抽唔抽得過？賺餐茶錢有冇問題？謝謝
老師
早
你話 " 另一個得1成現金，我就話可以睇睇，呢啲情況「唔怕市跌，最怕無錢」。 "
我就是這種人, 咁我是否不應在這星期入貨?或要等上証真的有4600的一天才可開始進場呢?
另外, 你如何看核電股? 因我近乎摸頂入了少量2727. 唉. 我正在考慮要否止蝕, 因己到10%的地步了.
謝謝指導
陸sir,
朋友問一項投資, 不知是否吸引, 請指教!
以約5萬鎊在Liverpool買小型單位（約１２平米套房）作出租給大學生, 扣除手續費等後, 固定回報為7.3%, 保證收5年固定回報, 而且在買的時候可以選擇是否於5年後以原價5萬鎊賣返俾發展商, 陸sir, 你覺得這是一個低風險的投資嗎？
因為５年時間都唔短，２０１７又有公投，英鎊長線會否貶值？謝謝分析！
噢.....不如提下牛奶輝, 盈警都唔係好跌.....
可能是繼能羊後...大家多論的股...不停提下無防....
陸sir好少不停提一隻股.....
立花大王又係度等火車.....
陸Sir：
你話：「未來唔怕大市唔跌，只怕無錢買貨。」
那麼您預期今次回調目標之水平及時間應為？
又雖然唔同倉位會有不同部處，您話9成資金可以現在開始入貨，但既然預料快要或有深度下跌，為何不多等一會呢？
因為據今日報紙報導，現時個個散戶都話唔驚跌，仲話要加注，所以對短期後時有啲擔心，至少要一次猛烈殺落，使大部分好友灰心及牛證收回，才能成功尋底！
笑莫笑...悲莫悲...股票事忘烟水裏....
做定熱身先....
陸sir:
你好，我07年牛市入左中鐵390，平均價大約6.7元，5000股，之前聽你講上番水面就唔好咁急沽住，我都由佢放係度反正擺係度都咁多年，但最近由12.3高位，跌到而家8.8左右，都調整左3成，其實仲有冇得炒呢，應唔應該止賺? 而家賣都仲有得賺，謝謝回答
陸sir , 點睇中交建和金山軟件？ 跌市撈底用來建倉得唔得？
陸Sir 你好,
想問問隻1359中國信達, 現價PE10.7倍, 每年增長有廿幾%, 好似好吸引, 但唔知點解不能大升? 其他股票有這增長都能去到廿幾倍PE. 其實佢既問題喺邊?
另外, 2186綠葉製藥, 1813合景泰富你點看? 現價值得買入作中線投資嗎?
謝謝!
大家，陸sir不停提中車，暫時不易掂，大家忍忍手，買貨都等跌定先，什至市場有其他平貨，買其他好過買中車!
唔怕市跌 最怕無錢
2015年06月17日
借住希臘有可能脫歐，美股低收過百點，跟住內地股市都跌，上證綜指繼續大波動本色，急促向下，再度跌穿5000點，喺咁環境下，港股自然無運行，尤其一啲紅色大股，都插得幾犀利，個別藍籌跌番到起步點，「六絕市」宿命暫時未能打破。
本周內地新股蜂擁上市，估計凍資6萬億人民幣史上最勁，加上深港通或推遲通車，觸發內地股市急挫，上證指數曾跌4.4%，創業板指數一度插近6%，尾市跌勢放緩，上證指數失守4900關，跌3.5%，連跌兩日，累挫5.4%。A股急回調，內地證券股都跌得急，廣發證券(1776)
H股就創掛牌後新低，收22.75元，雖然仍比上市價18.85元高，但若然高追要捱棍。
美國聯儲局今周開會，對9月份加息會有明確啟示，市場預期息口上調機會增加，全球資金都做定準備，所以就算A股唔係咁多跟外資玩，呢個星期都有啲腳軟，香港仲要捱政改呢一關，恒生指數難逃再跌，創出兩個月低點，收造26566點，挫295點；國企指數收報13252點，瀉369點，成交增至1231億元。
議息期近 資金腳軟
唔少讀者問我買得未，我話個市未跌完，睇你手上現金多唔多，有一個有9成現金，我話開始買少少唔拘，另一個得1成現金，我就話可以睇睇，呢啲情況「唔怕市跌，最怕無錢」。我在微信群組見到不少內地朋友話自己「滿倉踏空」，成手貨無餘錢遇上跌市，其痛可知。所以，?家入市撈貨，就要有捱價準備，分注慢慢吸納。
勁跌大股惹眼份子係中車(1766)
。內地財新網引述中國鐵路工程總公司人士報道，今年第一次動車組招標或於下半年進行，目前計劃採購190列動車，可惜好消息反而惹來出貨。合併後的中車弱勢持續，旗下南車時代電氣(3898) 
都跌近7%，其他鐵路基建股齊齊捱沽。
中車遇上長沙股民買佢輸到跳樓，變成跳樓股，本來已經弱，再踫到摩根士丹利魔笛唱衰，股價午後沽壓未止，重創10.4%，收報11.04元。
大摩認為，合併後的中車獲得的本土新定單比預計略慢，加上按現時估值計算，其估值比同業溢價77%，評級由「中性」降至「減持」，目標價9.8元不變，折合17.6倍預期今年市盈率。
中車運滯 暫未宜掂
鐵路股係A股大時代比較早就熱炒的股份，外資一早就話佢超貴，但內地熱錢不斷舞高，中車合併前H股由去年橫行位7元，剷上20.65元水平，但比起A股仲差一大截，A股由去年橫行位6元不到，升到35元，高低差幅更勁，當呢個板塊喺內地調整，H股亦不斷下插，?家由高位調整了差不多四成，應了一句升得多，跌得勁。由中車A股走勢都跌得「甘」去睇，摩笛威力咁大，唔多唔少有趁內資沽貨出招，趁你病、攞你命。中車咁運滯，依家平股又好多，雖然跌得多會彈，但暫時都唔想掂佢。
基本上，外資上半年基本上睇淡內地經濟，六月份好多集資配股，都唔見老外掃貨。不過，富達國際投資股票部環球投資總監Dominic Rossi喺記者會就話，中國經濟增長正在減弱，上半年數據令人失望，但僅屬暫時性，相信內地政府將可調控其經濟軟着陸。
呢排另一個市場關注係內地電力部門執位，國資委公佈國家電力投資集團公司職務變動情況，外界談論最多係成員名單中無李小琳。國家電力投資集團公司是由中國電力投資集團與國家核電技術公司5月29日正式宣佈合併成立的，李小琳榜上無名，令人關注呢位中國電后的動向。
陸羽仁
我是花生沽空之王! 嘩!....嘩!.......嘩!
獸兄果然係在下既知音人
其實長毛話一億一票，湯sir分析得好，呢個唔係阿爺既出價，而係犯民既叫價，利字當前，禁錯制有咩出奇？錢喎！民主？咪玩啦？icac? 仲講呢d? 依家係icac個老細個老細叫人比錢喎，點拉？話時話，佔中之後大家發現左法治原來有盲點，就係執法機構有完全既起訴同調查權，例如長毛真係收左一億，海外過數，後來有記者爆料，登報紙頭版，銀行過數，海外豪宅，生意証據白紙黑字登晒出黎，執法機構一句“証據不足”，“調查中”，拖你幾年唔起訴，你就吹佢唔漲，冇佢符，冇辦法，唔好以為在下踩緊香港法治崩潰，崩潰還崩潰，其實好多國家都係政治大過法治，非常正常，尤其係中國，就更加正常，所以政改未到表決一刻，真係咩都有可能發生
話時話，一億一票，依家要四票，即係四億，聽講何文田新盤一個要三千萬，四億即係14個新盤單位，香港今年好似話有18000個新盤單位要推，只要放棄其中14個(ok, 果14個比較貴，40個好冇?)，只要放棄一年萬八個供應入面既40個就有普選，抵到震啦下話？對地產商黎講，真係九牛一毛，如果只出九牛一毛就可以幫阿爺立功，真係抵到爆棚，簡直係千年一遇既黃金投資機會，所以長毛既叫價其實相當合理，絕對無坐地起價
Bro.依家控股...
Totally agreed...
I have already bet on "禁錯制通過政改"...
I am not joking... it is very likely to happen right???
I do not care... i just want to win money...
SIGH...
袋鼠兄，關於買票，在下有另一番見解
在下認為，如果阿爺真係買票，又有人肯比，議員唔洗怕icac，何解？當一件事去到政治層面，貪污就係一定，政治點可能冇貪污？而經歷左咁多事之後，大家仲信香港勝在有icac? 有係有，但係好似新加坡咁囉，只管平民，一去到管理層，都係政治話事啦
至於有錢冇命洗，一洗就比人知。呢樣大可有其他解決辦法，例如海外過數，海外投資買樓，肥佬黎都係收美國海外錢啦，唔通會係匯豐銀行過數等你查咩？過左數，十幾年後退左休鬼記得佢收過錢投票咩？十幾年前葉劉夠係過街老鼠啦，依家咪又做立法會，仲話要選特首添
陸sir成日話本土激進派搞爛左個局，搞到大家冇得普選，齊齊輸，冇錯，依家係死局，但係政府都要反省下，點解本土激進派咁有市場先？97年前有冇本土激進派？點解本土激進派又唔似好聽外國勢力支笛喎，講到尾，特區政府長期施政失誤，由老董中期衰到依家，係社會做成大量loser，造成大量民怨，為反政府勢力，尤其係激進勢力提供非常充足既養分。本來溫和犯民都可以lead住d反對聲音，後來d人發覺你溫和同政府講，政府彩你都有味，咁咪要激進囉(雖然都係冇用，但係起碼high d)
長久以黎樓價租金物價，上流機會，大陸人黎搶資源，全部冇解決，等陣又整個肥仔出黎要攞居留權，果班保皇黨既咀面同質素又令人作嘔，議員有亡國興唔亮星tree根，後來仲有周溶+李私煙，政府有卡片蘇劏房波禿鷹，大佬啊，想人支持你都要照下鏡啦，佔中就保警察保過龍，7警朱警司全部冇下文，唔係話幫黃絲定藍絲，平心而論，你政府服唔服到眾先？特衰政府施政係經濟民生，官員態度同善後佔中都嚴重唔合格，社會上好多人唔鐘意呢個政府，呢班人就變成選票，變成反對派同激進派既養分同動力，而所謂溫和犯民其實都係食緊反政府市民既選票，邊個敢反枱？阿爺想人幫佢“頂住壓力”通過政改，咁犯民議員頂左壓力，禁錯制贊成政改，下届選舉可以話係唔洗選，邊個賠返比佢先？講到尾，反政府能量係政府自己長期制造出黎，佢整左出黎又叫人幫佢頂住，頂完又冇賠償，講唔通喎，除非買票又唔同咁講
希望唔好比在下講中，到時真係有人禁錯制通過政改，咁就好笑，icac老細係689，阿爺打個眼色，識做啦，香港已經係中國既地方啦
草兄：係夜期，唔係日期
??? falling 200+
動物兄：你一個華麗轉身，夜期就升了
六月入的貨全面虧損
WHO CAN HELP US
獸人，今晚聯儲局個blowjob，可能唔係前門而係走後門…
市場有反應都以為只係C9買活雞
長毛講嘅癈話 (如果係堅，請佢全力協助廉記)，其實係向任何打算倒戈投票嘅泛民議員，種下一個『一定係收咗錢』嘅罪名，等啲無思考嘅民眾先入為主，唔識諗倒戈投票可能係為香港好。
長毛臨門玩到咁盡，係為咗『買保險』防止『爆冷』，抑或係一個博奕訊息⏎，佢收到風會有足夠泛民投贊成票？ PS.湯家驊及癲狗無加入聯署，隨時有呢兩票。
草兄，呢個女神只會揀全港開埠後第一賤男…
大家還是買升好, 有女神的擁抱。
升好, 跌好,
輸到甘就天台見。
You will then ask central bank is to determine the monetary policy... but leaving the finance issue to the government...
But you should also see how Yellen BLOWJOB to the iBankers...
SIGH...
US is so BAN7 to increase interest rate to pay more interest to the bond holders???
You should ask yourself ... will you be willing to pay more interest to the bank for your loan???
SIGH...
Bro.kangaroo...
//
下限當然繼續係零
//
Exactly... 0-0.5%...
In future the range is 0% to something like that %...
Ultimate interest rate is yet determined by market...
SIGH...
仲有一樣，唔好太有信心美國會加息！
大笨袋鼠 2015/02/27 10:05:29 網友在此的回應 Kathleen，have a good weekend!
source: Federal Reserve Bank of St. Louis
除了象徵式擴闊個目標上限 — 由而家0.25，增至0.5？下限當然繼續係零，睇怕加息得個講字
沽貓，等火車下一站去邊？係咪28k上車，去25k車站？行高鐵？
小貓，好似被催眠咁，只係睇嚟睇去一隻股。
Bro.TC...
You know US & CHina is bullish market & not yet exploded...
It does not make sense if HSI further move down...
It is only common sense right???
Just like Grandpa does not like long hair right???
SIGH...
動物兄：因咩事轉得咁急...
袋鼠，我等火車，無所事事!
袋鼠兄:
RE:收市前，袋鼠唔怕多口講，阻住你班友發達，陸sir都已經大字標題，睇淡中車。成個市大把冧巴，就算話有計劃買，其實都要睇實況，而家大把蟹貨位，隨時要靠班大媽破多個蟹位，㸃破?之前無計劃更加應該可以睇其他冧巴。
悶悶地賺錢，好過轟轟烈烈地輸錢吧。
----
唔駛咁嘮氣住~您講得正確。
如果小貓唔係之前想得好清楚,呢個時候就算買,買1800都唔會買中車。
小貓也知道明天,後天,大後天,甚至2015年下半年都係跌市的可能性和風險了。
多謝您的著緊~
(感受到被愛的感覺 
)
話時話,動物兄現在就轉好友,有D意外,
因為恒指往下500點才是牛證的集中區。
溫馨提示:
買入"炒作資金撤離的中車",經過長時間考慮,觀眾切勿模仿
陸SIR今日BLOG的標題是:"睇淡中車"
沽貓，thanks 回答!
(刪咗都俾你睇到)
袋鼠， 無祕密!
我因離港，已沽出!
無位做鎖單! 只有keep 母單和加單!
這次下跌好慢! 我做了個幾月沽空倉先肯行一行!
股票獵人，小貓愛情觀。
錯!
我不是看淡到25000, 而是25000 是下一個阻力!
而今日突破，都是阻力!
突破即是阻力，而阻力是用來破的!
而下跌最終只有到零點!
無人知道市場是走去哪裡!
但我地要 一齊 操控市場!
哈哈~係波~草兄幅相~對沽貓而言真係唔太老黎
剛剛訓醒@@~睇左一下"撒但之母"炸彈的新聞...
都幾得人驚,咁容易整,其實咁落去,
香港出現恐佈份子放炸彈係遲早的事。
仇恨,加上足夠的人口,就會出現精神失常的"同歸於盡"式份子,
而暫時香港群眾運動都比較和平,所以社會對當中的風險低估,
使恐佈份子的恐襲的難度大減,成功率大增。
沽貓唔好話25000,只要炸彈炸一炸,15000都有可能~
沽空大王仍看淡, 要見25000
動物兄好似轉睇好了,24999同3800既1.75都唔會見了?
大市直指下站25!
中途無明顯阻力!
老散將會再一次被套牢!
有套牢，無升勢!
及早離去
四字而矣!
子龍， 我用手機，無得轉!