撈底不易
美股連跌兩日後，昨日反彈。杜指漲113點，收報17904點，漲幅0.6%；標普500指數升12點，收報2096點，漲幅0.6%；納指升26點至5056點，漲幅0.5%。
希臘問題繼續係國際市場焦點，到目前為止，幾乎睇唔到任何表明希臘與金主可以達成協議的跡象。希臘財長瓦魯法基斯昨日表示，希臘並無計劃在週四的歐元集團會議上，提出新的改革計劃，仲堅持要求國際債權人認真對待希臘提出的改革計劃。市場人士已經越來越擔心希臘將會出現債務違約，最終給踢出歐元區。究竟係唔係咁，要等埋今個月25日舉行的歐盟峰會，至有分曉。不過，睇美國及德國10年期國債息回落至2.3厘及0.8厘樓下，遠低過上周的2.5厘及1厘，即是債價上升，反映有更多資金流入債市避險。
希臘債務好大機會爆煲，不過市場的反應已經唔係幾年前歐債危機時候咁「騰雞」，股市跟住消息上落，但不太恐慌。相信投資者覺得歐洲領導人已經有處理希臘問題的經驗，防火牆已經做得比較好，另一個原因，見到希臘問題傾來傾去都無結果，已經有點麻木。適逢聯儲局正在舉行貨幣政策會議，投資者的注意力轉移到儲局幾時開始加息議的問題上。有關希臘債務談判的壞消息，就先放埋一邊，畢竟，聯儲局的加息動向，對大市的影響比較直接。
聯儲局公開市場委員會（FOMC）仲有一日會開，今日將發表議息聲明，而主席耶倫亦會召開記者會。London Capital Group首席分析師布凱麗(Brenda Kelly)表示，「在這個時刻，儘管貨幣政策方面不大可能發生變化，但耶倫可能會以更加激進的姿態登場。」即係話，即使9月份唔加息，今年年底加息的機會將會好大，並可能作出暗示幾時加息。果真如此，美元匯率又會得到支撐，大宗商品受壓。
美股反彈，內地股市就大大鑊，上證綜指昨日勁插3.4%，收4888點，失守5000點大關。引發昨日暴跌的主要原因之一係未來4個交易內，將有25只新股發行，係歷來最大規模申購潮，預計凍資可能超過6萬億，巨資凍結，股市易跌。
另外，中證監昨日重申，證券公司不得通過網上證券交易介面，為場外配資提供便利，又聲言會嚴查場外配資，這種去槓桿的措施，會進一步加劇市場資金的緊張程度，水頭唔夠，個市就跌啦。要注意的是上證綜指昨日跌穿上一浪（5月27日）的高位4942點，要去到4600點附近至有比較大的支持。內地股市繼續跌，港股亦會受到拖累。
跌跌不休的中國中車（1766），繼續成為市場焦點。中車A股由本月9日復牌日的高位35.64元人仔，跌到昨日的21.58元，5個交易日股價唔見咗4成，A股市值蒸發超過3000億。H股復牌日高位一些，只有15.9元，但跌幅都超過30%！
由於中車唔係純粹炒股，而係有實質概念支持的大股，所以夠膽撈底的人特別多，愈跌愈撈，所以殺傷力特別大，死的人更多！
對於中車復牌後連續數日暴跌，高華證券分析師認為，中國中車A股/H股目前對應的2016年預期市盈率為53.3倍/21.7倍，而全球鐵路裝備同業的2016年預期市盈率中值為12.9倍，故存在A股估值偏高的現象。
從「投資的我」的角度，無論大摩也好，上述高華證券也好，都講出中車的市盈率跌咗好多仍有偏高，特別係A股較貴，所以未係投資的時候。
至於「投機的我」，就係一個五五波的估計，股份愈插得急，再深插和急彈的機會一樣咁大，好似賭大細一樣，但中車蟹貨好多，怕佢反彈都未必彈好長，彈完還要尋底。如投機設一成止蝕，怕佢一兩日又到，怕到時又要打靶，結論係撈底不易。街外其他股開始都便宜，投機買啲無咁弱的股票好啲。
陸羽仁
陸sir：計埋唔急用的備用現金，現金股票比例為1：2，近日主力買入小量的3800保利協鑫和3993洛鉬，請問依你認為是可考慮買入的股票嗎？我想知你的看法，還是要買應該買1800中交建和1618中治？煩請抽空回覆，謝謝。
陸sir早晨
近日留意到386有少少反彈, 在6.5是否有支持, 之前佢升到7.2冇走, 我成本係7.34
應否在現水平入市增持? 佢一向都係慢股, 定還是在135以下吸2828比較好? 反正2828都有386在內
另外992好似跌定左? 佢有冇的當炒的概念呢? 互聯網+好似唔係好關佢事咁...是嗎?
謝謝陸sir
陸SIR, 我手上現金唔多, 得返3-4成,其他蟹貨 3800,883,1766,1800,1185
想請教如買1800 (補回,降平均價),3988好嗎?
另,想再買2357 還是買604+268好 ?請指教, 謝!!
早晨陸SIR:
想問隻#1031點睇? 如果買咩位入較安全? 謝謝!
想禁錯制，都要有藉口，例如投票果下突然熄燈，或者響警鐘，總之就突然兵慌馬亂，跟住有心人就“咬吔！禁錯左！”
記著，中國人既社會，錢能通神，最後一刻乜都有可能發生
謝謝小貓兄
陸 Sir ，美國可能 9 月開始加息 ，我認為對 3 媒氣好不利 ，我的朋友和家人都持有 3 ，他們見近排跌咗咁多想加注 ，我不讚成買 ！請你詳細一些講講你對現在買收息股的睇法可以嗎 ？你在 blog 講過美國加息對領滙不利 ，對 405 的影響冇咁大冇咁直接（如果我冇記錯），可以詳細啲講為什麼加息對 405 的影響冇咁大呢 ？先謝 ！
3 中華煤氣 在 4 月和 5 月股價都在 $18.5 牛皮了二個月 ，2/6 收市價 $18.64 ，3/6 除淨收巿報 $16.76 （十送一紅股 ，$0.23 股息 ，收市計跌了 $0.185），16/6 收市價 $15.86 ，比 3/6 跌了 $0.9 ！
陸Sir：
撈底呢啲高難度動作並唔係一般散戶可以做到的，我們亦不需要準確估底，只是您之前講過調整要計算幅度和深度，因此才請教有關水平及時間之問題！
雖然您話貨少者現在可以入貨，但大部分強股離4月裂口還有一大段距離，您現時提過的一些股票及有關入貨射程範圍亦未達到，以及市場中散戶普遍買牛之操作和沽空水平之高，實在不無疑慮及猶豫！
那麼，你認為今次的調整幅度和深度，都已達標嗎？因此在現水平已經可以放心慢慢吸納？謝謝指教！
你之前有講過議息或政改表決後，升定跌好在乎當時嘅市場水平係高定低，但依家一日挾數百，第日又插幾舊，唔上又唔落，以您嘅角度應定義為高定低呢？謝謝！
Animal666:按錯掣通過政改，大打出手，個市仲可能插。平平安安算啦。
多謝小貓兄的詳細筆錄!
小貓兄：唔該晒~
唔怕壞消息 至怕不明朗
2015年06月18日
美國聯儲局議息，對息口走向隨時會有啟示，同一時間政改方案開始呈上立法會。有中環茶友笑言，呢兩件事好似兩把劍吊喺港股頭上，究竟係篤落嚟定係唔篤落嚟，無論點呢兩日都會有結果，就算好定壞都叫做暫告一段落。茶友笑言，有商界大孖沙同佢講，美國睇落點都要加息，咁長痛不如短痛，快快手手開始加息仲好過。
跌後反彈 成交未上
呢種唔怕壞消息，至怕不明朗嘅理論，唔知有幾大代表性。不過，港股喺政改辯論開始後就升多咗，同政改無關，主要係內地股市昨日V形反彈，轉跌為升，帶動番個香港個市。
恒生指數收造26753點，升187點；國企指數收報13414點，升161點，成交輕微縮減至1208億元，動力明顯未夠，只是反彈，不是升市。
指數造好，連續兩日捱沽的中車(1766)
股價終於有反彈，一度重上12元關，收造11.9元，急升7.8%；旗下南車時代電氣(3898) 
回升5%，中車急彈也帶挈一眾鐵路基建股回勇，正如我喺網誌講，中車跌得咁多，技術上有投機博反彈的可能，但同佢下挫幅度比，回升唔算好多，買來投資就要小心忍忍手。
吹笛唱衰中車得手的摩根士丹利，與美銀美林齊齊下調長城汽車(2333)
目標價，搞到長汽沽壓明顯，收造40.55元，挫1.9元或4.5%，為表現最差國企指數成份股。
阿里無綫搞自拍劇
講完衰嘢講好嘢，阿里數碼娛樂事業群總裁劉春寧透露，該公司計劃成立中國版的HBO，推出Tmall Box Office，為內地6億個家庭提供娛樂內容，部份節目內容自行製作，部份從海外購入。阿里將會跟電視廣播(511)
聯手製作迎合內地觀眾口味的電視劇及電影，雙方的合作細節將於未來3個月公佈。
阿里巴巴馬雲點子多多，呢一招線上影視公司搞自拍劇，似足美國線上影視巨頭Netflix，佢搞自拍劇《紙牌屋》非常成功，呢類公司唔可以只靠播人家二手劇，要自己拍嘢突圍，馬雲同電影界行埋，都係諗呢個方向。暫時未知呢一瓣關唔關阿里影業(1060)
事，但佢有理無理升4.7%，收3.35元。
呢排細價股瘋炒概念收斂，雖然每日仍有不少二、三線股上升，但升幅無以前咁癲，而且多數係回歸基本因素。好似昨日做電器生產嘅利民(229)
，就傳出「股壇長毛」David Webb入股消息，股價跑贏大市。
跟住股壇長毛有辣有唔辣
股壇長毛買股曾經係刺激股價上升的靈丹，但近年效應減退，主要係大家發覺佢唔係隻隻股都得，特別係股市好旺的日子，佢持有的股份可能仲跑得慢啲，因為好多炒家覺得有條「中戶」手頭有貨，無謂走出搞佢啦，跟佢買股好處係佢識得分析公司，質素唔會太離譜。至於佢成日出來幫你維權，就一半一半啦，因為好多大股東會覺得佢搞搞震，一於同佢鍊過，好似多年前佢反對王氏港建(532)
私有化，到今日股價都未返去佢搞喎時的價錢，所以跟佢買股要有慢慢熬的心理準備，最好係等股價回番，買得平過佢。
佢今次入股的利民實業(229)
，主要業務是製造及銷售家用電器，現價市盈率有成20倍，但派息有6厘，價貴但高息。股壇長毛於6月9日，增持了52萬股，每股作價1.072元，總值56萬元，持股量增至5.03%。消息公佈後，收造1.32元，升近15%。小心高追中伏呀。
另一隻近日升勢唔錯嘅股份係安全貨倉(237)
，公司確認近期有代理接觸，提出數個收購旗下附屬公司柴灣貨倉的無法律約束力的收購建議，管理層未作出任何決定。安全倉資產豐厚，名下物業價值同租金都有上升潛力，現價派息就麻麻。呢類老股有無表現主要係睇會唔會賣產同有無派息動作，如果講營運能力，當然係藍籌地產股勝一籌啦。
陸羽仁
以下是陸SIR昨晚在E線金融網接受的訪問筆錄:
http://podcast.rthk.hk/podcast/item_epi.php?pid=175&lang=zh-CN&id=55325
政改與股市的關係2015-06-17
不太同意今日(6-17)的股市表現反映了政改結果。
雖然覺得政改唔通過,也沒什麼大不了,懸劍係落左,會利好一下股市,
但是,今日是因為上證綜指V形反彈,香港只是跟隨反彈,
國指升161點都只是1.2%升幅,恒指更少,只有0.7%升幅,
成交金額得1228億,是低成交的反彈,跌左咁多日,都要彈下掛?
加上國內彈得厲害,香港就跟下。
真正穩定的消息,第一睇今日美聯儲議息聲明點講,有無暗示幾時加息啦,
同埋等政改過完,壞消息出盡,我想就會好返D了~
政改唔通過,本身係壞消息,但我覺得踏入5,6月,外資一路係睇淡,
國內資金亦係唔太敢來炒港股,其中一個原因,
投資者覺得,既然中央提出政改方案,係應該可以通過的,
但慢慢發現,原來可以唔通過的嗎?
咁我覺得就比較難講了,
因為佢地係驚唔通過政改,中央會收返香港的優惠政策,
雖然我的感覺和分析是不會的,
但形成國內資金一個裏足不前的因素,唔係幾敢炒港股住,好怕這種狀況,比較難對應的政治市。
我覺得政改即便不通過,中央對香港的經濟政策是不會改變的,
政治方面會形成一種低氣壓,這也是話政改不通過係壞的原因。
政改通過了,就算係打一場,但打完了,始終係政治向前發展,始終是有利的。
通過是短期不利,中長期有利。
不通過是短期有利,中長期在政治上不利。
短期有利,係唔會打得成,但中長期不利就好似血脈不通,都係鬥來鬥去,積住瘀血向度,對政治生態係不良好的。
應該對香港的長遠發展係有壞處的。
但股市是比較短視的,壞消息出晒,一見無事,打唔成,中央也沒有收回香港的優惠政策,
市場咁就會投入黎炒,
所以唔可以話今天的升市係消化了政改,係要等政改結果出左黎,先會消化。
深港通和政改是否通過無咩關係,
去年佔中剛開始的高峰時期,滬港通一度推遲了少許,但之後佔中未完,中央都決定滬港通通車。
總結,中央覺得唔應該因為香港的政治環境,影響了滬港通安排,所以唔會覺得深港通會受影響。
主持:內地消費及經濟很差,股市升咁好,是虛火嗎?
我從來都講"經濟越差,股市越好"中間條橋就是政府放水。
經濟很好,做生意的朋友說套餐加了價,客人都照食的時候,就要小心了。
內地現在最受打擊的是高檔次的酒樓。國內酒樓房多過大廳,前年開始打貪,加上限消費,
D房十室九空,現在已經好少少,大家適應了。雖然和高峰比仍然好大差距,
但經濟不是股市的直接反映。
我成日講,經濟差,股市唔駛擔心住,雖然升得急,就要小心,不要高追。
但經濟越差,中央越要持續放水,
若經濟一好轉,CPI PPI,特別係生產物價指數,現在仍是按月跌4.6%,
如果這個數字一明顯收窄,經濟一好轉,中央放水減慢,甚至停止,那就要小心。
內地官員問我對股市的看法,我就說:
"你們最清楚啦,開省委常委的時候,看有沒有繼續經濟支持措施,有的話,股市梗係繼續炒架啦。
但如果覺得經濟開始好返的時候,就要開始閃架啦"
其實美國,歐洲都係一樣。
我覺得美國九月唔加息,十月加的機會都唔會太細啦,
我信利率期貨的,期貨顯示九月或十月加息的機會都比較大,
因為期貨投資者是用真金白金去賭的,所以我覺得係有咁既加息風險。
今日係要睇聯儲的議息聲明,及耶侖有沒有明示或暗示幾時加息。
這也是股市的懸劍,如果有很清楚的暗示將會加息,咁美元會升,
外圍股市會下調,債息會上升,會有一定壓力。
要等懸劍落地,股市才會好D。
香港政改不通過,大家都預左,但美國加唔加息,係未有充份的心理準備,
所以出黎的議息聲明係沉默的話,咁就向好了,
如果議息聲明有明確的暗示加息,咁股市要承壓一段時間。
股市未消化呢個消息。
李小加連任,對388影響係好事,不過也是預期內,唔連任先出奇。
李小加是香港和內地股市融通的大好友,
過去無人睇好的時候,他是大力去唱好此事,上內地游說,所以他的續任,也是表示這個融通繼續。
是一個大家預期的好消息。
說回美國加息,加息後,美元會有一浪向上。
一般認為今年會加兩次,每次0.25%,合共0.5%,好些就只加一次,
但這個幅度都係唔足以對股市構成嚴重或致命的傷害。
而美國十年期債息最近落返2.3%,咁加息周期開始,美元上升,
十年債息會不會去返去年年頭3%的高位,還是升多少少就停呢?
呢個都係幾關鍵因素。
我覺得加息都係大周期的開始,唔好完全當佢無影響,
等佢出黎後,要消化一段時間,對外圍股市,特別是美股是有壓力的。
對港股是有影響,當國內資金只炒內地不炒香港的時候,
香港只能睇外圍,但我其實就並不看淡的。
我希望佢回落得深D添,特別係國企指數及紅色股,其實係一個良好吸納的時機。
AH差價越拉越大,港股的負面因素兌現之後,下半年仲可以睇得比較好。
作為中線的投資者,就不太喜歡高位走去追,
但殺跌落黎時唔夠膽買,高的時候走去追,牛市都可以輸錢。
但當大市回得比較深唔夠膽買,又不是買熱炒股,以2828為例,就算個市升返,都賺唔到錢。
中線大市仍然看好,回落係吸納的機會,最好是深度回落,
現在跌2000算是中深度回落,如果再深D,插到國指穿13000,恒指26000貼近或微穿,就覺得差不多了。
2822和2846是不同的,
2822南方A50走勢有D接近2828,無跟咁足國內A股,
2846滬深300會跟足A股,
兩個策略不同。
買2846時,每次A股回落300~400點,就要買,只能看A股短期回吐的時候買,
2822,2828,個人現在對2828興趣濃些,因為2828回得較深,高位升穿150,今日收135.8,
如果再回深D到131,132都可以吸下架。
不能保證買完不會跌,但應該不會令大家跳樓掛?
3988中行
都幾硬淨,回到5.1左右,就有支持,如果再回到接近5元,可以考慮。
但也不容易大升,幾次都去到5.4左右就回頭,年高位5.68,
所以買3988是穩陣派,回唔多,升也不會大升,和2828比較,2828回得較深,升也較多。
因為自己同國內基金朋友講起,都會話升到5000之後,都會調D資金來買H股,
睇下係邊種人,短炒當然選2846,2828香港H股呆D,腳軟D,
但我是看幾個月的中線,低D買食個浪,10%都OK啦~
這是我的一個底數,以3個月計,買一隻股,希望能有這個回報。
若買2846就是再短線D了。
2357中航科技
好硬,回得少,若回到7.6或7.8就有興趣買。
內地IPO凍結6萬億資金,血流就不暢,所以昨天(6.16)回吐覺得與此有關。
但實在內地炒作味太强,一跌又抽上去,
但呢一期中央的方式都好簡單,個市旺,又跌唔落去,
就放新股,頂得順就繼續放,股市就發揮正常集資的作用,
將錢導引去企業手上,就可以投資返實體經濟了。
咁樣個市都跌唔落,就好硬淨架啦~
故然從中線角度睇,(小貓按:中央?)都驚佢會跌得太急太快。
2009金隅股份(水泥)
6元升到不足11元,但覺得主要炒房地產回暖,
走勢有D似688,炒中央救市,市場會好返D,
呢次回落唔係太大,有股係手可以揸揸,應該守到,就算穿穿位都未必回得深,或者未來國內樓市估計係反覆向上的格局。
371北控水務
炒味濃好多,4元多抽到7元多,呢類型股票,不是可以急速膨漲的。不像內房,市況好銷售可以大好多,入帳雖然兩年之後,但合約銷售可以大很多。
佈局看，踼曾偉雄退休，係好事
爺爺和孫女說：妳要吃完頭盤，主菜，看妳食完點情況，才給妳吃甜品。 孫女：我唔食頭盤，to be or not to be, 我要食甜品。對頭盤説不。 爺爺：咁咩都唔好食，返歸吧，唔好話我唔帶妳嚟食嘢。
睇嚟都係等『好消息』
，今晚多數通過唔到政改。
無私隱投票制度，就算有心『袋住先』嘅泛民議員，都無謂為香港前途而犯賤。
多數嘅中間民意市民，唯有用區議會張票去投訴 (白票運動，基本上建制派或激進派，自動當選，但激進派啲地區工作會唔會仲差過公民黨？) - 希望班泛民政客唔好迫中間選民，做到要用立法會張票去投訴… 否則23條將會變成港人為求向前行嘅『必要邪惡』(necessary evil)
做番袋鼠本份，反正袋鼠呢邊都大把嘢要鬧。起碼鬧完都仲有張選票，去表撚佢首相個政黨…
老湯，Don't cry for me, Hong Kong，去移民享吓福好過啦。God speed
希望各位網友呢期牛市（假設未完）賺多啲，就可以有能力選擇去留。
Animal兄：我只是擔心大陸水唔落黎炒而矣，這次看看能不能盲拳打死老師傅。利申：持有大量滬深ETF
Market please punish me forever...
I am counting money forever...
SIGH...
小貓，袋鼠返過教堂，都知去主耶穌那邊個堂，的確有好多靚女
(那種靚嘅表達同一般審美標準唔同)
要星期五下午,政改先有結果!?
------------
袋鼠:
將軍係感性的人,重情者容易被情所困,
呢點小貓能十分體會,因為小貓都係咁的少年~
...咳咳...曾經係...
現在久病成醫啦~
感情真係唔逼得,特別係現今人情冷暖,
很多男女已不顧恩情承諾,
一切愛情都建基於個人感受喜惡,利益短視,
所以像將軍這種對愛情太認真的男生,
往往只是被人當用完即棄的水魚看待,
要成功覓得優質股,何其難哉?
不如咁...子龍兄私下聯絡一下小貓,帶您返教會認識主耶穌~
或者主耶穌會有安排
我係新網友，唔知將軍的實際情況。
唔好介意我路過搭口講兩句，我覺得追女仔，除了追或追到之外，真係要諗下你係咪想以後都同呢個人相處。
不過，如期係到日思夜想，又係一試無妨。
小貓兄，其實你以有一句更好，大慨係 沒有談戀愛的青春/or人生是白過的 (人不風流枉少年？)，陸sir都buy
將軍等咗好耐架嘞，無謂讓年青逝去，回頭一望未曾見與女孩一同走過路*。
*PS 係，將軍有同美少女一同走路，但若果真係談戀愛 (10A、5D、或其他)，佢便會發覺唔同之處。
小貓，『拯救自甘墮落的…』
開口中 
而且溝女唔係咁樣等法嘛…
好似啲C9劇… 
睇背景，憑直覺估，個女仔戀愛經驗隨時比將軍豐富得多
(sorry
小貓，係袋鼠叫你醒幾句，但袋鼠真係笑咗出嚟… 
)
不過 機會年年有 呢句就真嘅。
上了港台e線金融網，有興趣可聽聽。
http://podcast.rthk.hk/podcast/item_epi.php?pid=175&lang=zh-CN&id=55325
I have already bet on "禁錯制通過政改"...
I am not joking... it is very likely to happen right???
I do not care... i just want to win money...
SIGH...
直覺覺得政改會有出乎意外的結果
RE:小貓，醒幾句愛情觀俾將軍嘆吓啦
----
子龍兄~追女如投資,
真係睇中心中的白雪公主,
就耐心等下啦~
平日多D關心下佢,留意下佢~
等到有一日......佢突然被持有者拋棄,市場估值大幅減值,
佢自己都希望被好的主人長期持有時,您才張起天使的翅膀,扮演白馬的武士,
拯救自甘墮落的好股~咁樣關係才會持久,這才是投資之道呀~
P.S.
再好的股,都會有中車咁樣無人要,人人唱衰佢的一天,
和黃係咁,內銀4公主之前幾年都係咁,A股衰到去年中先有人關心~
真係鐘意人,就守向佢身邊一輩子,保護她,關心她吧,
機會年年有,只怕無耐心。
淡淡定兄:
過左今晚,政改生死已定,要亂都亂左,要炸都炸埋,
聽朝睇下陸SIR文章點講,
如果又講"唔怕買""可以買""長線OK,短期要捱下價""本質無問題,回低少少買會更好"之類,咁就應該可以SET下價,睇下接唔接到平價。
如果陸SIR話要避一避,或者希臘爆煲風險增加,又或者上證都係要回深D,咁就不如再等多幾日了。
個人都覺得1800 OK,
但其實佢同其它基建股都係跟1766炒,一榮俱榮,一損俱損。
(但升得少D,但防守能力也强D,既係波動細D)
今日既然聽陸SIR話,將11.04的中車止賺,
就唔會再投放太多比例落一帶一路概念股了。
我手上內銀比重較大(今日朝早偷偷入左1398,無再同大家講,費事啦),
又加上今日入既3800,剩下10%現金,
未來可能會選哥哥或內險,唔買都得。
小貓真係投資架,個價OK就得,唔要求買到最低位,亦唔要求賣到最好價,所以唔等未來可能出現的"最低價"了。
希望大家能海底撈月啦~賺到金銀滿屋呀~
近日個市咁波動，返工都無時間睇
請教我應否set定買入價?
小貓兄，中車唔掂住，你會否買1800?
將軍，我又多事先，勿介意
10a美女，想就去試，未試如何知成敗，唔試就一定無機會
就好似將軍買股，爽快，手起刀落，追女仔一樣，你唔去就無架啦！
我外號期L...
Market thererfore punishing me forever...
SIGH...
將軍，自己擁有好多人都無嘅優勢，唔係要嚟自卑，而係要更加好好利用！
只要係利用時無傷害到其他人，平時亦專重及顧及無咁好彩嘅人，就OK嘞
睇牌面，無人會估到，藍哥追到男姐吧？
此迫人不同彼迫人(兩位妹妹仔情況不一樣)，好似藍哥有可以被人欣賞嘅地方，你有可以俾人欣賞嘅地方吧 (PS 當然亦要雙方有feel)；假如只係要單睇鬥身家，得到都可能無幸福，到時死心都未遲。
你師傅係高人，搵佢指點吓。行動最實際，啲老人家會有門路。你同袋鼠傾，得半句支持，大把冷嘲熱諷，只係响呢啲跌到個個眼坦坦嘅市，幫吓陸sir谷留言數量。
真係要mon姐出場先至得。
小貓，醒幾句愛情觀俾將軍嘆吓啦
小貓 ，十萬個唔該曬 ！🙏🙏🙏
袋鼠兄: 師父外號期王, 好鍾意走去公園同人捉棋架, 查實佢自己有幾間寶翠收租者. 佢老人家10年前已經叫我走去買的士牌, 不過自己喜歡投機多少少呢.
唉....廁男追港姐, 咪玩我啦, 而且子龍最怕人多地方呢, 怕怕.....
KAKA~
收息股,因為陸SIR一直都講美息升,債價會跌,收息股都會跌,
所以小貓都少去研究佢地。
您家人想買的3煤氣,之所以最近跌得多,主要係因為6月3日除淨,10送1,
依家先買,就係搏佢下年又會十送一。否則就比2,6貴好多。
不過,買得2,3,6的人都可能係打算買樓咁買一世,如果係咁,您叫佢買2828,
如果唔識走,隨時有一日會影響家人的相處同關係,呢個風險比賺多賺少重要得多。
有時候,屋企人(老婆或兒女或....女朋友)堅持要做一件事,如果金額唔大,為了和諧,好多時即使自己正確,妥協比堅持正確的成本可能仲要細D。
就好似政改咁,如果通過左會放炸彈,會佔領,咁我都反對通過。
所以家人問股唔係賺蝕的問題,您可能可以學陸SIR咁,叫屋企人信6成就好,唔好上身呀~
除非你自己都係想嚟袋鼠國體驗日常生活，否則係朋友就一同短程旅行罷了。
總之有個細嘅要照顧，唔應該分離太耐，就無謂工作旅行…
thinking outside the box，點解又唔見你約10A靚女嚟袋鼠國？
你唔俾機會人哋呀！抑或你怕見報、或客串在東張西望畫面？！
你師傅有無意見？佢叫你買寶翠call得好，應該再有好意見嘛？
袋鼠兄: 不好誤會, 同美少女是朋友, 是友情. 笨小孩會交大叔照顧. 相信很多男生都會心儀10A女生, 只能在電視上支持佢了.
咁你而家心儀嘅，係10A靚女，定係5D靚女？
一個你要同大叔迫身玩，另一個就唔使人迫人，假設兩個feel一樣，自己諗諗…
仲有，有個細嘅要照顧，走嚟工作旅行玩鬼咩？揾間服務式住宅住兩、三個月啦
袋鼠兄, 重生兄: 美少女好似得...5個D....
唔知點解, 子龍覺得會戲劇性通過, 但牌面輸硬......
將軍，立法會係唔係不記名投票？係就有多啲機會通過。
不過上次聽老湯講，現時彊局，通唔過仲好，所以佢都可能投反對票。
那10A点算....
將軍，講緊10A美少女，定係大叔美少女呀？
重生兄: 但子龍有一難題, 因為與美少女對賭, 美少女話一定唔通過, 唔係乜都得, 但子龍輸左就要陪佢過澳洲做工. 口快快應承左......
將軍...四叔話直指三萬点...升3500点.....是3球半才對...
如政改通過, 大市最少升千點, 一張大期汁5皮, 10張就汁50皮, 20張就汁1球.....
大隊...有事無事都要掃......
好多垃圾...
港匯沒有轉弱, 資金沒有明顯留走, 資金只想睇定入市, 港股明顯超賣, 個人覺得只要今晚立會沒有出事, 資金一開始掃, 就會釋放強勁追貨浪, 引發強勁反彈
所以今天縮手不動, 等升
----> 最多信我3成
利申:96%持貨, 4%現金