貸存比和互聯網+

2015/06/25 08:19:37 網誌分類: 經濟

25 Jun

美股週三結朿兩近升低收，杜指下挫178點，跌幅近1%。美國第一季度GDP和上月比較修正為下降0.2%，由於是受季節性因素影響，亦符合預期，對股市並不負面。真正的問題是希臘與債權人之間的談判遇上阻礙，恐怕未必能在本周內達成救助協議，就令歐美股市受壓。

泛歐杜琼斯指數週三收於397.3點，下跌了0.4%。該指數之前兩個交易日因為希臘援助協定將會在本周內達成的樂觀判斷而連續大漲2.3%和1.2%，到周三輕微回落。有報導話，希臘總理齊普拉斯在內閣會議中說，希臘債權人拒絕接受他們提出最新的一份改革方案。看來希臘和國際債權人還要週旋，但應無大事。

昨日收市後內地公布，國務院常務會議通過《中華人民共和國商業銀行法修正案(草案)》，刪除了銀行貸款餘額與存款餘額比例不得超過75%的規定，這個實行了20年的緊箍咒解除，將令內地銀行、特別是中小型銀行不再需要急於爭取存款，並可以加大放貸力度。

當年內地為應對銀行的流動性風險，定出存貸比率。如今，己引入流動性覆蓋率等更為完備流動性指標，存貸比對顯得不必要。而上市銀行中有10家銀行存貸比率超過70%，中信行(998)存貸比率是77.3%、民行(1988)是77%、招行(3968)是76.1%、重農行(3618)是75.5%，全部短期招標，而交行(3328)是73.8%亦近超標，四大銀行最高是建行(939)的71.8%和中行(3988)有71.75%。

華泰證券話，去除拉存貸比率魔咒，緩解銀行競爭搶存款的壓力。部分銀行的精力由吸收存款轉移至資產管理、現有資金盤活等未來藍海領域。令銀行經營靈活性增加（美國銀行業正常存貸比90%左右），由於不用大力搶存款，存款成本降低，利好銀行業中長期發展。

雖然刪除存貸比率的方向早已預告，但終於實現，也會利好內銀股和借貸比率高的股份(如內房)。昨日下午5點左右夜期原來受希臘事件影響，跌近百點，到取消存貸比消息在6時後公布，夜期最多由跌轉升90點。）

另外國務院亦公布推進「互聯網+」，內地媒體總結出「六線掘金」。總理李克強昨日主持國務院常務會議，部署推進「互聯網+」行動，促進形成經濟發展新動能。會議通過《“互聯網+”行動指導意見》，明確了推進「互聯網+」，促進創業創新、協同製造、現代農業、智慧能源、普惠金融、公共服務、高效物流、電子商務、便捷交通、綠色生態、人工智慧等若干能形成新產業模式的重點領域發展目標任務。

會議確定了相關支持措施。一是清理阻礙互聯網+發展的不合理制度政策，放寬融合性產品和服務市場准入。二是實施支撐保障互聯網+的新硬體工程，加強新一代資訊基礎設施建設，加快核心晶片、高端伺服器等研發和雲計算、大資料等應用。三是搭建互聯網+開放共用平臺，加強公共服務，開展政務等公共資料開放利用試點。四是適應互聯網+特點，加大政府部門採購雲計算服務力度，創新信貸產品和服務，開展股權眾籌等試點，支持互聯網企業上市。五是注重安全規範，加強風險監測，完善市場監管和社會管理，保障網路和資訊安全。用互聯網+助推經濟保持中高速增長、邁向中高端水準。

內地媒體引述分析人士稱，移動互聯網的最大投資機會在於對傳統行業的改造，不是互聯網與任何產業的碰撞都會成為主題投資方向，有意義的和可能成為經濟增長點的有以下幾個方向：互聯網金融、互聯網娛樂、互聯網商務、互聯網醫療、互聯網汽車、互聯網製造業等。

在這六個領域外，我還看到幾個注意點，一個是雲計算，第二是支持互聯網的硬體投資，三是政府服務和資料開放，有利大數據產業。另一個角度是總理講明支持互聯網企業上市。看來互聯網+炒作的空間還很大，短炒特別有利軟件公司。

陸羽仁

回應 (96)

我要發表

陸羽仁 2015/06/26 10:28:49 回覆

陸羽仁覆網友

依家控股:金蝶5元可入。

方展bob:比亞迪似概念股，主要賣電動車概念，吉利是傳統車股，但買咗富豪，做緊融合外國品牌本土化。

睇你鐘意炒定係投資，炒比亞迪當炒啲，新科技，啱潮流，但亦大上大落。

投機學者:你問東風，佢首季業績較市場預期低10%，主要由於來自東風日產及東風本田的收益較預期低，卡車業務又疲弱，被大行下調2015及2016財年盈測14%及15%，所以股價低迷。論前景係吉利好過佢，但佢跌咁多，吉利跌得少，博佢業績唔大插，呢啲低位買都可以一博，炒股定番個止蝕位囉。

吾識炒:入啲2828好啲。

2015/06/26 10:17:03 回覆

陸sir早晨

突然覺得希臘想在最後一刻爭取最大的籌碼, 就好似亞視在最後一刻都達唔成協議的前奏一樣, 且看西方人的政治智慧又如何

另外想問一下陸sir, 我記得你講過如果A股去到4200附近, 可入2828 instead of 2822? 我手上2822係16.82買入, 應該溝2822定再在$133入2828, 2828平均價係138, 謝謝陸sir!

2015/06/26 09:12:52 回覆

陸sir早晨，

老師介紹左金山軟件同大飛機既入市位，唔知可唔可以順便介紹下金碟(268)大慨可以幾錢買呢？

子龍 (kaka就是大叔的契哥) 2015/06/26 09:04:55 回覆

因為人類依賴電腦, 最后反被電腦控制..... ${#iconb_626}$

小貓兄: 投機者不是為了別人快樂而生存, 這太沉重了. 投機者只需對自己負責而矣... ${#iconb_273}$

2015/06/26 08:51:57 回覆

人工智能發展下去，終會如科幻片所描述，最後控制人類。

KFC 2015/06/26 08:47:31 回覆

同股不同權證監「打沉」港交所

籲監管不能短視諮詢恐難產

高調反對非常罕見

2015/06/26 08:28:16 回覆

陸sir,

早晨，想問下比亞迪(1211)，同埋吉利汽車(175)兩隻股都係做汽車，有咩分別？你睇好邊隻？咩位入好d?

申利：無貨喺手

Thank you～ ${#icons_cat1}$

animal666 2015/06/26 06:28:04 回覆

試底考驗入市膽汁
2015年06月26日

　　美股老牛雖然衝上高位，但力度就唔係咁得，升兩升就要唞一唞，希臘債務談判有阻滯，杜指低收，港股四連升但成交未見配合，在水頭唔夠下，遇上內地跌市，升勢終於斷纜。港股傳統「六絕」，但若講難搵食，「五窮」係最惡啃日子，過咗呢兩個月，個市表現多數都會有改善。

　　港股7月份應該有好消息，其一係中港基金互認。另外，深港通在9月份有可能開通，都成為潛在利好消息。

　　內地股市再度試底

　　雖然有好消息醞釀，但陸羽仁認為如果想買貨，都要戒急用忍，最好等好似昨日那種跌市低吸，好過高追。照牌面估，淡友今個月唔會隨便認輸，多數會喺結算前壓住個市，所以想入貨就可以等佢跌時出手；再者，今個星期升市成交減，顯示唔係咁多新資金入咗市，所以有錢想買貨，宜以分注睇咗先入。在6月底前個市仲有回調壓力，跌市入貨要考驗大家的膽汁。

　　昨日內地取消銀行貸存比率75%限制，近月底水緊人民銀行昨早又進行350億元人民幣逆回購放水操作，是逾兩個月以來首次重啟，兩者都係好消息。

　　人行官方微博表示，近期受半年結金融監管指標考核及股份發行等因素影響，部份中小金融機構的短期資金需求增加，及時開展公開市場逆回購操作，適量投放短期流動性，有助穩定市場預期，促進貨幣市場平穩運行。

　　不過，內地股市仍係處於災後創傷期，無咁快可以回復牛氣，雖然兩大利好消息，但人行主管在報章發文稱本月已無降息和降準可能，令投資者失望，搞到內地股市借啲意調整，全日先高後低，上證指數午後曾大跌4.4%，低見4483點，尾市跌幅收窄，險守4500關，上證指數收報4527點，瀉3.46%，深成指數收報15692點，插3.8%，創業板指數更重創超過5%收市，兩市逾百股跌停板。上證綜指上次回落低位係4256點，要先睇睇呢次回馬槍呢個位守唔守得住。由於午後內地股市大瀉，恒生指數收造27145點，跌259點；國企指數收報13467點，跌216點，成交1185億元。

　　股市活躍，大量內地富豪想來香港買殼，淨乾殼淨殼價5億都唔易有貨，所以掀起一個殼股尋寶潮。理文手袋(1488) 自宣佈大股東獲洽售股權，股份連日狂飆，幾日間抽升近倍。未宣佈洽售前佢市值不過六億幾元，派息有兩厘零，加上個殼乾淨，買來博大霧可以話進可攻、退可守。但依家佢已經急升咗，昨日成交過億，炒味好濃，若然洽購無結果，股價打回原形就幾傷吓。

　　零售股唔殘唔買

　　今年零售市道麻麻，零售股公佈業績輸少當贏。莎莎國際(178) 公佈截至今年3月底止全年業績，盈利8.39億元，按年跌10.3%，每股盈利29.5仙，派末期息9仙及特別股息5.5仙，由於派息不俗，股價在宣佈後企穩。

　　莎莎少賺一成，喺咁市道下已算叻仔，佢股價由高位接近9元反覆回落到4.18元，息口去到有5.6厘，已逐漸反映壞消息。

　　有做過零售業人士話，市道回軟後租金會慢慢回落，認為莎莎呢類優質兼派息不俗的股票，可以低位收集，等候回升。陸羽仁就保守啲，覺得買盈利倒退的股票等如摸底，要爛茶渣價錢先至吸引，莎莎現價可能係合理，但未算係好抵，尤其如果係好市之中，呢類股票會升得慢，所以就算想買來收息長揸，最好等佢再抵啲先，又或者只係買少少當作交住入場費先。我的策略係唔殘唔買。

　　另一隻賣錶的寶光實業(084) 今年3月底止全年業績，純利9176萬元，按年跌46.6%；每股盈利8.77仙，派末期息1仙。由於股價先前跌咗唔少，公佈後股價同樣企穩。

　　陸羽仁

2015/06/26 02:19:26 回覆

結論為無人類、自然就無人類問題

2015/06/26 00:38:12 回覆

動物兄，沒有比這更同意了，嗚嗚

2015/06/26 00:06:53 回覆

袋鼠留過言講科技應用，發展過快，道德倫理完全追唔上。

舉個例，發展中嘅自動駕駛汽車，唔好講經濟影響 - 以前衰退期，好多人都仲可以揸的士揾食，有了自駕汽車之後，連正職的士佬都無得撈？簡單一句，你會唔會交條命俾啲程式操作員決定？

深入啲講，在危急情況下，你會唔會俾車上apps，去決定你死定係其他人死？前面有幾個細路衝出馬路，刹掣之餘，避唔到啲細路嘅話，唔係左邊衝入公園，就係要右邊對頭線有幾架泥頭… 而家揸車，司機在一刻半秒自己決定，自己負責任何結果；但係自動車嘅決策apps呢？係咪好簡單計人數，扭去撞對面線泥頭車，死你一條友，好過死班細路 (在公園或馬路上)？

Should a Driverless Car Decide Who Lives or Dies?

此外，報導只有提及倫理基礎，卻沒有提及另一個問題，就係法律責任。例子中撞死細路，現時睇情況，點都要查個司機有沒有刑事責任… 日後呢？寫程式嘅人使唔使要負刑事責任呢？

保險呢？你可以選擇不理後果都要避免撞到歐洲車嘅apps，因而俾平保費，不過所謂不理後果，係包括不理會你自身安全後果嘅自動汽車反應 (例如自動選擇撞樹、跳涯都要避開歐洲車？)。

袋鼠以前留言講得非常刻薄，假如機器會自己編程式apps，有朝一日要佢哋解決人類所有問題，或者會結論為無人類、自然就無人類問題，於是乎最直接及最便宜嘅方法，就係skynet個terminator方案啦，一了百了！

這個勇敢新世界，在以人為本嘅哲學和倫理，能夠追得上之前，袋鼠並唔係咁期待。

animal666 2015/06/25 23:42:14 回覆

No wondering 香港則排120...

It is because too many people punished by market forever...

SIGH...

2015/06/25 23:41:52 回覆

陸sir你好, 小弟想請教如現價入 489東風值博率高嗎

2015/06/25 23:29:08 回覆

全球幸福指數排名睇頭十名，唔係均富、就係均貧？

2015/06/25 22:04:38 回覆

十式知易行難,

投資穩賺不難,難在人心難以滿足,

買2828,買2,3,6,長線收息穩賺又何難?

睇淡沽空,炒波幅,皆為跑贏大市,

勝大鱷,獨尊於散戶之巔。

貪勝吞險,不知進退而已......

2015/06/25 20:52:57 回覆

投資十式 ${#iconb_56}$ GOOD

KFC 2015/06/25 19:49:06 回覆

全球幸福指數排名香港120 中國127 台灣59

美國民調機構蓋洛普（Gallup）顧問公司於去年在145個國家及地區，訪問超過14萬人，根據其人生目標、社交生活、財政狀況、社會歸屬感和健康五個範疇的滿意程度進行調查。據其「2014年全球幸福指數（Global Well-Being Index）」調查結果顯示，最多人感到自己幸福的在巴拿馬，而且已是連續兩年位居榜首，其次是哥斯達黎加、波多黎各等。

145個地區中，中國排127、台灣59，為兩岸三地中最高，新加坡排97。美國則由12下跌至23，阿富汗排名最後，在「人生目標」和「社交生活」範疇沒有人感到自己幸福。

香港則排120，除了「財政狀況」表現較好排23外，其餘均在100以下，尤其「人生目標」和「健康」更排尾六。

2014年全球幸福指數排名：1 巴拿馬；2 哥斯達黎加；3 波多黎各；4 瑞士；5 貝里斯；6 智利；7 丹麥；8 危地馬拉；9 奧地利；10 墨西哥；23 美國；24 加拿大；40 澳洲；41 馬來西亞；43 菲律賓；44 英國；50 泰國；59 台灣；85 意大利；92 日本；93 越南；97 新加坡；117 南韓；120 香港；127 中國；128 烏克蘭；145 阿富汗

子龍 (kaka就是大叔的契哥) 2015/06/25 17:53:17 回覆

投資十式, 你睇左未??? ${#iconb_263}$

港股大時代，股神葉天《股票必勝法》被香港股民列為必讀經典；最近互聯網又瘋傳「投資10式」，有幾多招式已經學識？

1）關於收益率
假如你有100萬，收益100%後資產達到200萬，如果接下來虧損50%，則資產回到100萬，明顯蝕50%較賺取100%要容易得多。

2）關於升、跌、停
假如你有100萬，首日升停板後資產達到110萬。然後，第二日跌停，資產剩餘99萬。反之首日跌停，第二日升停，資產仍是99萬元。不過，港股並無價格升跌限制，炒A股就o岩用。

3）關於波動性
假如你有100萬，第一年賺40%，第二年蝕20%，第三年賺40%，第四年蝕20%，第五年賺40%，第六年蝕20%，資產剩餘140.5萬元。六年年率化收益5.83厘，較五年期憑證式國債孳息率少。

4）關於每日1%
假如你有100萬，每日不需要升停板，只要賺1%就離場，以後每年250個交易日計算，一年下來你的資產可以達到1203.2萬元，兩年後你就可以坐擁1.45億。

5）關於每年200%
假如你有100萬，連續5年每年200%收益率，5年後你也可以擁有2.43億元個人資產，好明顯大額收益難以持續。

6）關於10年10倍
假如你有100萬，希望十年後搵1,000萬，二十年搵1億元，三十年搵10億元，所需要做到的年率化收益為25.89%。

7）關於補倉
如果你某隻股票10元的時候買入1萬元，如今跌到5元再買1萬元，持有成本可降到6.67元，並非7.50元。

8）關於持有成本
如果你有100萬元，投資某股票盈利10%，當你做賣出決定的時候可以試著留下10萬元市值的股票，你持有成本將降為零，接下來你就可以毫無壓力的長期持有了。如果你極度看好公司的發展，也可以留下20萬市值的股票，你會發現你的盈利從10%提升到了100%，但股價跌超過50%，或要蝕本。

9）關於資產組合
有無風險資產A(每年5%)和風險資產B(每年-20%至40%)，如果你有100萬，你可以投資80萬無風險資產A和20萬風險資產B，你全年最差的收益可能就是零，而最佳收益可能是12%，亦是保本基金CPPI技術初形。

10）關於沽空
如果你有100萬，再借孖展沽空某隻股票，有機會做到最大收益率就是100%，但首先你沽空的股票係勁跌，而沽空虧損是無上限，所以不建議長做沽空。