最後通諜

2015/06/26 09:10:36 網誌分類: 經濟

26 Jun

希臘呢劑有點煩。早幾日當希臘提出新方案時，歐美股市當正希臘危機得到解決而大升，但之後聽到國際債權人並未收貨，環球市場再陷入觀望狀況。

歐盟財長會議結束，但未能簽署希臘協議。國際貨幣基金組織話，不會延長希臘還款期限，如果希臘不能在下周二6月30日的截止期到來時，償還一筆17億美元的債務，將會被立即判定為違約。

外電引述知情人士透露，德國總理默克爾周四在歐洲人民黨領導人閉門會議上發出最後通諜，話希臘和它的國際債權人必須在下週一金融市場開盤前，達成一項債務協定。她直指德國「不會被希臘敲詐勒索」。默克爾和德國財政部長朔伊布勒將在週一就談判結果向德國國會下屬的委員會進行彙報，而國會則將在週二投票，決定是否同意向希臘發放救助資金。同日，希臘將需向國際貨幣基金組織（IMF）償還一筆貸款。可以預計，若然無協議，德國下周二將不同意出資救希臘，希臘就會違約。

希臘談判要趕時間，本週末將繼續開會。斷估希臘達成協議的機會仍然稍高於拉倒。第一是希臘政府早前已提出新改革方案，雖然方案未為債權人接受，至少顯示希臘總理齊普拉斯這一個「希臘長毛」(他是激進派，同長毛一樣以革命英雄捷古華拉為偶像)，其實也願意妥協。

第二是談判的過程往往要壓到死線前才可以達成協議。不管是希臘政府還是希臘的債權人，都寄希望於即將來臨的死線，能夠帶來對方的更大讓步。

希臘債務危機的不確定性，繼續對歐股市場施壓，主要區域指數表現低迷，歐股指數下跌了0.2%。美股週四亦收低，杜指跌75點，跌幅0.4%，工業、能源與金融股領跌。投資者要在週五落注，賭雙方在週末可否按德國的最後通諜在下周一開市前達成協議。

商品市場開始多人賭希臘談判破裂，認為希臘越來越不可能在月底的截止期前達成協議避免債務違約，金價連續第五個交易日下挫，紐約期金週四跌1.1美元，收於每安士1171.8美元，跌幅是0.1%。油價週四跌1% 回到每桶60美元以下。

不過即使搞掂希臘，還有烏克蘭，高盛警告烏克蘭最快會在下個月出現債務違約，屆時資者們持有的約190億美元烏克蘭國債，可能被逼面對剃頭減值的損失。高盛分析斯馬西尼估計，最有可能發生的情況是烏克蘭無法在7月24日償付國債利息，「烏克蘭將在這個時刻進入違約狀態，屆時烏克蘭政府會援引延期償付條款，暫時停止支付其債務。」

雖然烏克蘭問題無希臘咁大，但不知市場有無充足預備，所以7月外圍仍有少少不確定性。

陸羽仁

回應 (237)

我要發表

陸羽仁 2015/06/29 10:19:30 回覆

陸羽仁覆網友

Little mo:這一兩天等希臘脫歐可以入埋啲貨。手上的紅色股可持有，照計內地再插阿爺都有招救。

龍寶:604和268都可以，看行業喜好，若可分注現價買一注，低5%再買多一注。

Andy188:希臘脫歐差不多預咗，強積金呢啲長線投資者唔好在跌市去沽，要沽應在升得好好時沽。

Yuki:而家隻隻都會巡視，唔驚得咁多，2357維持佢插得多入貨的策略。

Peacefully:匯賢麻麻，利息向上不利房託，真係要買買405好少少。我覺得買2828好過房託。

Mogen:美國加息如令美元破位向上，不利油價，不利油股氣股。另外三油一氣股出咗業績績，135業績麻麻，要買好似386中石化好啲。

kingson123forever:從來不贊加借錢買股，所以不要借孖展買A股。樓價有升有跌，股亦一樣，不要去盡。

2015/06/29 10:07:24 回覆

kingson123forever兄

不論咩o野理由，始終都係唔好借錢買股票。萬一方向錯，賠了夫人又折兵既話，欠債上身仲煩。加上你做會計部門，更加唔好咁做，要避嫌呀~

2015/06/29 09:34:59 回覆

雙管齊下，今早（月尾）外資仍惡鬥阿爺，是好事還是壞事？壓低下月才反手造好？

假如4000點關真是半鐵底，是否可以買貨？3800及1618可以嗎？（還有25%現金）

2015/06/29 09:30:54 回覆

袋鼠兄:

RE:小貓，陸sir用咁多溝女述語寫報文，合晒你啲愛情口味噢

----

哈哈~係呀~尤其呢句"明明一句話就能哄回來的，偏要到分手了，才拿出0.25克拉的小鑽戒來哄，這還回得去嗎？"

真係好應境。 ${#icons_dog10}$

但...陸SIR...竟然對希臘隻字不提...完全唔去考慮呢次危機,

仲叫人睇位買H股,對7月睇好,都幾樂觀...

似乎仲係保持希債會在最後一刻解決的觀點,

但依家希臘等公投,即係歐盟讓步?

2015/06/29 09:30:29 回覆

陸Sir,

想買604同268，資金不多，入邊隻比較好？上星期五跌左咁多，咩價位入好？

謝謝

animal666 2015/06/29 09:25:21 回覆

阿爺救得一個得一個...

SIGH...

子龍 (kaka就是大叔的契哥) 2015/06/29 09:18:17 回覆

袋鼠兄: 幸好美少女沒有去粉塵樂園, 唔係就大件事了. 大叔已將美少女私有化了, 子龍作為契哥, 只能盡力照顧下佢, 雖然子龍都可以很輕易去照顧一位女生, 但子龍不想用錢去買愛情呢. 因為--->情愛就好像一串夢, 夢醒了一切亦空.... ${#icons_dog5}$

2015/06/29 09:10:24 回覆

小貓，陸sir用咁多溝女述語寫報文，合晒你啲愛情口味噢

2015/06/29 09:06:01 回覆

老師, 我上星期五去旅行, 估不到港股就出事啦.

首先, 多謝老師常常勸免: “你只餘最後一注資金咁少, 等埋政改, 見上証插落才入貨啦.” 否則, 我一定會在個上証升番上來時(約4500 – 4600 點就入左貨了. 好感謝老師的指引!! 會學習老師的超高忍耐力

上星期五我SET 左超低價盤, 估不到都可以動用埋我最後10%的資金中的一半, 接了金牒和2828. 但只有少量貨, 畢竟餘下資金極少. 金牒個價就好低接了，　但2828就入貴了約＄133接貨. 咁我需不需要沽番出去, 等恒指低d才買回?還是hold住不動呢?

請問我個倉現在是否可以揸住貨, 不用沽呢?因見A股真是好危，咁樣直插都得。　倉內買的股都是較平價的一路一帶, 3188 和中國平安為主。其他則是少量國拳(298)和一點細股(eg 8002 IGG, 2369酷派等…….)

請問, 現在炒2369酷派宣布了以$3.508易手部份股權給, 我是否要放晒走人呢? 當年$2.64高追, 大部份只是微賺己走人, 現在只餘少量在手.

另外，　只餘最後５％，　是否要等埋希債的結局才入市？2357 和268 依然是心中之一. 但不知為何268在跌市時會插得咁多, 相反2357仍在$8以上. 在這情況下, 應入跌得多的268, 還是看似好強的2357好呢? 2357從未有貨.

謝謝指導

子龍 (kaka就是大叔的契哥) 2015/06/29 09:03:31 回覆

重生兄: 水牛輝先破180, 再破200, 三破250. 功成身退矣.... ${#iconb_263}$

2015/06/29 08:59:49 回覆

將軍...他們決戰都唔關水牛輝事架.... ${#iconb_272}$

子龍 (kaka就是大叔的契哥) 2015/06/29 08:55:04 回覆

噢....今日好玩. 阿爺 VS 希臘 (Round 1) ${#iconb_3130}$

2015/06/29 08:53:16 回覆

歐洲中央銀行決定，繼續向希臘提供緊急貸款，貸款金額會維持在現有水平。

https://hk.news.yahoo.com/%E6%AD%90%E5%A4%AE%E8%A1%8C%E6%B1%BA%E5%AE%9A%E7%B9%BC%E7%BA%8C%E5%90%91%E5%B8%8C%E8%87%98%E6%8F%90%E4%BE%9B%E7%B7%8A%E6%80%A5%E8%B2%B8%E6%AC%BE-123400635.html

堅定流呢?

2015/06/29 08:34:38 回覆

陸 Sir,

希臘脫歐機會大增，手上的歐洲股票基金是否需要沽出避險? (包括 MPF, 暫時正回報)

2015/06/29 08:33:05 回覆

陸Sir：

你喺《買貨策略》有提過2357，而佢係中央第二輪巡視之26家單位之一，如是者在巡視完成之前，會否影響其價位會比正常低一點呢？

另外，雖然星期五指數大跌時，但388、700及992等都跌唔落，您對此有何看法？謝謝指教！

2015/06/29 08:01:46 回覆

希臘依個債仔真係惡，股市銀行都關埋，把明要投資者陪佢地賭依一鋪，咁明刀明槍，星期二應該會毀約，不過脫唔脫歐都要等，今個星期美佬出非農，中國又出pmi，買貨就預了要坐過山車。

2015/06/29 07:50:59 回覆

陸Sir,

請問匯賢(87001)長揸收息好嗎? 我有一筆人民幣, 想買房托股長揸收息, 現考慮越秀(405)和匯賢. 你認為應怎樣好? 買哪一隻, 或買哂兩隻? 如是兩隻, 應怎樣分佈?

謝謝你!

2015/06/29 07:46:46 回覆

陸sir,

美國加息，是否135有負面影響？

如果買要等加息後先買？

2015/06/29 07:23:57 回覆

luk sir,

本人已在上週A股 4,350 及 4,250 左右

雨天 (下暴雨呀！)購物，繼續買入滬深300 (3188)

現在只餘下约 20% Cash ,约 200,000元。

現在 3188 佔本人100 萬组合近半

luk sir, 雨天購物幾爽但真係好考自己膽量。

我是公務員，做會計部門，月薪约40,000元。

出道7年，没有厚厚家境，每月扣除所有使費 (包括8,000元家用)

餘约 12,000 左右，好不好借bank 10倍月薪加大槓桿買A股？

( 根據銀行還款表，如借，每月還9,000 )

請指教！纯粹想滾大首期，將來買樓！

另外，以前你有篇"股便樓貴" 印象好深，現場是否变成 “股不太便，樓超貴"，哈哈！

animal666 2015/06/29 06:16:01 回覆

央媽重手護牛
2015年06月29日

　　上周五內地股市繼續大插，二千隻股份跌停板，上證綜指大跌7.4%收場，收4192點，穿埋早前低位4256點，向下尋底之勢，好得人驚。

　　創業板指數更直插無水花，大跌8.9%，收2920點，比6月5日的高位4037點，已經唔見咗28%！而上證指數都比高位跌咗19%。內地調整調到咁，已經燶燶哋有啲災味，阿爺見到咁情況，周六急急出手護航，宣佈定向降準及減息0.25厘兩招一齊出，確保可以護住牛氣，唔會跌穿埋4000點大關，跌出個禍來。

　　縮手惹禍急急補鑊

　　上周五港股受內地暴跌影響，恒指收跌481點，其實在3點內地收市後，恒指已有反彈，在3點前恒指最低跌過622點，到A股收場後來個小V反彈，收復141點，以跌481點收場，跌幅1.8%，國指就跌2.8%，遠比內地的7.4%跌幅少，反映有人已經開始入市撈底，期望上周六、日阿爺有動作，先行平淡倉或造好博反彈。阿爺出招後，呢批人依家已經叫緊胡，今日開市就知食唔食得出？

　　睇番呢次央媽重手救市，政策上有點急轉彎味道。內地在上周二端午節過後，上證綜指插低見4256點，當日單日轉向彈升，本來以為內地已經見咗底，但到上周四五又連續兩日狂插。內地個市跌乜，有人話「志玲姐惹禍」，不是台灣的林志玲，而是中國證監會中層官員李志玲被拉，因為她的愛人違規炒股。但我覺得一個事件整唔跌成個市；又有人話係阿爺規管「融券」(即孖展借貸)所致，但我覺得阿爺日日都在管緊，唔至於有咁大殺傷力。

　　我估真正病因係市場見阿爺6月無出手降準，估計阿爺的放水政策由「大水漫灌式」的降存款準備金和減息，轉為「細水長流式」的定向微調。上星期央行用逆回購操作，意味着6月末降準可能性下降。睇番自去年11月減息以來，人民銀行每個月不是減息就是降準，維持每月出招的勢態，但個市4月個市發狂向上，上證綜指升穿4000點後無回頭，直撲5000點，創出5178點的高位。阿爺除了大量放新股上市，或者審查兩融之外，都無大動作打壓個市。股市如壞孩子，無人打佢佢就唔聽話，升得好急，上證綜指都唔算誇，好多創業板股升到過百倍市盈率，有啲泡沫味，令人有啲擔心。

　　聞到災味孖招齊來

　　本來，市場預計6月還有一次降準，結果情況出現轉變，到月尾還不見出現，反而見中央重啟逆回購，這種細規模放水措施，就擔心阿爺轉了放水政策。雖然話近半年結，但中國的資金面較為寬鬆，6月25日當天，隔夜的上海同業拆息Shibor利率為1.357%，7天的為2.884%，14天的為3.6%，一個月的為3.571%。短期利率維持在較低水準，但是近半年結，從月中開始，14天期限的Shibor利率就開始上漲，6月19日突破了3%，之後並無回落，央行的逆回購放水，正好解決跨過6月底的資金需求。這種變化令市場開始擔心中央不會大規模放水。

　　但內地市就係咁，一係唔跌，一跌就好誇張，周五單日上海股市急挫7，令到央媽開始驚青，本來快奔的狂牛，會不會因為缺水，唔單止變成慢牛，而且仲會變成唔會郁的死牛？於是迅速調整貨幣政策，定向降準和減息打孖一齊來。

　　我就認為阿爺減慢放水的速度，本來想釋出一個訊息，叫股市不要炒得太癲，阿爺想見一隻慢牛，不是快牛。阿爺想讓內地股市調整得深少少，反而健康咗。不過，股市由5178點高位係咁連日猛插，累積差不多跌了兩成，根據傳統股市定義，已經有點股災的味道，仲好似止唔到血咁，官員的想法立即就變啦。

　　阿爺呵番市況回穩

　　嚴格而言，上周四、五內地股市連番暴跌，令人擔心A股是否已經爆泡，睇數字又未致如此。內地證券時報資料中心對以滬深300代表的股份統計發現，目前滬深300指數成份股整體市盈率為16倍，對比滬指當年高峰6124點時水準，當時的滬深300指數成份股市盈率高達42.08倍，即是話現時估值只是歷史高位的38%，唔算太得人驚。

　　不過，如果個信心全失，要醫番好佢就唔容易，正如陸羽仁成日講，中央唔係想個市大跌，而係唔想佢升得太快，如果只有升市同跌市任佢揀，咁現階段佢都仲係要揀升市，所以當個市聞到災味，央媽就唔敢冒險，急急出來呵住雙牛牛先。

　　如果按照最理想的情況操作，中央最好係今個月只係逆回購乜都唔做，個市回番打打底，到七月份就有條件降準，然後八月份再減息，等股市慢慢升番。但市場從來唔會一步一步行，你想佢慢跌，佢一係就照升；一係就急跌。內地個市先升後急跌，話咗畀阿爺聽騎牛唔係咁容易。依家佢將七、八月份分開來放的水頭，一次過谷晒入巿，證明官員不容有失的心態。

　　對於央媽重手救牛的效果，有內地股民講笑話，形容：明明一句話就能哄回來的，偏要到分手了，才拿出0.25克拉的小鑽戒來哄，這還回得去嗎？

　　內地股民因為中央延緩放水，搞到神經緊張，不少借孖展炒股的股民都快要或甚至已被逼斬倉，心中不免有氣，覺得官員做法過份，所以網上才有主責官員放工被股民窮追的惡搞片段又再次上載。然而，陸羽仁覺得股民都要現實些，內地牛市被視作係一隻「政策牛」，大家都是看着政府的指揮棒做出入市參考，這次滬深股市大插，正正是因為央行唔肯如期放水造成，現在政策來個急轉彎掉頭回升，牛市的底氣又未被嚴重破壞，正如女方根本個心係心儀男方，只因對方情人節無送花喊分手，現在人家識做生日送完花兼預備埋燭光晚餐，女方如果死都唔肯原諒，咁就成晚無節，搞得不好仲俾其他人撬牆腳，咁咪好蝕底？所以我估個市喺阿爺大力扭軚後，情況基本上已經穩定下來，如果今日開市唔係係升得咁多，又或者本身錢多貨少，都可以考慮睇位增持番。

　　想要買貨棄A取H

　　至於落手目標係乜，我認為買H股好過買A股，恒生AH差價指數124.53點，即A股較H股有24.5%溢價，雖然比6月頭A股大升時的36%溢價為少，無論如何仍有明顯折讓，而且5、6月係傳統港股淡季，淡季過後，港股有較佳表現，整體前景而言，睇好H股下半年的前景。

　　陸羽仁

2015/06/29 06:09:13 回覆

小希希又無事啦

2015/06/29 05:40:19 回覆

到時睇吓日圓飊幾多，就有幾多利差交易拆倉…

响SELL SIDE 隨時啲渡邊太太仲狼過啲大陸大媽

2015/06/29 01:10:38 回覆

咁悲觀呀...

難怪央媽要特殊呵護一下了,

明天亞投行簽署儀式,其實呢個也可能係中央要有動作的原因之一,

聽日睇下陸SIR點講啦~

2015/06/28 23:20:03 回覆

抽樣各群組都係話見高就閃多 .... 咁就即是唔會高開多 ... 無得走

羊群通常錯, 不過食花生可能最好.

2015/06/28 22:57:21 回覆

無市都可以有外圍賭盤 "Spread Bet" Early Market Opening Indications: Stocks Tumble, Europe Crashes

2015/06/28 22:40:22 回覆

PS. 七番身都仲有可能，但時間性及反彈幅度，會遲過七月上旬、同埋唔會見28k囉

啲高登神獸都好耐無見

2015/06/28 22:22:14 回覆

小貓， ${#icons_dog1}$

講番正經嘢，袋鼠呢兩日追外電報導，袋鼠都不斷修正緊個劇本，覺得星期一係連高開嘅機會都無 - 大媽只知希臘係臘腸及央媽救市只炒A股，港H唯一希望係國家隊出動，但佢救完上A都未必會救港H囉。

再見你問陸sir嘅問題，你所講嘅反彈，會係成日一枝裂口大陰燭入面嘅波幅，除非係OPM，否則唔係咁多人有足夠EQ落手去斬。

香港係東亞區最後一個開市地方，開市前睇吓日本仔、袋鼠、奇鳥(Kiwi NZ)、及太極國，會唔會有恐慌傳染 (不過就算無，都會有skynet - 程式盤攪攪震攪到有…)

反而係咪睇乜位在低位，搏翌日急速反彈走一轉 (及鬆綁)，實際一點。

但係九成貨就搔頭啲。不過唔怕講，頭先袋鼠利益申報只係講香港倉位，我以為忍手到六絕尾，上星期袋鼠倉位由七成加到九成，所以瀨嘢一齊瀨啦 ${#icons_cat5}$

2015/06/28 22:09:50 回覆

小貓，

有甚麼貨比有幾多貨更重要.

2015/06/28 22:07:25 回覆

沽空的路只有一條 ...

animal666 2015/06/28 21:54:52 回覆

Market please punish all of us forever...

Market please 抽插 forever...

Yellen please BJ forever...

SIGH...

2015/06/28 21:05:18 回覆

${#iconb_65}$ 係波~個一點真係可能估錯,袋鼠兄真係勁,

咁微小的錯誤都比您留意到,聽日向呢一段要特別小心,可能係陷阱,

唔係好易被大鱷咬。

2015/06/28 20:55:35 回覆

小貓，highlight嗰一點出咗少少問題… ${#iconb_61}$

高開,隊低,抽高,隊低,抽高,隊低,再抽高,然後又隊低,抽高,隊低,抽高,隊低,再抽高,然後又隊低,抽高,隊低,抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,然後又隊低,抽高,隊低,抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高.........

2015/06/28 20:53:57 回覆

陸SIR:

想請問,以6月26日成本價90%持貨的投資倉,

應該在周一反彈後先行部份獲利,避一避希債風險呢?

還是揸長線D,食盡A股千點的後抽空間呢?

小貓知道世事無必然,陸SIR請放心比意見,邊一個可能性較大,較值搏?

2015/06/28 20:44:29 回覆

藍風兄:

RE:我估明日可能走勢係：高開（百零二百點），隊低，再抽高。 ${#icono_64}$

------------------

小貓估同您差唔多,都係:--

高開,隊低,抽高,隊低,抽高,隊低,再抽高,然後又隊低,抽高,隊低,抽高,隊低,再抽高,然後又隊低,抽高,隊低,抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高,然後又隊低,抽高,又隊低,抽高,隊低D,抽高D,突然之間又隊低,估佢唔到又抽高,又隊低,然後又抽高,隊低左,抽高,然後又隊低,抽高,然後竟然又隊低,然後又抽高,隊低,抽高,然後又隊低,抽高,然後又隊低,然後又抽高,隊低,抽高,然後又隊低,抽高,然後又隊低,然後又抽高.........

呢個就係明天2015年6月29日的節奏了~

小貓願以最愛的三文魚起誓,明天100%一定係咁既走勢,

(雖然唔知每次隊低,抽高的幅度 ${#icons_dog10}$ )

P.S.

純粹惡攪,唔好介意 ${#icons_dog1}$

2015/06/28 19:01:58 回覆

大笨袋鼠, 零

是大眾已知的事實!

不要怕! ${#iconb_44}$

2015/06/28 18:58:43 回覆

零 ${#iconb_65}$ ${#iconb_65}$ ${#iconb_65}$ ${#iconb_65}$ ${#iconb_65}$ ${#iconb_65}$ (唔俾啲反應，好似唔俾面)

2015/06/28 18:49:28 回覆

大笨袋鼠, 下跌最低點是零! ${#icons_cat7}$

我們不需要預測

我們不需要假設

我們不需要預算

因為市場是不可測

只需要知道正確的方向

2015/06/28 13:52:43 回覆

沽貓，俾多一千點你，食糊未？ ${#iconb_31}$

2015/06/28 13:36:42 回覆

我估明日可能走勢係：高開（百零二百點），隊低，再抽高。 ${#icono_64}$

2015/06/28 12:32:34 回覆

KFC ${#iconb_410}$

{#200810141126596827.jpg}

KFC 2015/06/28 12:30:38 回覆

沽得空多終夾扁！

{#201201310945077944.jpg}

2015/06/28 11:46:22 回覆

我是沽空之王! ${#icons_cat4}$

KFC 2015/06/28 10:38:31 回覆

袋鼠，大陸係唔係連唔到微軟官網？照計無乜可能。個非官網只是我google Win10還原問題時找到的，至於有無官網講就唔知喇！無論如何，多謝你提供的保險方法。

2015/06/28 10:36:29 回覆

唔知阿爺打完烏繩同老虎未呢？不過金融改革及經濟轉型，阿爺就真係有排頭痕，相對香港地區政府政改，對一個大國係件無謂小事，而家政改通唔過，對阿爺嚟講就少一件無謂小事去煩；一國兩制，689隨自己意思拆掂佢啦，總之醒醒定定呢兩年無嘢煩到阿爺，俾佢玩多一屆，仲有糖派添*！

*假如大陸GDP未瀨嘢

2015/06/28 10:00:58 回覆

阿爺要雙料放水，其實已經係呢個星期嘅第二及第三劑藥，星期三晚已經放寬貸存比。袋鼠認為，整個包括銀行嘅金融體系，應該係有好大壓力填數… 記唔記得袋鼠問好幾次有關孖展嘅事？(亦唔係第一次媽义，唔好靠炒股市剌激經濟，大陸已經貧富不均、事倍功半，而且要同個泡放氣係好難嘅事) 睇嚟啲孖展數多數都係會經過啲好于迥渠道，去番晒大陸銀行條數簿 (未爆就唔入帳那種)。

雖然係大時代，唔可以靠睇經濟情況，去推斷短期股市上落，只不過就算阿爺只係為托市而出招，等啲大媽唔好跳樓 (帶旺405人氣 ${#icono0_3}$ ，定係變凶宅？！ ${#icono_71}$ )，但係托都係托上海、深圳，出埋國家隊都係買A股，唔係托你港股個屁 ${#iconb_277}$ 。

希臘政府玩博奕玩到燒咗條橋，除非星期二希臘無端端可以揾到17億還俾IMF (可能係俄羅斯普京出手，甚至陰謀論一啲，希臘政府已經大手沽空雅典股市？)，否則一定有浮出一浸賭輸希債嘅血鯹味，而且ECB有可能大手QE其他歐羅成員國債，啲對沖基金大慨會front run，沽空得快過因為輸希債而要變賣資產嘅基金，再用沽空套現嘅錢買ECB會支持嘅歐債。

當然因為未到30號，都未算違約，可能到時真係撲到17億，又再返談判桌傾，所以或者要等星期二先至發生以上劇情。但總之七番身可能已經散咗。

香港係外資主導，好睇佢哋班友點計條數去舞，及佢哋有乜默契行事。不過既然啲大小散戶，都集中睇好央媽托市 (順帶一提，可能對只講股票嘅股民，下下都單係以股票角度睇政策，忽略一部份政策反映更長遠經濟問題… 短炒還可，長揸PK)，倒不如又嚟返佛誕後星期二升市那一招，等班散戶炒高就多啲水位套現… 前題係明日期結，唔知大戶是否早已平晒六月倉；如果未平晒倉，就來個高開後急跌，要早一啲開始壓指數造低個結算價；否則已經轉晒倉，就唔使整日壓住指數，可以收飛收到夠，等星期二先至沽爆佢。

如果有人好聽唔聽走嚟聽袋鼠嘅劇本，但結果是但希臘撲到水，或者央媽話晒事，恒指H股成個星期升通頂，阻咗人發達嘅話，唔好返嚟揾袋鼠尋仇，反正呢度好多人專敬某師兄，應該記住佢講，『得不到並不等於有損失』！

利益申報: 星期五牛熊証已經平晒倉。細注持有撲蝶及深圳。

animal666 2015/06/28 09:48:36 回覆

但外婆突稱已接獲內地公安正式通知，由於懷仔有逾期留港記錄，因此不批准赴港探親申請，她深感懷仔長居深圳，早晚因她無力照顧而流落街頭，因此向全港善心人作出呼籲，希望有愛心港人可收養懷仔，再依法申請他來港定居。

Let see how PK CHina welfare policy...

Still not able to provide normal education / accomdation to the children without parent taking care...

Or not able to arrest the parent ignoring their children...

SIGH...

animal666 2015/06/28 08:44:44 回覆

阿爺救得一個得一個...

SIGH...

2015/06/28 00:51:38 回覆

其實2014年8月時,大犘都有同動物兄差唔多的預測。以下是我個時的一篇文:

大摩話升50000點?

2014/08/12 10:17:22
網誌分類: 經濟

大摩最樂觀50000點和最悲觀14000點的預測,
等同恒指差不多升一倍或跌一半...
我覺得這種預測沒太大的參考價值吧,
以這種預測來決定投資方向,這真的和賭搏沒太大差別。

但2015年6月基本目標26680就有參考價值得多了,

還記得我3~4月份決定大手買內銀時的四面楚歌,
當時我分析內地信貸風險和問題的確存在,
但未必會嚴重影響內地金融的整體穩定性和前景,
當時市場過份悲觀了。

相隔4個月後的今天,整個市場就轉變成完全相反的氣氛,
把較早前言之鑿鑿的風險完全無視掉,
這又過份樂觀了點吧?對嗎?

但以現在市況的勢頭,繼續升多五百一千點,又好像滿有可能的。

恒指現價離大魔的1年基本預測相差約2000點,
以一位姓郭的股評人的慣性說法是,

"這很難滿足每月高低波幅1000~1500點的需要"
因此推斷,以恒指現價為中軸作上落市的可能性不低,
現階段要相信恒指能一舉突破25000單邊大牛市,
或者八月傳說中的大跌市,
都是很難抉擇又沒把握的事兒。(嗯~這是"對賭"啊~)

又拿金曹大大的金句用下先:
損失是失去已得之物,但得不到就是得不到。得不到並不等於有損失。

所以小貓祝福能買到正確方向的師兄姐,
因為這是您們的眼光和決斷力(嗯,還有RISK TAKING),
小貓沒這能力,賺不了這些錢。

加油啦~祝大家好運~

P.S.

大摩6月個恒指位真係準 ${#icons_dog10}$

結果14年8月無跌市,拖到去9月佔領,記得個次動物兄沽期指賺1球~ ${#iconb_283}$

2015/06/28 00:04:42 回覆

希臘擠提、大陸雙減 ${#iconb_3128}$ ，仲要星期一係期指結算… ${#iconb_262}$

希臘財長玩博奕論，以策略睇，完全係業餘學院派，歐盟集體call bluff，死得。

animal666 2015/06/27 23:33:06 回覆

中國證券網引述李小加指出，對已經入市的人來說，周一是「冷靜日」，早晨大家碰面了，第一話是問候「早上好」，第二句話就應該是「別瞎跑」。每個人都容易覺得自己是跑得最快的人，肌肉最發達，但最後會發覺如果大家都想跑出去，結果是誰都跑不出去。他稱，如果冷靜下來，大家都可以騎上牛了。

他又稱，對於沒有入市的人來說，周一是「學習日」，也別瘋跑，早上開市每個人可以投100元進去試試，如果下午賺了，那很牛，如果賠了，就當交學費。

This guy is quite true!!!
He mentioned before the water is too clear so there is no fish...

Now he teach us to test the water temperature coming monday...

SIGH...

瀏覽更多回應正在載入...

最後通諜

網誌分類

最新網誌

最新回應

月曆