養老金救市
全球股市跌跌不休，上週四開始爆小股災，翌日週五再來一個大跌，跌浪繼續由中國展開，上證綜指上週五跌4.2%，日本股市跌3%，恆指跌1.5%至22410點，國企指數跌2%，跌浪去到歐洲開始擴大，歐洲股市整體跌3.3%，其中德國股市跌3%，法國股市跌3.2%。
亞洲、歐洲跌成咁，美股當然難以獨善其身啦。杜指上週五全日大插531點至16460點，跌幅3.1%，標普500指數插65點，收報1971點，跌幅3.2%；納指挫171點至4706點，跌幅3.5%！
全個星期，杜指及標普500指數齊跌5.8%，分別係2008年10月及2011年9月份以來最大單周跌幅。港股美國預托證券ADR港股比例上週五較香港收市9低539點，收報21871點，預計港股今日仍有一跌。
部份股市已開始救災的應急措施，如台灣今日起為沽空設限，以維持股市秩序及穩定。台灣由今日起禁止股份平倉以下沽空，投資者借貨沽空的沽出價不能低於前一個交易日收市價。但證券商避險需求的借貨沽出則不受限制。台股上周五大跌3%，跌至近26個月低位，上周累計下跌6.3%，加上新台幣匯價又大跌，跌得太多，要開始出招托市。
現時歐美股市未入熊位，如美股三大指數較近期高位回落一成左右，技術上已到華爾街所講的調整幅度（correction），但未及跌20%的熊市水平，但包括香港在內好多新興市場已經熊咗。
美股比較多博反彈的分析，但亦有更樂觀的分析認為今次仍為調整，不會入熊，佢地認為美股進入牛市，已經近7年之久，牛市期間出現調整，其實正常不過，按過往經驗，跌10%以上的調整每18個月便會出現一次，但美股這次大牛市，標普500指數已經大漲了三倍，期間未有出現似樣的調整，今次的回落，只係遲來了的調整而已。
不過，股市不能純從技術上看，美股本來已是一隻老牛，上攻乏力，主要受加息影響，若然加息只是溫和，而美國經濟在加息後仍然向好，當然可延續牛市，但若然開始加息後經濟唔掂，牛市見頂一啲都唔奇。
經過聯儲局主席多年以來的市場加息「期望管理」，市場見到美國經濟確有復甦跡象，已經對加息的恐懼逐漸適應，正如Bryn Mawr Trust首席投資官Ernie Cecilia表示，近期，市場的態度似乎已經在高喊「開始加息吧，讓這個難題，儘早了結。」
所以美股以至全球股市上個星期大跌，不是怕加息，而是怕中國經濟唔掂，呢個因素不似加息那樣已被消化。中國經濟近年持續放慢，已經係市場共識，問題係中國政府上周突然讓人仔重貶，雖然貶幅唔算太大，但這個大動作令到市場，特別係依靠出石油、煤、鐵等大宗商品到中國的新興市場，驚覺中國經濟進一步衰退，亦觸發了市場對這些新興國家貨幣的恐懼。一個由貨幣下跌潮帶動的跌市，就唔係三朝兩日可以結束咁簡單。
中國內部近日矛盾日多，習大大出力打貪，貪腐集團大力反撲，政府又要在9月3日搞閱兵，變成不太對焦經濟。在環球大跌市時，推一個已講過好耐的養老金入市計劃，想借此救市，雖然涉及1萬億資金，但實際入場時間要9至10個月後，推呢啲政策有少少唔夠力之感。
股市跌得多會彈，但大市的隱憂是結構性的，所以見到反彈時也不要太樂觀，呢啲市道不在乎爭勝，主要在乎控制風險，有較大反彈時將弱股、炒股沽走，長線會安全一點。
陸羽仁
老師： 我在上証約3600，入了3188@45左右， 我當然希望可以平手離場， 但你估短期有chanve嗎？ 如9月美國不加息，會否有利呢？ 但a股又與世隔絕， 不看世界。 若蝕少當賺， 應以上証指數什麼為目標好呢？ 謝謝指導
今日又跌幾多千點？
哈哈....全球股市暴跌--->稱中國有能力應對經濟下滑. 即是擺阿爺上枱. 要阿爺明食死貓. 等子龍踢爆大戶的計劃先.
由拒絕A股入MSCI--->IMF要求移動人民幣中間價---->老美暴跌---->引致全球股市暴跌. 很明顯是一個局. 先抽高后然大插, 行足C浪. 老美咁大場戲, 點只食幾千點. 最少萬點才收貨呢.
狠穿上次低位 港股危如累卵
【明報專訊】老實說，上個月的股災我是不怕的，反而認為是很健康的調整，但是這10天的暴跌，卻真的震怕了我。
讓我先說一下歷史：
1997年1月16日，恒指是14004點的高峰，但4月3日，卻跌至12013點，3個月不到，下跌了14.2%，但在之後，它一直猛升，升至8月7日的16820點。
2000年，1月3日是17426點，是恒指的新高，1月4日跌至17072點，1月5日跌至15588點，1月6日的最低位是14763點，3天共跌了2663點，即是15%。但跟着它便爆升，在3月28日創出了18397的高點。
如果大家還記得2007年的大奇蹟日，其實在當年的7月24日的高位是23543點，然後一直下跌，在8月15日、16日和17日的跌幅最大，分別是21375點、20672點，17日的最低是19836點，隨即大奇蹟發生，收報20387點。這即是說，在24天之內，跌去了17.6%。但是相信大家都記得，跟着股市在10月30日創出了史上最高的31958點。
是牛是熊 只能事後孔明
換言之，在創新高之前的大震倉，是常有的事，因此，我對於恒指從5月26日的28524點，急跌至7月8日的最低22836點，並不覺得驚訝，因為雖然是稍多地跌了19.9%，畢竟也算是正常的調整，但是，如今再一次大跌，如果是「高低腳」，破不了上個月的低位，這還是正常的調整，但如今它是狠狠的大穿了上次的低位，這個狀况便是危如累卵了。
不過我仍然堅持己見，就是牛市調整和熊市是難以辨認的，因為牛熊之分，是事後孔明的，當你能夠「確認」熊市，即是它已經持續下跌了幾個月，又已經跌去了三、四成時，這已經是熊市三期，想不去「確認」也不成了。
[周顯 投資二三事]
黑色星期一，全球股市暴跌。。。各國領袖爭相係新聞發佈會安撫投資者，稱中國有能力應對經濟下滑
有報導更說中國或會在今年餘下時間現俄羅斯般經濟委縮，依家個市場恐慌情緒已經有d失去理性
無人托市 謀定後動
2015年08月25日
上星期股市破底而下，昨日再插1100點，即是話股市穿底，大幅下插，若然上次恒指單日跌幅2000點係股災，昨日收市比呢個低位再低千幾點，今年有買貨者，基本上都會扮蟹。傳聞中央喺咁環境下，都暫停郁手托市，股民只能自求多福。
傳中央未出手救市
全球股市大插，A股跌幅呢舖仲勁過香港。陸羽仁收到風，中央喺咁凶險嘅環境下，昨日未有出動真金白銀救市，昨日下午彈咗一彈都只係市場反應，和中央出手無關。唔知阿爺係咪想睇定啲定係頂唔順，佢一收手，滬深指數跳水式下插，港股同步急插。
喺咁環境下，個市又插咗唔少，散戶?家出貨可能遲咗啲，但撈貨有可能即時捱價，可以做的事情好有限。經紀張話，昨日都唔多人接貨。
?家個市好大程度睇美國聯儲局點反應，若然美國延遲加息，咁情況會好啲，個市有可能反彈，?家全球環境立立亂，呢個機會都唔細。
有中環茶友之前減咗小小磅，?家跌市佢唔算太傷，就話最好就係望美國股市大跌，個市解脫式下跌，咁仲反而有機會見底喎。
茶友話，自己手頭有貨雖然唔多，但個市咁插佢都要損手，佢有子彈但暫時仲未敢出手撈貨。茶友分析係，最怕美股上星期插完反彈，因為如果美股反彈，咁美國隨時照加息，咁中港股市好煩嘞。相反，如果美股大插，插到聯儲局腳軟，或者美國唔敢加息住，咁反而個市有機會有個像樣的反彈。
茶友話，若然美股回穩，港股有得彈，彈幅都唔會強，因為彈完又驚佢散；若然美股再跌，港股當然無得升，所以佢?家有子彈都唔敢亂用，就係呢個原因。
我就話內地都似有啲政治鬥爭，貪污集團似在反撲，亦影響內地投資氣氛。
個市呢排真係頭頭碰着黑。人民銀行未有如市場預期下調存款準備金率，加上南北韓軍事衝突，再撞埋美國下月或將加息，上證指數急挫8.49%，錄得八年來最大跌市，港股跟外圍跳水，恒生指數收報21251點，大跌1158點，連跌七日，累瀉2767點或11.52%，險守去年低位，國指大跌5.8%，跌穿一萬點大關，成交增至1390億元。
藍籌股近乎全軍覆沒。匯控(005)
挫4.3%；港交所(388) 
失守180元關，大挫7%，報178.3元；中信(267) 
半年多賺五成，並計劃下月公佈房地產業務整合方案，全日倒升0.29%，收13.96元，是藍籌唯一錄得升幅。
A股暴瀉，中資金融股沽壓重。中信證券(6030)
大跌9.6%，報17.04元；海通證券(6837) 
仲慘，瀉足11%，報11.02元，中信證券與海通證券是表現最差國企指數成份股；國壽(2628) 
挫5.5%，報24.3元，不過又係嗰句，中資金融股累升唔少，經過調整?家股價係平咗，但係咪超平，就見仁見智啦。
做好準備 輕鬆面對
A股ETF同樣無運行，安碩A50中國(2823)
造9.46元，大跌12%；南方A50(2822) 
重創12.5%，造10.82元；追蹤內地創業板指數的南方中創業板(3147) 
大跌14%，造8.9元。個市跌得咁緊要，只能用滿目瘡痍去形容，投資有順有逆，投資者喺呢個環境，最重要係睇得開，學毛伯伯話齋，風物長宜放眼量，對於當前投資環境，應該做好最壞準備，謀定後動好啲。
陸羽仁
2015-08-24
Dow Jones Industrial Average (^DJI)
15,871.35
588.40(3.57%) 4:30PM EDT
老美炒返到貼水之後, 竟然再大幅下跌收巿...
看來2015下半年都是要打返防守波先掂 =口=
咁要問吓前主席意見先 ...
大戶，無字幕，收唔收貨？
有冇 "8" 字既神獸?
聽日有機反彈?
美國真係人類既一哥，環球骨牌跌市由美國頂住，仲要唔洗出招，唔怪得之美國唔洗閱兵
唔知習主席訪美會唔會比奧巴馬笑：乜你唔係無所不能嫁咩？
大戶，仲有無神獸召喚請求？
佢老尾正在大奇漬日
(唔知阿爺今晚學唔學到嘢去聽日救市)
ig hs50 報 210
草兄，你忍緊嗰隻AAPL，朝早有非監管渠道發佈好消息
https://twitter.com/carlquintanilla/status/635799629947404288
Apple's @tim_cook just e-mailed @jimcramer
Did Tim Cook Violate Regulation "Fair Disclosure"
內憂外患，睇下自己倉位原來仲有D貨響度，都係2010年買落蟹左好耐既貨。
計落應該佔自己現金20%左右，雖然仍然蟹住但都唔太心煩，必要時可以用80%現金補貨拉低平均價。
所以唔好話小弟睇市準，其實我都有蟹貨，只不過唔入肉。
但上次大陸突然跳樓時將身上八九成股份加月供股全部放晒，今日睇番，真係鬆左一口氣，而賺左果D，我打算準備COVER今次股災輸既現倉位貨，只要現倉位輸唔多，我先確認到有錢賺。
世事難料, 我舊年有兩隻忘記了的股, 今年四月番一番.
沽了換另一隻, 當然又蟹了, 但呢隻有息收, 又可忘了它。
Almodovar 兄： have a safe trip :)
草兄，我而家D貨好多都蝕4成，一年唔郁，返來唔使蝕已經偷笑。
almodovar，恭喜閣下有機會出國修行，記得好好享受人生同做多Ｄ香港唔會做既野
超越一切既最強神獸
唔睇唔買唔賣, 進修回來可能發左達.
almodovar，祝你在自己身上成功投資！
almodovar 努力進修，修出一條光。明路
Almodovar：一路順風了~
唔睇市了，明天再算~
陸SIR、各位師兄:
很久沒有上來，除了因為D蟹貨已經無眼睇之外，我明天便起行去美國進修，這段時間都忙著辦事，之後可能有一段時間不上來留言了。
而家D貨死哂，唔買唔賣都無心機睇個市了。
咁跌法好過陰陰跌
陰陰跌 會唔覺唔覺買齊貨, 咁跌真係只可忍.
牛腩貓咪 2015/08/24 09:23:46 網友在此的回應
大奇漬日？
唔好太快鬆懈住，可能係好多交易執行唔到。
Market Liquidity Worse Than During The Flash Crash; 4500 Crash Events; Constant Halts And Unhalts
呢一樣講番市場流動性不足。
所以財爺開記者招待會都有佢理由… 本來以為佢先講話防止大鱷造謠，但講清楚香港市場運作正常的確係重點。
e-mini S&P 今日交易係左下角粗體黑線
Apple now single digit PE ! Have more cash than US treasury.
today low to $92, now $103
忍忍忍
世事難料, 除非事前買齊一套CALL PUT, 否則真係咩都唔好做最穩陣....
真係O咀…
x2
夜期從低位升成9舊 ..... 大奇漬夜
鼠兄：轉頭老美倒升
真係O咀…
前主席可以出番嚟講大奇漬日？
不過重有5個幾鍾到收市…
就算跌穿21000，都會好快升返
以今日收市價計
21195樓下機率
股市下跌只是part1 …獵殺盟邦用多年時間把樓市做上,是part2 part1出現是為了引爆part2-…,
樓市未爆,等樓市大爆,恐慌出現,人民不敢亂消費,零售飲食大量結業(高租高人工),失業潮第一步出現,未失業害怕者，中年者,供樓者,害怕失業人士,更不敢亂消費,更多零售飲食大量结業,失業潮進入第二步……第十步....
當人民心靈受傷(買股樓,失業害怕者)是很難短期康復....惡性影響之下受害者往往巨大！
網誌分類: 經濟
昨日港股一插近１３００點，整個亞洲股市都因為道指的場外期貨急跌而下插；亞洲市結朿到歐洲市，全部跟跌，以德國DAX指數跌７．２％最厲害，倫敦股市因為有政府宣布擔保北石條債券數，北石股價急升５成，叫做氣氛好啲，都跌５．５％；始作俑者美國因為馬丁路德金假期而休市，只能睇住個道指場外期貨價，都跌了４００、５００點。
全球股市係咁跌，大摩的MSCI全球股票指數亦錄得５年以來最大跌幅，股市大跌引發連鎖效應，日圓再升，做１０５．８日圓，從事套息交易的對沖基金又要拆倉，炒得勁如黃金等商品急回，黃金現價８５６美元，油價亦因為擔心經濟衰退而急回，紐約二月份期油跌到８８美元一桶。所有投資產品皆跌，只有一樣東西上升，就係美債，投資者迴避風險把資金泊入短期債券，二年期美國國庫券升到１０２元，令債息跌至２．１％，投資者情願唔要回報，只求安全。從美國國債券期貨成交的數據顯示，市場估計聯儲局減息０．７５厘的機會，已經高達７５％。
歐洲跌得咁甘，今早亞洲開市再跌，日經指數曾跌超過６００點，跌幅約４．６％，之後跌幅略回順。到香港開市，又係爆大鑊的格局，昨日收２３８００點，距離２５０天線２３５００點只是３００點左右，好易一攻而破，直試２３０００點關口。
環球股市跌得咁甘，英國政府都投降，同意高盛的建議，由政府擔保北石銀行的債券，這種企業失敗由政府承擔的手法不尋常，但事急馬行田，英國政府也得無奈接受。
陸羽仁就好有興趣知道美國財長保爾森和聯儲局主席伯南克而家做緊乜？美國星期一無市，若美國政府什麼都不做，到今晚美國時間星期二早上一開市，道指好易一跌就跌５００點以上，直插向１１５００點，咁都唔緊要，再咁跌吓跌吓就失控，跌得太急就救唔番。伯南克有無放水救市的措施？負責和民主黨就救市方案講數的保爾森，又能否取得民主黨首肯，若這一切只有否定答案，咁危機就會急促擴大。
在正常的日子，這種政治性的危機完全可控，因為不同黨派只係做戲攞彩，玩兩玩就埋位做嘢。但今年是選舉年，民主黨會覺得一放生咗共和黨總統布殊，俾佢搞番掂個經濟，就對自己選情好不利，所以會堅持到最後一刻。而聯儲局也會有子彈亦不發，因為聯儲局若先行減息救番起個市，都好難再叫民主黨人就範。不知大家有無注意，民主黨消息人士對記者話，要３０至５０日才會和政府談好救市方案，保爾森和伯南克自然唔想等咁耐啦，最好在１月２８日布殊公布國情諮文前就有分曉，所以壓力就集中在這天，傾唔掂就玩完啦。
這是一個占士甸式衝崖遊戲，兩個人各自揸住跑車衝向懸崖，邊個先停就輸，所以兩個車手都會盡量捱到懸崖邊，弄不好兩個人都會跌落山崖，弄到粉身碎骨，政治比經濟更兇險。我們作為觀眾，只能夠等。
你問我股市有無災，我話目前仍未算，因為跌得未夠勁，若美國政客玩出火搞唔到救市方案出籠，就好難講嘞。到美股一日跌１０００幾、２０００點時，你想話係唔係股災都唔得。
至於網友如何自處，基本是要求心安，關鍵係控制風險，風險控制咗，自然唔會驚到瞓唔著，以瞓得著覺來決定自己買賣的方向。首先唔好借錢買股，因為唔對路時，人家會逼你斬倉，唔到你控制，買高風險的期指或沽期權亦係一樣，結果唔係你能話到事。其次若是成手蟹貨者，亦唔好再溝，有時黑起上來，愈溝愈慘。第三是無貨想買貨者，最好量力而為，股票係相對便宜，最好分注買，亦要你有力守，若萬一發生股災跌到１５０００點坐幾年都唔驚，唔等錢使，先至好買。第四是為自己留後路，有錢唔好買盡，又或者同時買少少認沽輪做對沖（要預咗呢一筆會輸清，這筆保險費就加進買貨成本裏吧）。第五，信自己，有懷疑唔好買。第六，成手蟹貨風險太高者可能要減部份倉控制風險，或買少少認沽輪對沖。冷靜思考自己的持倉和市況，才作買賣的決定
其實老美今日好醒，一野插死晒啲好友，從頭玩過。
2008年1月23日
美國停市 香港「㩒機」
各類股份全線下跌，藍籌下挫8至10%者比比皆是，成交最多的中移動（941）
[股價及相關新聞] 跌7.5%，最多散戶捧場的滙控（005） 
[股價及相關新聞] 挫8%、港交所（388） 
[股價及相關新聞] 挫9.86%、平保（2318） 
[股價及相關新聞] 發A股兼發債，股價瀉12%；國壽（2628） 
[股價及相關新聞] 跌16%，散戶愛股紛紛滑落，港交所由最高位268元跌到昨日收市的156.3元，跌幅超過四成，大行在二百元樓上仍然不斷出報告唱好，信以為真的老散全部領嘢。有人留意到早前港交所行政總裁亦行使了認股權，未知是否趁高沽貨，若然無咁做，雖然認購價好低，至今仍不必蝕價，但就交多咗一筆稅。
港股跌得咁急，理由之一是美股無開市，基金為了應付贖回，在香港重手「㩒機」，大力沽貨，所以好多基金愛股都被全面拋售。無論點樣解釋，指數接連下跌幾日，仍然一舉下挫二千點，亦出了一眾中環茶友的意料之外，看淡的人也有，亦有人睇到22,000點，但無估到佢兩日跌逾3,000點。港股急插跌破23,500點的250日平均線，而且仲大幅下探，論走勢差到極，後市已無險可守，美股開市前急急減息四分三厘，有茶友話，布殊掟出個減稅方案，被對手阻頭阻勢，雖有減息救亡，若然咁都唔得，就要再諗第二「籠」。
目前買股最大的風險是股災，好多人話而家已經係股災，但陸羽仁認為未夠災，以我心目中的股災，要一日跌20%、30%，而且仲係美股杜指咁跌，咁就似嘞，以杜指現價計，要一日跌2,000點過外，就叫有災味。
買股要用閒錢
話現在未係股災，唔係為呢個大市辯護，而係話若最後出現股災，大市唔跌多2,000點、3,000點不出奇，有十分之一機會出現更壞情況時，15000點都可以有得見。所以而家買貨者，就要問吓自己，怕唔怕股災，萬一咁不幸出災，自己守唔守得到，要守兩三年。好多朋友問有無「安全」的股票，我就話無啦，股市風高浪急，無股票安全，若唔係有多餘錢想做「投資的我」（即係預備好要長揸唔放），心大心細者，最好持盈保泰。
陸羽仁同中環茶友睇法一樣，港股和環球股市跌成咁，好快有結局，一係開大，一係開細，開大跌鑊甘，由美股開始，急插成災，實行一鑊熟。開細就美國政府同西方大國央行聯合再放水救市，最好仲挾埋美國民主黨，同意執政共和黨的救市大計，咁美股隨時頂住唔跌，港股亦會彈，開大開細好快會知，因為環球股市都唔頂得咁耐啦，亦唔會在現價企定定。
港股隨了睇美國有無絕招救市之外，就要睇亞爺，聞說阿爺亦唔想股市插得太急，若急跌上證綜指插近4,000點時，阿爺又會出口術托吓。
中環茶友仲有個陰謀少少的觀點，話美股好有政治市味道，通常選舉年股市應該無得跌，但今次布殊落任前，經濟真係太差，好難頂多一年，睇白都好可能硬着陸，問題係究竟係幾時硬着陸，若然年頭衰退，年中復甦，對執政共和黨較為有利，相反，如果年中衰退，去到年尾復甦，在野民主黨上台機會高唱入雲之餘，仲可能變成行運醫生醫病尾，所以現在布殊同財長保爾森死力救市，站在民主黨立場，最有利唔係唔救市，而係陰陰手拖吓，同布殊跳番兩part「逢逢拆」慢舞，等經濟碌落去到年底先復甦，情形一如當年老布殊競選連任，經濟跌到一仆一碌，點知到連任失敗，公佈出來的數據，就顯示復甦來臨，有人話，當年若然經濟早三個月回升，以老布殊在中東大勝的威望，又點輪到克林頓上台，如果今次民主黨可以在布殊身上重施故技，咁就為之very good，因老布殊中過招，布殊政府開始睇通呢點，自然一搶閘開動財政同減息機器救火啦！
陸羽仁
耶倫Q唔QE都食硬死貓，引刀成一快，加息啦！而家市場扭曲資金錯配，點救都死。最好清理埋聯儲局入面啲金人奸細，否則嘅話，下一手仲難執手尾。Volcker都加息俾人媽，但唔係佢。
呢啲金融危機，一日無啲PK賓架高層坐監，就一日都有大街小民繼續俾華爾街吸血
Dow -1.2K to start, now -500
Holly s..., WTF
should have done the job killing all margin and stop loss ??
係咪有明日陸sir標題比賽？
美股怒鋤
Woo...
Buying more peanuts & beer is for sure...
SIGH...
袋鼠唔覺得係無名腫毒囉，以下講嘅嘢全部有留言過。
集團式『羊群』(crowded trade)同埋市場流動性消失，四個月前袋鼠央行行長有提過，若果有留意QE/利息/阿爺以外嘅市場消息，都有好多消息提及呢兩點。
用呢兩種背景可以引發情況，去解釋美國股市呢種急跌，十合配合
另外，當袋鼠最近見有報導指，過去兩年美股是上市公司以兩萬億美元，再加上早兩星期前，高盛跟order入市，那時袋鼠覺得好唔對路囉。
有一個理論，話中央銀行成功壓低短週期波幅，但長週期波幅卻急升。你睇吓過去好幾個月個VIX，同上星期五及今晚急升去比較，就係應驗這個理論。運作道理袋鼠仲未摸得明白，但係可以用山火比喻：山頭間中有山火清吓雜草，會減少可燃物，但太耐唔俾佢起小山火，積埋太多草木燃料，一燒起上嚟就不可收拾。
而家最大可能，係人民幣貶值撻著把火？
//
華爾街要考耶倫牌？
//
Exactly... Yellen BJ to be testified tonight...
SIGH...
美股股災，跟格林斯潘(1987)和貝南克(2008)無異，耶倫(2015/16)上台后亦須面對股災考驗，華爾街要考耶倫牌？
金融災難一波接一波，浪比浪高，不是好兆頭啊。
跌500幾only
過山車
子彈兄，
美帝不嬲鐘意搞死人地而自己冇事，今次自隊有d奇怪
在下係美企打工，亞洲對佢地黎講，其實只係手指尾既指甲而已，驚亞洲爆拖累美國？唔好玩啦
美帝自爆，一係就迫耶倫推遲加息，一係就已經同耶倫打龍通，自隊一刀，亞洲中三刀，志在隊死中國