逼迫儲局

2015/08/25 08:51:29 網誌分類: 經濟

25 Aug

全球股市暴跌潮愈捲愈大，上證綜指大跌8.5%至3210點，恆指跌5﹪，暴跌浪蓆捲至歐洲，德國及法國股市分別大挫4.7%及5.4%！

跌浪去到美國，投資者已經嚇到面青，美股開市唔夠5分鐘，杜指已狂瀉1089點至15370點，其後一度大反彈，至中午，跌幅收窄至115點，但午後又再回落，收市跌588點，收報15871點，跌幅3.5%，已經叫做跌少一半，坐咗半架過山車。標普500指數跌得更傷，跌3.9%至1893點；納指跌3.8%至4526點。投資者有幾驚？睇股市恐懼指數昨日抽升45%至40.73，接近4年高位，便可見一斑！

港股美國預托證券ADR港比指數收市較香港再跌593點至20659點，雖然繼續向下，但跌幅已較上日大為收斂。

美股跌到觸發所謂隔斷的停牌機制，杜瓊斯公司表示，每逢交易價格上升或下降5%以上，都會令到交易暫停5分鐘，而昨日，股票加上基金交易，全日共出現超過1200次的暫停交易，可見大市的動蕩情況！當中暫停最繁密的時段在早段，這段時間，納指由朝早勁跌8.8%，曾經逐步反彈上只係跌0.5%，其中蘋果公司股價一度由下跌1.5%反彈至倒升2%。

美股暴跌，美元亦受到影響，兌六隻主要貨幣匯價嘅美元指數昨日大幅回落1.7%至93.42，接近5月11日的低位，較3周前超98，已大幅回順近半成。另外，股市唔掂，又驅使資金流入美債避險，美國10年期國債息昨日跌至2.01厘。由8月初至昨日，已下跌超過0.2厘，息率回落近一成。

全球股市爆災，投資市場大幅波動，主要都係中國經濟不濟，股市大瀉與人仔突然貶值惹的禍，另一個因素，就係聯儲局的加息動向，亦令到投資者有所避忌。

保誠金融的市場策略師Quincy Krosby指出，市場將聚焦中國今日會否出臺新招去刺激經濟增長。有嘅話，大市可能會穩定下來。而家美國市場普遍預期中國人行會降準救市。美國投資者由一個月前一大彈中國入市救市，到而家見中國停咗入市，開始期望中國救市，可見跌市燒到自已身上時，睇嘢角度會唔同咗。

有CNBC記者問諾貝爾經濟學獎得獎者席勒（Robert Shiller），大市已經跌得咁多，對後市點睇，佢話好難睇到大市短期的走向，但可見預見嘅係當大市出現大跌，短期內都會製造另一個餘震（aftershock），至於向邊個方向走，就好難講啦。佢指出美股大跌在意料之內，因為股值已很高，另外，當之前唔多理會股市的投資者都入市買股，大市嘅購買力已經消耗得差唔多啦。佢強調，股市跌得咁急，主要係投資者注意力過份集中在最新消息，換句話講，就係太過短視，見到股市跌，就驚到鼻哥窿無肉，無厘頭地沽貨，佢提醒投資者，從長遠角度睇，大市出現調整，唔係世界末日。佢認為中國經濟會重現再增長（renewed growth），美國房地產市場亦會回復健康。

對於聯儲局加息的問題，前美國財政部部長薩默斯（Lawrence Henry Summers）昨日在金融時報（Financial Times）撰文，話美國現在加息，將觸發危險的結果，佢話加息將打擊到美國就業市場，因為利息上升，投資者會覺得持有現金比投資吸引，另外，加息亦會令到美元升值，亦削弱美國製造商的競爭力，首而美國的貿易夥伴受到壓力。

薩默斯認為要美國有令人滿意的增長，需要一個低息環境。特別係現時全球經濟環境脆弱、加息將觸發不可預料及危險的結果，可能會把金融系統帶來危險（crisis）。所以聯儲局不應做任何事情。在決定加息之前，一定要做好推動公共及私營部門的投資，以保證全民就業。除非做好上述工作，或者美國出現急劇通脹、又或者經濟及市場都變得非常熱，聯儲局根本就沒有改變目前利率政策的需要。

其實市場對中國期望已不大，而家主要睇美國9月加唔加息啦。呢個環球跌市，正在逼聯儲局主席耶倫不要加息。

陸羽仁

回應 (243)

我要發表

2015/08/26 16:13:00 回覆

市中人...人民做主吶...港九 , 大69..

crybabies 不停喊 yeah yeah 干預錯了? 真/假 ...都是2008,2010 etc playbook 咋。

上月 JPM (CEO) Damon, WSJ 一篇說話, 高人論股市! 涼透, 他說不用 bashing 大6市, 小米米。大致上, 又比較 facts & figures, 這個市那個市之類, 在大世界都是渺小如一粟。政客更是另部門, 大選後拜拜。

** 奇怪港九不停喊/担心道指插 ...干我乜事...

另有人比喻大6市是類似人家的1929年華爾街。

咱門 2015 現代人收手了? 大6 啲月供開始未有 ?

怎磨港九 GDP 2.8% ? 人人玩..冇人做嘢

這周收風: 大批反應包括耶女宿敵, L. Summers 教授三大危機論, rate hike 可能性低至三成以下

9月決, 華爾街放完暑假...Labor day 後興洽洽

10月插不插

11月又似清米缸月

2016 才有戲上

收風收風收風, 好消息一串串

陸羽仁 2015/08/26 09:42:40 回覆

陸羽仁覆網友

little mo:你在上証約3600，入了3188@45左右，希望可以平手離場。

我估第一要看內地上證見咗底未，在乜位搵到個短期底，若底部在2800左右，有較大反彈，升14%上3200點，升25%上番3500點，去到呢啲位已好盡，因為上次的底部多數會是反彈浪的頂部，弱少少就3200點左右。要上番3600點樓上，要有較大利好，而和外國乜有關，例如聯儲局今年都不加息了，美元回吐，商品回升，就對中國股市好啲。

依家控股:A股今年反彈後，出年再探底的A股唔細，關鍵看經濟，反而若人仔貶值增至10%，經濟有番啲起色，股市可能無跌太深，若經濟唔掂，股市可以打回原型。

Jessicaceicei:中建材跟大市跌，若經濟樓市唔好，建材股也受累，佢插得咁急，可能有大倉要斬倉。暫時無計，觀望吓。

2015/08/26 09:36:25 回覆

嘩! 頂唔住? ${#iconb_374}$

子龍 (kaka就是大叔的契哥) 2015/08/26 09:19:03 回覆

菜鳥兄: 昨天不是說了嗎??? 請記著止蝕

金童: 我要插

耶女: 我要彈

金童: 係要插

耶女: 係要彈

路人甲:........ ${#iconb_626}$

2015/08/26 09:17:53 回覆

陸SIR早晨,

阿爺唔再托市, 但係出雙降同拉晒D劵商, 挺經濟同時消滅特殊沽空力量

在下覺得, A股趺過龍應該可以彈返一兩個月, 但之後難講, 08年果陣A股都冇特殊沽空力量, 阿爺一樣有救經濟, 但係股市資金一散, 最後都要趺返落2000點, 在下D大陸朋友都唔再炒股, 搵第二D野炒了, 所以在下覺得出年A股會見返2000頭, 唔知老師點睇?

2015/08/26 09:16:46 回覆

將軍早晨，為何老美反插是正常呢？？有點意外。

子龍 (kaka就是大叔的契哥) 2015/08/26 08:55:09 回覆

噢...老美又插, 正常. 但阿爺又出雙降, 即是中了曹嬰的奸計. 今天一股不買, 有貨的把握機會止蝕.

2015/08/26 07:41:35 回覆

陸sir:請幫忙分析下3323中國建材……尋日跌得好急！水泥前景是否很悲觀？

animal666 2015/08/26 07:09:50 回覆

Buying in more peanuts & beer...

SIGH...

animal666 2015/08/26 06:29:42 回覆

阿爺唔出手硬出招
2015年08月26日

　　港股經過七連跌，跌到阿媽都唔認得後，昨日終於反彈，一開市就抽高，不過內地唔爭氣，直插無水花，上證綜指3000點都穿埋，大跌7.6%，拖住港股向下，要等內地收市才彈0.7%收場，叫做升153點，可以話一額汗啦。阿爺不再入市干預，所以海外股市彈，佢都照樣大插，其實在補番七月應跌未跌的跌幅。

　　一招了難頂大市

　　收市之後，阿爺終於出政策招，人行宣佈「降息兼降準」，由明日起，一年期貸款及存款基準利率下調0.25厘；同時宣佈自九月六日起，下調金融機構人民幣存款準備金率0.5個百分點，並額外下調金融租賃公司和汽車金融公司準備金率3個百分點。

　　阿爺降息細力，降準大力啲，降準不是0.25、而是0.5個百分點。估計因為減息對人仔的匯價影響大啲，所以要忍住手去減。另外汽車金融準備金仲降3個百分點咁多，亦想谷下汽車借貸和消費。

　　華爾街焗儲局押後加息

　　中央唔再入市，但硬出政策去挺，從樂觀角度睇，內地股市短時間插了1000點，跌幅較大，中央出招可成為反彈藉口。但悲觀一面是怕人仔會受「雙降」影響下跌，加上過去好多次阿爺出招後股市都是彈完再插，若然只是「一招了」，唔易頂得順。所以後續要看中央仲有無其他招數，同埋美國會否如預期在九月加息。

　　依家全球市場焦點，開始落在聯邦儲備局的利率政策上。中環茶友話，美股咁跌法，等如變相想逼聯儲局押後加息。將利率推回較正常水平，本來係聯儲局主席耶倫的任務之一，亦是衡量其能力的標準之一。只係世事不會盡如人意，按依家牌面睇，聯儲局若然夾硬喺9月加息，好可能造成巨大衝擊，現在要睇做開鴿派的耶倫會否就範。

　　講番昨日個市，美股上日食完一輪驚風散，到內地股市開市投資者又沽過，滬指甫開市便大幅低開逾6%，午後再跌急啲，3000點大關失守。上證指數全日收報2964點，跌244點或7.6%，連同昨日暴跌，上證指數自上周五3506點起計兩日瀉15.4%。

　　中證監表態不入市

　　內地股市咁弱，主要係市場覺得阿爺態度有明顯轉變，所以再無人托市，呢個分析源於證監會八月十四日發佈的一則公告，證監會稱，股市漲跌有其自身運行規律，一般情況下政府不干預，政府的職責是建立和維護公開、公平、公正的市場秩序，保護投資者特別是中小投資者的權益，促進股市長期穩定健康發展。但是當股市發生劇烈、異常波動可能引發系統性風險時，必須及時、果斷採取多種措施，穩定股市。

　　市場對此解讀成為，證監會已經明確自身定位，不再干預市場自身漲跌，由着眼指數幾多點，改為着力打造「公開、公平、公正」的市場秩序，結果咁就令到A股失守埋三千大關。

　　由於A股急瀉，港股午後跳水，一度挫386點，低見20865點，尾市買盤先湧現，港股尾市回升，最終升過百點收市。恒生指數收報21404點，升153點；國企指數收報9514點，跌88點，成交縮減至1345億元。

　　陸羽仁

2015/08/26 05:41:35 回覆

2015-08-25

Dow Jones Industrial Average (^DJI)

15,666.44 204.91(1.29%) 4:33PM EDT

Prev Close:	15,871.35
Open:	15,882.27

Day's Range:	15,651.24 - 16,312.94
52wk Range:	15,370.30 - 18,351.4

Dow Jones Industrial Average (^DJI)

2015/08/26 03:25:22 回覆

央媽特例星期二降息準，明顯係沖著股市來的，希望斬斷預期個惡性循環，之不過減左9個月，經濟都無起息，我睇市場都唔係幾信，加上副效果-貶值，阿克強話人仔唔會貶，全世界睇住6.43個位，上次就係托依個位，插穿無水花市場又認為克強吹水，不過點彈我都決定散一半，我預想跟實際市況唔同，控制下倉位出出黎市況明朗d先同佢死過，股市永遠唔係一鋪定輸贏的，埋單計數扣埋依一年賺既都要倒蝕十幾趴，聽日再彈彈就無咁傷。。比起我群d人好太多了，佢地俾d基建券商玩死，真係含淚斬倉

2015/08/26 02:15:16 回覆

袋鼠兄:

人類社會係咁架啦~

說話是否真理,正確與否不重要,

重要是誰講呢句說話。

2015/08/26 01:17:08 回覆

上年年尾油價急挫，當時一眾市場分析，就用傳統智慧話，美國消費者多咗錢會帶旺經濟，只係袋鼠質疑，認為急挫未必係好事，尤其時能源業係過去幾年美國就業火車頭。

出自袋鼠口講嘅係癈話，那就由啲權威嘅口講同一觀點啦！ ${#iconb_268}$

Another scary development is the crash in energy markets. On Monday, the price of WTI oil ｄｒｏｐped temporarily below 38 $. How does that affect the stock market?

People keep talking that cheap oil means more money to spend. But we’re not seeing that at all. I think that the weakening of the oil price is counter-beneficial: Here in the United States, a lot of the employment that we picked up after the recession came from energy related areas like fracking. And now they’re certainly not employing any extra people and in some cases they’re laying off. Also, as oil is going down it is putting more pressure on stocks. You see the big oil companies trading lower and their all prominently represented in different stock market averages.

Art Cashin 訪問 «It resembles the situation in 1997»

Wall Street veteran Art Cashin warns of a currency war among emerging nations similar to the Asian financial crisis in the late Nineties. He doubts that the Federal Reserve will be able to raise interest rates this year.

2015/08/26 00:52:01 回覆

{#images.jpg}

26.08 good day...i'm new join...

向陸SIR, 各位前輩兄弟姐妹問安。我是新人一某, 小散戶, 姑姑隊耶。

啊哈, 習大大/爺門真勞模, 昨晚7時過後都真人秀個大消息

嘩啦! 及時雨

唔知大成點哩...

干屍牛仔0.01仙番生嗎, 邊個電話叫窩x莊主開檔_____(填充 fill in the blank, 考考neee)

求求明天唔好手疼, 同學手機唔好跌落x坑, 乜嘢都可能嘅

大戶終結者 ( 等人齊 ) 2015/08/26 00:04:08 回覆

係高頻食挾棍 ... ${#iconb_627}$

之前雙降效果短暫, 不過依家啲股平咗, 結果等聽日先知 ${#iconb_267}$

2015/08/25 23:45:17 回覆

特大逃生門明天開啟

2015/08/25 23:21:12 回覆

解釋高頻交易，如何截取交易柯打，再搶先去交易所成交賺差價

如果市場用電話做同一個動作，盡責嘅証監應該已經捉晒呢班人坐監 (front running)

2015/08/25 22:45:55 回覆

小貓兄，大戶也 ${#iconb_615}$ ${#icons_dog10}$

2015/08/25 22:42:03 回覆

散戶們~之前幾個月的調教,仲學唔到野?

牛市已死,熊市當立,

明天最.最.最後逃生門啦~

~最後一天,結束營業,後會有期~

小貓捱義氣,接晒大家D蟹貨~ ${#iconb_291}$

快D交晒D股票出黎啦~ ${#icons_dog10}$

animal666 2015/08/25 22:01:24 回覆

可能你會奇怪，中國何曾這樣聽美國話？ 9月底中國國家主席習近平將會訪美，中國先在南海島嶼停止建設工程，又在股市入市問題上聽美國意見，固然為領袖會晤營造良好氣氛有關。但習大大打貪打到關鍵部位，中國政壇張力漸大，他不想四面出擊，在外交上忍忍不發...

中國人真係好可悲，好可憐...

SIGH...

2015/08/25 21:40:36 回覆

主要矛盾同次要矛盾，只要解決關鍵問題，其他問題自動解決？希望習王成功啦，主要矛盾一日存在，其實咩都唔洗做

2015/08/25 21:06:47 回覆

高开先走了！ ${#icons_dog1}$

2015/08/25 21:06:37 回覆

18billion… 每個quote收一蚊，唔使一年美國政府財政盈餘！

2015/08/25 21:00:42 回覆

噚晚美股開市啲圖幾精彩吓！

芝加哥交易所停市阻止了高頻交易引發災難

Eric Scott Hunsader ‏@nanexllc

It was CME circuit breakers that prevented the #HFT machines from destroying the stock market:

納指期貨 - (指納指總裁講誤導說話)

Eric Scott Hunsader ‏@nanexllc

Here is proof that Bob Greifeld is misleading viewers about yesterday: $NQ_F $QQQ

2015/08/25 20:56:19 回覆

同一位仁兄仲有大把嘢講，基本上都係小喇叭啲高頻交易攪亂市

Eric Scott Hunsader ‏@nanexllc 48 分鐘前

We processed a record 18 billion option quotes yesterday 2.6 quotes for every man/woman/child on planet earth #HFT madness

2015/08/25 20:39:59 回覆

第一幅圖昨日道指開市，約頭三分鍾AAPL開市成交紀錄，尤其是頭一分鍾，成交價於92-96亂竄，表示交易不暢順、不正常，係到第二分鍾成交才開始穩定。

第二幅圖係S&P細期，開市前一度停市，頭一次停市五分鍾，復市再插，但兩度僅僅避免停市位(lv2?)，之後節節上揚。原作者認為停市機制避免了87跳水式直插重演；最後佢係小喇叭啲高頻交易。

大戶終結者 ( 等人齊 ) 2015/08/25 20:03:20 回覆

// 有TC主席做先鋒, 子龍大軍已準備好, 好友們, Are u ready??? //

Ready 兩位主席請食鮑魚 ! ${#iconb_338}$

animal666 2015/08/25 19:55:06 回覆

Buying in more peanuts & beer...

SIGH...

2015/08/25 19:37:43 回覆

陸蛇，如果咁多頂唔到，真係無得救了……

2015/08/25 19:03:28 回覆

大戶兄：重有我啲期期～ haha

大戶終結者 ( 等人齊 ) 2015/08/25 18:53:39 回覆

前主席啲立花肥牛 ... 肥喇 ${#iconb_64}$

陸羽仁 2015/08/25 18:49:59 回覆

夜期升800點。

大戶終結者 ( 等人齊 ) 2015/08/25 18:49:00 回覆

聽陸 sir 咁講, 大方向一樣 ..... ${#iconb_625}$

2015/08/25 18:45:31 回覆

陸蛇：很狗不見了～

陸羽仁 2015/08/25 18:39:44 回覆

內地跌咗咁多，希望降準可以頂一頂啦。

2015/08/25 18:39:42 回覆

2822負溢價1%到，2823負左17%

究竟發生乜事

2015/08/25 18:35:33 回覆

明天又有機會俾大家走貨了～ haha

2015/08/25 18:26:12 回覆

又雙降了... 但而家先黎, 會起到幾大作用

2015/08/25 18:25:53 回覆

人民銀行宣布，減息及下調存款準備金率。

Grandpa made a move afterall.

A50 Futures up 2.2% .... only

子龍 (kaka就是大叔的契哥) 2015/08/25 18:15:46 回覆

菜鳥兄: 阿咩SIR一定有佢苦衷, 只因為子龍曾經在2823輸過大錢, 所以很小心. 明天又想.....ALL IN. ${#icons_dog1}$

2015/08/25 18:09:17 回覆

將軍果然醒！吾似阿咩SIR吹雞叫人ALL IN ${#iconb_268}$

子龍 (kaka就是大叔的契哥) 2015/08/25 18:06:18 回覆

菜鳥兄: bingo. 咪就是2822, 不過當天已經沽了...... ${#icons_dog1}$

2015/08/25 18:01:13 回覆

話時話，之前將軍吾係話ALL IN左一隻（指數股？），要一注獨贏？

子龍 (kaka就是大叔的契哥) 2015/08/25 17:46:40 回覆

有TC主席做先鋒, 子龍大軍已準備好, 好友們, Are u ready???

2015/08/25 17:38:24 回覆

等左咁耐，我今日終於出手了~ haha

子龍 (kaka就是大叔的契哥) 2015/08/25 17:27:58 回覆

長和業績令仔, 大市又平了. 曹嬰的風險愈來愈高..... ${#icons_dog10}$

大戶終結者 ( 等人齊 ) 2015/08/25 17:11:21 回覆

袋鼠兄: 可否講解下呢幅圖??? 唔明..... ${#iconb_625}$ x2

到會放時又發現放早咗 ..... 返回勤力工作的陣營吧! ${#iconb_262}$

2015/08/25 17:09:36 回覆

袋鼠兄，

美國既機制阻止左斷崖式急跌，但係強國都有跌停板，唔知點解唔work

其實兩個制度都係叫人停一停，諗一諗，但係美股暴跌，停一停，望一望，抵喎！買盤湧入，咁就冇事，強國又係停一停，停完又望一望，死啦，沽唔到，仲驚！一郁返沽多兩錢

好似SSD咁，買完唔比賣，689覺得SSD係壓抑樓價既招數，李總救市都係出同一招，股票買完唔比賣，但係李總覺得呢招係用黎托市，同一招可以壓市又可以托市，其實都係人既問題，唔關d招事

2015/08/25 17:06:46 回覆

Kathleen : 我好明白你的意思, 因我都是得個桔. 我們要練下如何放股aiiiii

瀏覽更多回應正在載入...

逼迫儲局

網誌分類

最新網誌

最新回應

月曆