荒謬人生（四）

有一回黄SIR見有位師姐, 頭都痕晒, 問佢點解, 原來佢應承咗人出SHOW, 而且仲係要拋曲果隻！

佢話死啦, 拋曲, 雙手都唔知擺係边, 咪要去學埋做手至掂！（嘩！唔怪得佢咁唔得閒啦！咁搞法真係好唔得閒也！）

我問佢, 咁你個SHOW係咪賣飛揾食嫁？（串吓佢之馬！）佢話唔係, 係送飛去敬老果隻, 仲係散塲要送禮物俾老人家, 等佢地咪鬼咁早走晒ｏ（其實唱得好唔好, 都冇乜關係啦！）

我諗, 既然D婆婆都係想要禮物, 咁你咁頭痕做乜？拋唔拋曲又有乜分別？做唔做手又會點呢？自已玩得開心就得啦！

佢話, 咁又唔關人事, 要挑戰自已吖馬！要過倒自已果關至得！（又係呢類癈話！）挑戰自已？不如墈頭埋牆吖, 隆隆聲, 咪仲好聽！正儍瓜！

人真係得閒無事揾事做, 安安樂樂玩吓都唔得, 挑戰呢樣, 又挑戰果樣, 一個唔該衰咗, 就情緒低落！費時又失事！嘥心機, 捱眼瞓！

都唔知為乜？

黄SIR就做乜都玩玩吓, 唔得咪唔得囉, 玩之馬！咁大壓力做乜！

認真荒謬也！