春天之下两條蟲（四）

有時見倒D蠢人, 真係冇佢修ｏ

有次黄SIR去痕身銀行入D人民幣入我溉人民幣戶口, 個女職員都好好人, 又好禮貌, 我問佢可以最多每次入幾多人民幣唔收手續費ｏ

佢話你如果先兌港紙就…….

我話唔係, 係直接將D人民幣入人民幣戶口ｏ

佢又話兌咗港紙再買人民幣就两万元…….

我諗边有人咁死蠢, 兌泥兌去, 咪攞泥𧵳水？呢位姐姐係咪以為黃SIR老懵咗？定話我講嘢唔清楚呢？吓？

我又話我係人民幣直接入, 唔駛先換港紙, 再換人民幣入！（死蠢！）

咁就五万人民幣都唔收費！（早響啦小姐！我就係想知, 駛唔駛俾手續費之馬, 正一春天之下两條蟲！）

可能我D語氣唔好！跟住條蟲, 每張人民幣同我慢慢CHECK, 結果有一張崩佐小小, 俾佢REJECT咗！吹到我漲！唉！虫都會咬人嫁！

又有一次銀行打電話俾我, 話寄咗信邀請我做白金咭會員, 我話冇需要了, 點知個女仔話, 你可唔可以俾個原因我呀？我當堂腎上腺素急昇, 很不客氣, 乜唔要都要俾理由咩？吓？

乜而家銀行養埋咁多春天之下两條蟲的人呀？