合晒合尺
2007/12/17 00:16:02
網誌分類:
音樂
據聞08年一月份, 逢周三, TVB有個講粵劇粵曲的節目, 叫做 合晒合尺!
對於一D不懂粵樂的人, 可能對此題目大惑不解, 就讓天下無敵的黄SIR講解一下o
第一個合字是適合的合字, 即啱晒咁解!
跟住的合尺, 應讀作河車, 是工尺譜上两個音階o用簡譜表示即 低音5(有一點在5之下的音階, 亦即5音的低八度o)唱名 傻 音o而尺即簡譜的2音, 唱音係 喱 音o
工尺譜是中樂記譜一偉大發明, 同簡譜, 五線譜有異曲同工之妙!
合晒合尺, 即啱晒音準, 完全適合咁話也!
末學過工尺譜的人, 見有人寫, 五尺合, 六尺合 就一定如丈八金剛,摸不著頭腦o有乜嘢係, 五尺又啱, 六尺又啱呢?黃SIR初頭以為係形容一個大棺材吧o一個大棺材, 五尺的矮仔又啱, 六尺的高佬又啱!點知完全唔係果回事也!
至於 合士上, 工尺上, 又係難明o點解只有上, 都冇落嘅?何事又上, 公車又上, 上去做乜?
唉!真係隔行如隔山也!
回應
(0)
我要發表