高盛睇好
油價繼續成為股市的指揮棒，美股上周四、周五在油價大彈下反彈，但好景未能持續，昨日油價回軟，美股再度腳軟。杜指跌208點，收報208點，收報15885點，差不多抹去了上周五的所有升幅; 標普500指數跌20點，收報1877點，而納指跌73點至4528點，跌幅都係1.6%。
有報導指伊朗的運油船上周開始啟航運油到南韓，而此前市場預期伊朗經濟解禁初期的原油產量每日37至38萬桶，伊朗方面昨日表示每日產量40萬桶，下個月更會加到50萬桶，令現時石油供過於求達到每日150萬桶的情況，更形惡劣。消息令到紐約期油跌超過5%至每桶30.39美元。能源股再度受到重擊，整體大跌超過4.5%！
對於伊朗石油重投市場對國際油價的影響，富國銀行（Wells Fargo）昨日出報告話，伊朗每天產油量50萬桶相對於全球每日的達到9400萬桶產量，其實影響唔大，所以油價不至於會有太大實質影響。
但前美國能源部長及新麥西哥州州長Bill Richardson唔同意呢個睇法，佢話沙特係世界最大石油出口國，所以沙特係油價的關鍵，如果沙特同意召開石油出口國組織（OPEC）緊急會議，決定減產，油價就有轉機，不過呢種情況唔可能出現，原因係油價已經變成地緣政治的其中一項武器，由於由遜尼派主政的沙特，憎恨什葉派控制下的伊朗，沙特當然唔想伊朗經濟有轉機，而石油收入係伊的經濟支柱，所以唔會俾油價回升住，沙特此前表明唔會減產，而且瘋狂泵油，除咗要挾死美國的頁岩油生產商之外，更要借低油價打擊伊朗經濟。
不過，Bill Richardson補充，要再過幾個星期，伊朗石油全面投產，進入市場以後，對油價的影響才會顯現。不過，佢預計，壞消息確定後，油價又會穩定落嚟，對股市有穩定作用。
在這樣複雜的經濟及政治形勢之下，市場對於石油的前景愈來愈悲觀，投資刊物《The Gartman Letter》創辦人Dennis Gartman昨日表示，佢預計紐約油價會跌至每桶22美元之後反彈，估計會在每桶37美元水平左右浮沉，佢認為在他有生之年，都唔會見到油價重上每桶44美元樓上(吓，有生之年咁大鑊?!)。
高盛此前預計油價有機會跌至每桶20美元水平，但佢對美股今年的前景，又未至於咁淡，高盛昨日表示維持今年標普500指數將會反彈，年底目標2100點的預期，換句話說，離現水平有大約11%的上升空間。
高盛首席美股策略師David Kostin發報告指出，美股下跌因為投資者怕現時接貨，好像接一把由高空跌落嚟的刀，好易損手；其次，正在收縮的美國製造業正拖累消費回軟；第三係油價的大跌，令到商業投資縮減；第四是中國經濟減慢觸發了全球性通縮；最後就後對股市繼續下跌的預期上升，投資者正在等股市再跌多些才入市。
David Kostin的結論係，對於認為美國經濟不會出現衰退的投資者，標普500指數現時已經跌得咁低，正係一個可以買入的好時機。至於那些擔心經濟衰退的投資，高盛的建議買入有良好資產負債表及內銷業績好的股份，即使在下行的經濟情況下，仍然可以相對地跑贏大市。 一直睇好美股的高盛，似乎未放棄好友的立場。
美銀美林的分析員則表示，在最近的12個月，資金流入債市創出高峰，顯示市場對美國經濟衰退預期升溫，但由股市流出的資令超過250億美元，亦表明投資者有這個擔心，但未去到恐慌的階段。
陸羽仁
//
统計局長啱啱講完話人民幣長遠並無貶值基礎, 轉個頭就比人拉左, 咁到佢之前講既野仲信唔信好?
//
唔信 is for sure...
Blood is for sure...
SIGH...
统計局長啱啱講完話人民幣長遠並無貶值基礎, 轉個頭就比人拉左, 咁佢之前講既野仲信唔信好?
用bebe的說法，其實18000點的恆指實際上是9000點的恆指，熊三完成，牛一來臨
回應小貓兄印鈔權和定價,好簡單老尾只係用ㄧ招我係大佬、军事经濟强濟强国我要印几多都冇人敢challenge ㄧ樣。For example,如你有ㄧ日在街撞李超人,佢同你講吾記得带銀包問你借ㄧ万蚊,他就当時俾你ㄧ万二仟元佳徍礼卷,你ㄧ定会借啦。ㄧ. 因為他是李超人,你实信佢. 二.佢俾你ㄧ万二仟元佳佳coupon. 覺得著數左,。但問題來了,原來佳佳超市發行的coupon 已过龍,实情資不抵債,ㄧ万二仟元的coupon 只可用得六仟元購物。
现在全世界都知他(老尾)係大老仟,信譽破產,所以有此國家都不收美元,寕願以物換物好过。
回復100%本金都得，狂牛上2萬3
攞命式供股
2016年01月27日
周初全球股市反彈，但跟住出現不良徵兆，油價又散散哋，向下急插。跟住果然美股杜指上日又隊番208點，港股跟住低開，好快跌咗三百幾點，下午內地股市急插，港股進一步滑落，收市略彈，都唔見咗479點。
大摩估恒指或見16500
內地彈後再跌，有小小無名腫毒感覺，滬深兩市大幅低開，午後跌勢轉急，滬指插逾6%，一舉跌破2015年8月股災2851點低位，創十三個月收市新低；深成指跌近7%，一萬點大關不保。上證指數收報2749點，大跌188點或6.4%；深成指數收報9483點，瀉708點或7%。阿爺為保匯價暫時唔降準，等如係唔郁手力托經濟，喺阿爺唔托或想托都無計下，股市抽晒筋，企唔定借啲意又大幅插低。
同A股急插6%比較，港股已算跌唔得多。恒指收報18860點，跌近2.5%；國指收報7897點，跌275點，幅度3.4%。A股影響下，安碩A50中國(2823)
勁挫5.7%。外資大行摩根士丹利認為，港元拆息喺聯匯下被扯高，通常都會推低股市，估計今年恒指有機會跌至16500點，仲調低咗地產股目標價17%。
個市本質弱，內地終於穿咗去年低位，早已穿底的港股，又睇係會否再穿上周低位啦。
喺浪比浪低的跌市中，仲有大股東提出攞命式供股。錦興集團(275)
股份昨日大幅下插，收市報3.8仙，急挫58％，皆因公司宣佈又合又供，新股折讓大之餘集資比例超高，令小股東供又死、唔供又死。
錦興宣佈動用22億元購入廣州物業，同時宣佈每10股合併為1股，之後按每一股合併股份供8股，供股價0.25元，涉發行44.95億股供股股份，以籌集約11.237億元。所得款項之淨額約為11億元，將用於收購物業。
在未宣佈業績前，錦興股價約為8仙，10合1後等如8角，根據建議持有8角股份要供2元股份，正式妹仔大過主人婆，咁重負擔，小股東一聽自然手軟腳軟，走都走唔切啦。
睇番過去錦興派息時有時無，供股就不時發生，09年公司曾1供3，兩年後再來1供8，去年1供6，當時供股價16仙。經過去年第三季開始的跌浪，股價跌破供股價再插低，到呢個星期差不多跌咗一半，公司喺呢個時候再供股，小股東係咪暈得一陣陣先？
弱肉強食 細股難博
睇番錦興表面真係大超值，未跌之前市值唔夠5億，形同殼股，跌完之後得番唔夠2億元，但佢每股資產淨值有成1.16元，市價只係資產值零頭。喺咁狀況下，管理層係咪應該為了買物業大量發行股票呢？相信好多小股東都有保留。
可惜，公司唔係由小股東話事，供股計劃大股東一樣有權投票，所以小股東只有兩個選擇，一係照跟，一係棄權任人攤薄，喺現金是王的動盪市況中，大股東出呢招，對莫財小股東認真攞命，就算係有銀小股東，見佢咁玩法，都真係進退維谷，被人玩殘。只係可以講，股市係英雄地，弱肉強食，呢間公司低價供股唔係第一次，落得疊者應該預咗先好上擂台。
喺𠵱家呢的市況，上市公司大股東各師各法。過去好多公司都係向下炒，炒到你無力跟，佢集哂先來一招絕地反攻，大幅炒上兼有時仲會派高息。不過，大股東向下炒好似睇通骰盅同你玩大細，佢可以數晒飛先開車，一日未齊飛佢都仲可以唔郁，所以買三、四線股係高風險的高難度動作，若然普通股民只係想買股增值，都係搵番啲可以收息兼搏走埋上落的大股穩陣好多。
陸羽仁
2016-01-26
Dow Jones Industrial Average (^DJI)
16,167.23
282.01(1.78%) 4:33PM EST
小貓兄，你形容印鈔權同生產力嘅關係，形容得好清楚合理
提到張五常三點，高天佑亦認為不可行
不過既然教授都係寸口之人，gone emeritus 啦
教主，唔怕講，袋鼠今個月都over-trade咗。
bebe，美國亦會死得好慘。 而家做定防風措施最緊要
袋鼠兄:
張五常的三招,其實好多人都認同,但~認同唔代表可行。
因為這三招解決到眼前的經濟問題,但會衍生更嚴重的管治問題,
單就容忍貪污一項,香港人都唔會支持。長遠對管治也有危害。
取消勞動法,係可以增加中國生產的競爭力,但就陷入資本主剝削工資的處境。雖然長遠可能可以增加工人收入(好似香港咁),但短期就無法讓工人分享經濟成長的果實了。這將嚴重影響人民的支持度和幸福感(雖然可能只是暫時),形成管治困難。
(不過香港人可能支持,因為內地人民窮,就唔會來港自由行)
延遲入SDR,這關乎到整個中國國際化的戰略佈局,一得一失未必化算。
治理國家不是只有經濟一個層面的。
特效藥唔代表無副作用。(更唔代表副作用唔會比之前更壞)
這又不怪張五常的,因為佢只是經濟學家,忽略整體考慮也是合理的。
--------------
BEBE889:
有觀點,咪將POINT講出來啦~
陸SIR呢度的氣氛是彼此尊重,雖然有時會挖苦一下對方(對唔住啦教主猊下~
),
師兄姐批評中央,好多都只係對事(就算係對人,都唔代表我地要學架嘛,有道理就講道理)
但您咁樣語氣(發晦氣),就算有POINT(14億人難管嘛)都好難得到別人認同波~
阿爺救市論盡因缺乏經驗,內鬼太多,但吾好忙記中國成14憶人口喎,真係咁易管治,你地成日踩大陸,盲反大陸,咁有冇好計吖?不如你D黃色人士來做啦。
依家兄:
印鈔權和定價權唔係自己封架,係要有實力同實際生產力,市場才會認可,印出來的鈔票才會流通。
若美國無法持續輸出服務和產品,她的這兩個權就早已消失,天下無免費的午餐,無可能唔駛生產都能獲得財富。
雖然有些地區有先天的資源優勢,令生產力提升,如:土地肥沃,有容易開採的天然資源(石油等等),歷史和政治體制原因(如香港過去作中國對外貿易的唯一窗口)。當地人民可以獲得相對高的回報,唔係唔駛做。新生代真係唔駛做,係因為有上一代的遺產而已。
當這些優勢得不到延續,就會逐漸衰落,就像今天的香港,相對的財富遺產正在消耗一樣。
講多句,隊美股空間肯定大过隊港股,但凡事有可能,我都吾敢担保。
旣然大家咁有興趣索羅斯追撀人仔的猜察,我不妨提供我本人的ㄧ些分析,可能性有兩方面:
1)以索85高䶖还揾條命去博?就算係都是為自己名留青史居多;
2)又可能佢呢招出哂口街追沽人仔,其实声東撃西,想隊林美股為实o
講住咁多,長篇大論冇用旣,睇下实際情、
況啦,人仔點解吾貶得或者吾貶得咁快,因為入左sDR嘛,阿爺保市埸信心大於ㄧ切。
实
实
,
1
在下有興趣知统計局長點樣貪污………
假如我是大鱷4：慢落珠...
SIGH...
又玩邊科？
下午發言傍晚被拉 國統局局長涉違紀受查 2016年01月26日 (07:02 PM)
假如數目字可靠，中國居民嘅配資先至係主要問題。
高盛料內地自去年中以來走資4.3萬億 2016年01月26日 (11:36 AM)
高盛估計，內地自2015年中以來，錄得5,500億美元（約42,900億港元）資本外流，當中有六成源自中國居民進行海外資產配置，另有三成是用於償還外債，餘下一成則是外資投資的換匯需求。
副教主:
已寫在黑板上!
教主，今個月做咗幾多個trade？
今回希望183牛取得已損失的20%本金我都知足了，教主最後一戰...
依家兄，正常已經可以告條女阻差辦工，只不過警察通常重視警民關係，忍啖氣，在市民心目中得到支持，信任度高啲，社會之間好多嘢，大家都易做好多。
有負責任嘅警察會好啲。實際方案，有關人等若果不理當場明確警告，進行高風險活動，雖然文明社會必以救人為先，不過因為講明危險，唔可以話係意外，事後要寄返張賬單俾受救者，減輕納稅人負擔。
陸sir今晚唔講大鱷, 講登山阿姐
其實果個阿姐同李波差唔多, 李波唔經入境處用自己方法返大陸, 阿姐一樣可以唔經個警察自己兜路上山, 警察(扮)見唔到都唔關警察事, 不過作為負責任既人, 個阿姐應該去律師樓簽張生死狀, 講到明出左事既話, 係佢個人意願, 唔好浪費警力救佢即可解決問題, 其實佢上山出事警察救佢唔到都冇犯法, 等於依家警察查唔到李波一樣, 開左file唔一定破到案嫁嘛, 開左file已經係做左野啦
討論區即吹水區,俾D自以為財經达人齋吹。
香港已經淪為ㄧ個只懂批判,係吾係都弾的本土化的小城市。真係樣樣比你睇通睇透,就你去打大惡La。好好笑,本來想講多D都费事教精你。
依家兄，其實你唔係講相反意見，而係大家講唔同嘢。袋鼠係講緊正常經濟活動，而你講嘅定價權，係點樣去揾人老襯嘅博奕。當然，現實揾人老襯嘅事情，與生產活動並存，所以好多時都兩樣嘢撈埋一齊講。
George兄,
在下認為如果恆指要大插五千至一萬點, 必然有大鱷狙擊,而大鱷狙擊可能有兩個scenarios,
1/大鱷同政府鬥到底, 一直勁沽目標係搏政府失守, 直到沽爆人民幣或者沖破聯匯搵大錢, 咁既話恒指有權跌穿一萬點
2/ 大鱷玩突擊, 沽你兩三個星期, 最多個零兩個月, 搏政府手忙腳亂反應慢出錯招救錯市, 死多幾錢重, 然後係政府未回軚之前食糊平倉走人, 鳴金收兵, 咁樣可能跌五千至八千點
在下暫時覺得真係有大鱷狙擊既可能性最多都係40%, 就算有, 應該都係(2)既機會比較高, 尤其係阿爺陣營入面成日有內鬼, 見識過上年蝦碌救市就知, 要短暫沽贏阿爺其實係相當有可能
袋鼠兄,
在下記得師兄講過, 錢要流到實體經濟先有用, 否則都係冇意思, 所以想做大做強必須搞好實體經濟, 即係要有服務同產品制造出黎, 用到睇到先有用
在下其實持相反意見, 在下認為所謂經濟發展其係鏡花水月, 國家經濟強定弱其實係睇印鈔權(印完要找到數先算), 同對商品既定價權, 有呢兩種權, 就可以輕易取得世界上既資源同服務, 例如中東有油價定價權, 國民用油唔洗錢, 生活水平自然高
而要取得印鈔權同定價權, 儲多d外匯同戰略商品儲備/控制供應就係最好辦法, 所謂搞發展, 振興出口, 搞旅遊, 吸引外來投資, 打仗搶石油....其實全部都係去支持呢兩種權既方法而已, 只要掌握呢兩大權, 其實唔需要搞咩實體經濟, 全國市民日日訓覺不事生產, 國家可以一樣富有
美國因為美元係全世界貨幣既錨, 玩放水收水玩到出神入化, 而中國有放冇收, 但係匯率不變, 所以之前幾年有幻覺覺得中國好有錢, 其實係印大左人仔然後係當美金既價值咁黎洗, 所以印鈔權依家受到挑戰, 解決方法, 其實係學當年朱總現宏觀調控, 慳洗慳用十年, 儲埋一大舊外匯同商品再發展過
夜期見底了...
SIGH...
依家兄，你提及的景象很有可能發生，油價大上大落，唔係好兆頭。其實，我心中一直有問號，今年真的會插到萬三嗎？我怕就怕政府好做唔做，干預市場，但又唔拖唔水，反彈完先係一七年萬三見。
依家兄，以下係直覺估，寫個比較樣辦故仔
中美兩者經濟活動活躍程度對資金需求有關。直到一、兩年前左右，中國經濟活動都比美國蓬勃，美國話就話復甦，好睇唔好食sluggish。
當時銀紙大家都係印咗，但中國經濟實體係用得到，美國印得嚟就只係金融體系滾，再加上息差，無息美元便成為carry trade貨幣，湧入中國時自然出現人民升值壓力。
匯價係相對，此消彼長
而家個反向情況，唔使多講。
George fisher兄,
在下覺得最後油價會升返(信巴非特)
在下提過一個真。完美風暴, 眼前呢鑊爆左都唔係問題, 係亞洲爆完呢鑊之後, 2017歐洲經濟開始復甦,停QE, 2018油價大反彈上返7,80蚊, 歐美因為油價反彈而通漲, 2018歐洲開始第一次加息, 美國就踩油狂加息
到時唔需要有大鱷, 香港都會學獸人所講2018 more blood please
今日爆忙, 依家先有時間上水
袋鼠兄, 美元量寛果陣梗係有跌啦, 當年出外洗港紙既人最清楚, 記得在下當年都有係度問, 人印佢又印, 點解人人印錢都貶值, 淨係人民幣印錢會升值? 呢個問題依家都未解釋到
二打六兄,
歡迎歸隊, 所謂人民幣套利交易咪即係d廠做人民幣對沖合約沖過龍, 其實近排人民幣匯率同港匯波動, 有可能只係呢班“用家”係度拆倉, 如果係咁, 可能未必有人狙擊緊人民幣同港幣, 當然亦唔排除有小鱷睇到大勢走黎搭順風車, 同呢度主張低買高賣炒上落係同一個道理
果篇英文報導寫到咁中立, 轉晒口風, 可能上次台灣單野爆得太勁, 總編比人捉左去照肺, 大家可以觀察下佢之後既文章係咪轉左口風
其實當初28000望緊25000入市，現在18xxx真係差不多
油價其實升又死，跌又死，升的話，小心通脹升溫，美國被迫加快加息。跌的話，又可能預視衰退在眼前。
壞消息處處，大陸就黎支爆
各方各面，全面性出現制度問題
呢個係咪入市時候
夜期見底了...
SIGH...
夜期爆升
小貓，兩隻都係黑天鵝，你遇上邊一隻就睇福份。
袋鼠週末去鴨仔池餵飽啲鴨，同池幾隻黑天鵝都餵飽埋，但係仲未見佢哋痾屎。
小貓兄，唉… 唔知張五常算唔算睇衰內地、睇唔起別人、又害怕被超越…
張五常3招難救中國經濟 信報財經新聞 – 11時前
本來袋鼠同意高天佑解話，總結張五常提及中國制度上問題，十分實際。
*張五常80歲高齡中山大學開講：2016中國經濟怎麽看
只不過追查原文時，見張五常堅持薩伊定律 (say's law)有道理，想揀起打經濟學派之間嘅 turf war (老實講，一講宏觀經濟，就永遠都擺脫唔到凱恩斯嘅陰魂)真係gone emeritus，袋鼠唔係幾想轉載*那篇文。
正常人睇高天佑那一篇就夠。
另一篇唔肯定是否第一身作品 (张五常：取缔现有劳动法中国经济才有可为)，不過已經留言，留作參考。袋鼠直覺睇呢篇所謂解釋 (既然內文講到好理論化，那麼佢唔去peer-review就無謂去嘥時間睇)，係捉緊字虱 (尤其是講injection-leakage model時)。
我們要拆這個局. 已知推動大市回落的, 有三頭馬車. 油價, 美元加息, 人民幣貶值預期. 美元如何, 很能反映老美的立場, 即是說強如索老, 都要睇耶女講話呢.
小貓︰
對，升上36000是正常99%的白天鵝，跌落9000點是1%的黑天鵝，所以我99%是正股加牛，1%是現金也。
小貓有一個假設性問題,想問下各位師兄姐:
若黑天鵝的定意是以下三項:
一、不可預測性：過去的歷史經驗讓人無法相信其出現的可能。
二、巨大的衝擊：它發生後會對我們的生活產生極大的衝擊，即意料之外但雞毛蒜皮的事可以不理。
三、事後諸葛：一旦發生後，世人會試圖找出解釋，以滿足我們以為日後可以預測類似事件的妄想。
-----
那麼,其實以現在全世界都睇淡的情況下(除了教主猊下),
恒指現價跌一半至9000點黑天鵝些呢?
還是恒指現價升一倍到36000點黑天鵝些呢?
前者是熊三,後者是牛三,兩個都很極端,兩個都唔係無跟據,完全無可能架~
跌一半的黑天鵝,原因陸sir及各位都講左好多,唔詳述了。
升一倍,只要美國突然減息兼QE4,中國養老金入市加上炒人民幣入SDR升值,美俄傾惦數,沙特又比面減產,全球可以突然來一次餓狗搶肉式的大升市都唔定~當然啦~現況呢D好消息一個都未有。
但如果現在指數升一倍,我覺得比跌一半更令人意外囉,而且有咁多淡友同等買平貨的資金而言,突然來一個牛三,對佢地既衝擊,絕對係好大好大囉~
教主，吹水唔使動真銀 (標明吹水就得)… 我哋有時over-trade咗，輸錢多。
小貓愛情觀 ,roy ,
You are right. Thanks.
對人瘋狂，背人痛苦，已放的-50%熊無放的話，現在有賺了....sigh, 退隱...
教主，你發光發亮，點會唔清醒
食完飯, 返公司開會, 收到大陸同事email叫我睇價錢, 一睇……………嘩
乜唔係話匯市冇事股市就冇事嫁咩？唔係話海外沽家沽唔到國內嫁咩？
在下擔心既係 : 裡應外合
Did you guys understand thoroughly what i said?
I agreed with some of you opinion that it is an economic cycle no one can stop it if it will happen eventully, but I wish the economic slum will come slowly to lower the impact on the world.
阿爺跌到翻艇
bebe889兄:
其實又唔駛咁對港人睇衰內地發展咁大反應既。
呢種睇唔起別人,又害怕被超越,希望別人衰,以保持本身的優越感和優勢,係人性的本質之一。(加上內地無論生活水準或建制都確實仍然和香港有相當的距離。)
要改變這種想法,必須要經過幾代人,舊的一代死去,新的一代才會以更接近現實的眼光去判斷。
我是一個愛國嘅小股民，相信BEBE都是出自愛國之心而唔想有關情況出現，當然我都唔想，但我同意BLOGMATE之意見，中國之財經專家如同小學生，真係有排學~如熔斷機制，根本不應出爐，事後才話中國股市以散戶為主(好似事前唔知)而不可為。呢啲咪攪笑兼露底囉。
另外，喺呢到有一種情況，好多平時唔出現嘅BOLGMATE都出現時，股市通常都到咗危險或大跌將現時候。希望今次唔係，而中國又有高人協助喇。
小貓︰
如果我係咁準，陸SIR實私訊邀請我出山，結果當然無