美的享受

有時黃SIR練歌, 練舞, 寫BLOG, 都會覺得, 有唔知為乜之感！但諗深一層, 作此等無聊之事的深層意義, 就是一種對美的追求ｏ

練歌就是追求声音之美, 能唱出天籟之音, 繞樑三日, 娛已娛人之幸事也！就算自已唔唱歌, 聽歌都一樣係欣賞声音之美！君不見唱歌,去卡拉OK玩的人,為數實在𣎴少也ｏ如非享受ｏ边有咁多人玩呢？

而唱得好, 自然會出SHOW表演, 穿上體面的服裝, 女士化上濃裝（平日根本無此機會, 有得飲都冇咁誇張！）能夠有條件, 美上一美, 乃人生一大快事也, 所以黃SIR很多師妹都樂此不疲！

跳舞亦然, 追求肢體動作之美, 苦練之餘, 可到舞池飛吓飛吓, 又係非常快活之事！試想想, 如無身材樣貌, 又點可以有美的感受呢？（至小自己充滿自信, 翩翩起舞！也自得其樂也！）ｏ而能夠同派拿合拍地跳上一舞ｏ誠一樂事也ｏ

人總希望別人欣賞自己, 讚美是生活愉快的泉源, 寫BLOG吹吓水, 也是將文采美, 思想美, 献於人前的享受！希望有人認同ｏ所以冇錢都有咁多人做也！

追求美的享受, 聲色的享受, 肢體形態美的享受, 就是生活上主要快樂的泉源也！

明冇？