試看中國煤業..

　　一直以黎，小弟都好少理會中國煤股，但最近有興趣看中國神華（１０８８），此公司主要在中國從事煤炭生產及銷售、發電及售電和提供運輸服務。（抄的）即係一條龍服務，神華係０５年上市招股價９．２５，現價４６．２５，最高更見５５元。

　　神華今年爆升原因主因在國內煤同電需求出現爆炸性既上升，與電不同，電費冇得加，但煤價有得加，而且中國要每一行業都出現一間世界性企業，神華自然成為中國煤業既代表，全球煤蘊藏量中國排第三，站在美國俄羅斯之後，神華係中國煤礦排行第一，但礦產質素好似係中煤較好，不過在國內致力將咩野都一體化後，細小既煤礦都將被瓜分，對大型煤業公司有一定幫助，而且據報道，神華係澳洲等地收購煤礦獲得成功，令收益有大既增加；另外亦同時不乏炒作原因Ａ計劃，令公司獲得大量集資，令公司更見龐大，再加進軍成為藍籌，果然係神級表現。

若以４６．２５既現價，簡直係貴到無倫，就連瑞信竟然話神華值１００蚊及後講７０蚊，雖然中國大方向一定向好，但股價走了一倍有多，究竟佢真係值４６蚊定係大戶要佢４６蚊？

優勢：
國內煤業大多兼併
神華海外擴展成功
神華一條龍式股務已開始成大勢
神華業務多元化
市場亦憧憬來年煤價仲有得升

缺點
入場成本昂貴，有風險

作為繼石油後既次要能源，寧選石油股也不想買煤股。