只是當時已惘然

錦瑟無端五十絃, 忽絃忽柱思華年ｏ

莊生曉夢迷蝴蝶, 望帝春心托杜鵑ｏ

滄海月明珠有淚, 籃田日暖玉生烟ｏ

此情可待成追憶, 只是當時已惘然ｏ

近日頗喜聽新馬的曲, 因剛剛揾了幾隻新馬唱的曲, 一來想試試唱吓新馬的腔口, 二來聽聽伶王的唱腔, 也實屬賞心樂事, 三來更想在曲藝上, 能更上一層樓！

新馬仔D歌, 我地真係由細細個已識唱, 一曲怨恨母 er 后….到共妹你雙雙呢….就對對咯！真係唱到街知巷聞！

至於年年義唱, 歡樂滿東华, …..边個好心啦！挽救吓呢個盲人！福心夠善心, 救苦又救貧……真係百聽都不厭也！

現在再聽新馬, 更覺難能可貴ｏ佢把声真係要幾高有幾高, 又清又响又有感情！到而家都冇一個老倌可及！

攻擊佢D人（亦是不欣賞佢D人）話佢成鬼日強加D孭仔字, 令粵曲低俗ｏ此乃見人見智, 我就只覺佢唱來自然, 奔放, 很有感情！最緊要係好聽嘛！

而更加重要者, 乃令我想起童年聽和唱粵曲的快樂！