上周城市論壇

上周城市論壇請來了林瑞麟, 譚惠珠, 譚耀宗, 田北俊, 楊森, 吴靄儀ｏ談談新新的政改話題ｏ

在節目中大家可見到各政黨的盤算ｏ

楊森關心的是民主黨人可否参選特首, 要求人人有被選權！（其實上回已有梁家傑入了場, 還會退步到打走所有泛民選特首之政制？到事之處, 明眼人一眼都看穿啦！到時至反啦！有黄SIR幫你睇住, 唔駛咁驚！）

而另一泛民吴靄儀睇出佢無心聽人講（包括佢自己友楊森！要楊森打手勢叫佢咪插咀！）佢怒啤譚惠珠, 迫田北俊表態, 一下子就看出私心極重, 而心胸又窄, 怒喝譚惠珠咪教訓佢！剩看如此心態就明點解亞爺同佢地冇計傾！剩係想人聽你, 你又唔聽人, 點叫互諒互讓, 求同存異呀？

而家係定了日子, 大家都要做D實事的時候, 要心平氣和, 以理服人！未傾你就燒定車呔, 擺定不合作態度, 怒啤對手, 迫人表態, 全屬霸道又乞人憎所為！

似乎下次揾余若薇出席, 似乎畫面會好睇D！吳靄儀真係唔得！露晒小女人小心眼！

楊森事後宣佈退選下次立法局選舉！咁就搶番D分！（不過見過佢在立法局拍抬指罵唐司長！咁無禮！下次我都唔選佢了！）

反而田北俊卻表現不錯, 似係有思想, 講道理之人！

譚耀宗, 譚惠珠, 一貫左仔形象, 幾有道理都死, 冇人會鍾意佢地ｏ（左派揾D形象好小小出泥講得唔得ｏ曾憲梓要佢收口啦！黃宜弘又係！曾珏城成班左仔都唔得！）

林瑞麟八字眉, 舞台奸角相, 又係乞人憎相格！

哈哈！呢台戲都幾好睇！