中資銀行股已跌殘！

　　小弟一向都係中資銀行股既愛好者，今日講既非持有既工行同中行，因此兩股已經有貨，加注與否不理會，但今日先提建行，小弟剛剛坐巴士回家，在車上聽到有人買左工行，同佢同車既人就問佢點解唔買建行？會好炒ｄ。

　　無錯，中國建設銀行巨得黎又具質素，的確係中資銀行股既首選，而我亦曾考慮購入建行，但建行曾多次成炒作目標，ａ股概念已經足足俾人舞得好高，但如果已現價６元已達初步既水位！因早前我認為建行０８最低位只係５．５－５．８，當然只係參考，但若去到這個位係必買，據我有返大陸既朋友講，內地見得最多既係建行同埋建行質素好，勿論真假，但以建行現時價錢，大家可留意，我認為佢會再有機會下跌，但再下跌見５．８開始要留意。

　　同時中國銀行同工商銀行亦就快見底(今日工行於5.07有無形之手掃上)，但如相比之下，建行可能更吸引，未係時候，但可留意，我認為宏調對中資銀行股有，但影響係市場過份炒作！

　　現時我深信國內資金仍然好熾熱，但中央政府既措施好狠，反而令我認為０８往後更樂觀，對早前既估計有變，而我自己認為港股直通車會係０８下半年推出，相信奧運後，國內資金要繼續搵出路，港股直通車更加有機會推出。

　　今日坐巴士望到ＯＫ便利店，對於一個服務漸廣既便利店，係乜都貴既情況下會否令人需求增加？能否令主力美國生意既利豐有大幫助？（ＯＫ為利和傾銷旗下，而利和傾銷係利豐旗下），了解下利豐先，因小弟曾係入面做苦力！

更新 原來今日建行最低價係5.89.....弊.....做野做到傻左..走寶