行返轉頭
亞洲及歐洲股市反彈，但美股臨收市甩轆，由升轉跌，連續第五日向下。不過跌幅唔大。三大指數都係微跌0.2%，杜指跌35點，收17640點；標普500指數跌4點，收2072點；納指跌9點至4835點。
聯儲局昨日結束兩日的議息會議，決定維持利息0.25至0.5厘不變。聯儲局不會在6月加息，市場已經預咗，投資者比較關心的是聯儲局往後的加息動向，據與會的官員的表態，雖然大部份官員認為今年預計會加息兩次，但當中也有6名官員預期只會加息1次，所以，睇嚟聯儲局今年最多只會加息兩次，態度明顯比之前話會加息3至4次「鴿」好多。
Wunderlich Securities的首席市場策略師Art Hogan認為聯儲局一副行返轉頭的姿態，估計今年將會好似2015年咁，加一次息就完啦。聯儲局主席耶倫在昨日的記者會後表示，除了5月的非農就業數字只有3.8萬人，令人大失預算以外，英國脫歐公投在今次是否決定加息的其中一個因素。睇美股表現，聯儲局態度雖然顯得較為鴿派，但股市不升反跌，反映投資者對英國脫歐的關注，更大於聯儲局的加息態度。畢竟，市場對聯儲局加息的態度大致上已經有底，英國脫歐的影響卻係未知之數，自然對後者謹慎好多。
股市對今次的議息結果無乜反應，債市、美元及金市則受到聯儲局加息預期大降的衝擊。美國2年期國債收益率急跌0.67%至0.6696厘的2月中以來最低，而10年期國債收益率亦跌穿1.6厘至1.5754厘。反映美元兌6隻主要貨幣匯價的美元指數則由朝早的95.04一度下滑至94.36。金價亦繼續向每安士1300美元進發，收市報1295.3美元，係去年1月中以來最高。
我覺得隨著聯儲局加息的陰影開始淡化，市場目光將會轉往英國脫歐公投以及油價的走勢。英國脫歐公投將於6月23日舉行，呢段時間，大市估計仍會有一番波動，向下走的勢頭比較大。至於油價，紐約7月期油上周三上過每桶51.6美元之後，就開始腳軟，昨日收47.43美元，一個星期跌咗超過8%，期內市場對油價下滑無好大反應，估計係受到聯儲局議息同英國脫歐問題分散咗注意而已。市析普遍估計，紐約油價唔企穩上50美元，油價呢隻怨鬼，至唔會攪攪震。
陸羽仁
都無力既...
今早開市挾淡倉 ^+++^
GOOD MORNING! EVERYBODY!
入返啲貨先～
買金沽鎊, 昨晚鎊反彈, 可能都係打個和喎
比特币又入咗疯炒mode. 2年前做咗12xx(美金）高位后最低去到1xx,𠲖加又上到7xx. 陆Sir同各位师兄点睇？
脫歐鈎象腳
2016年06月17日
美國順應市場情緒唔加息，主席耶倫仲出來唱吓白鴿之歌。喺好消息下，港股卻失重下墜，幾乎插穿兩萬點。
聯儲局昨日結束兩日議息後，維持利率不變。市場最注目係與會官員中，大部份官員認為今年預計會加息兩次，但當中有6名官員預期只會加息一次，換言之與原先美國今年加息3至4次的猜測變得愈來愈遠。
博留歐未必要買匯控
美國唔敢加息，內地仲開始出現放水預期，花旗中國區首席經濟學家劉利剛預期，人行將於6月、7月下調存款準備金率一次，全年累計降準三次，至於會否減息須視乎通脹情況，若通脹降至2%，今年第三或第四季有機會減息，估計全年減息一至兩次。
全球息口疲軟，但華爾街反應唔係咁興奮，杜指由升轉跌，收市唔見咗36點，香港一開就插，而且沽壓全日無減。
星期三摩根士丹利宣佈A股暫時不獲納入新興市場指數，內地股市反其道而升，甚有無形之手見壞消息撐住個市的味道。昨日美國唔加息，輪到好消息兌現，但於是凌空飛起嘅股份紛紛下墜，無形之手似乎見局面稍穩，於是縮一縮。
星期初，陸羽仁講過全球債息超低嘅隱憂，呢種境況已經係超前反映美國加息無力，就算聯儲局官員出嚟嘅言論鴿味濃，市場都無好感。不過，由於息口短期無得加，市場嘅拋售力量相信唔會好大，個市會唔會繼續插，跟住就睇英國脫歐公投結果點。
本來，市場普遍預期英國留歐機會大，𠵱家脫歐聲勢比預期強，市場情緒又開始有啲緊張，匯控(005)
股價昨日再插，逼近一年低位45.05元水平。瑞穗證券亞洲首席經濟學家沈建光形容，市場普遍對英國脫歐欠缺準備，萬一「脫歐」，將成為今年最大的黑天鵝事件，屆時人民幣匯價都會面臨很大貶值壓力。他認為，英國「脫歐」是不理性的，在經濟上對英國及歐盟都不利，相信脫歐機會不大。
脫歐賭大細，未揭盅就鈎到大笨象腳軟，連日來匯控股價由50元插落嚟，昨日收跌2%，收報46.4元。有中環茶友心思思想撈底，佢條數喺𠵱家插落嚟，如果英國唔脫歐，股價上番去就執4元，如果脫歐股價再插4元，就去到42元，屆時市盈率8.5倍，歷史息率9.5厘，照計有得守吓啩，佢估計留歐機會率大啲，所以想等位落注。陸羽仁就話，買股有業務風險，若然淨係想賭佢脫歐留歐，買英鎊都得啦，又何必走去買股，因為跨國銀行股始終面對不利嘅經營環境，無論脫歐留歐都一樣喎。
銀行教路買金沽鎊
恒指曾跌穿20000關，收報20038點，重挫429點或2.1%；國企指數收報8409點，下滑199點或2.32%；紅籌指數收報3446點，下跌79點或2.27%，成交金額628億元。除咗匯控，科網巨股騰訊控股(700)
都跌得唔輕，收市下挫2.4%，收報168.8元。
上海迪士尼開幕，呢次股市就攞景多過贈興，相關概念股不升反跌，5月載客量升5.6%的東方航空(670)
，股價挫4.8%造3.99元；錦江酒店(2006) 
都急跌4.8%造2.77元。
最好嘅板塊係金礦股，金價連升6日，重返1300美元關口，一眾金礦股逆市造好。招金(1818)
再創近期高位，抽升7.8%造7.96元；紫金(2899) 
炒高9%造2.5元；靈寶黃金(3330) 
飆7.4%造1.59元；中國黃金國際(2099) 
升4.9%造14.26元；SPDR金ETF(2840) 
升2.05%造970元。金價升得咁緊要，據講係因為好多銀行無嘢炒，於是叫啲客炒吓金，進取啲嘅仲買金沽鎊賭一鋪，於是谷到黃金起咗煙。
陸羽仁
2016-06-16
Dow Jones Industrial Average (^DJI)
17,733.10
92.93(0.53%) 4:35PM EDT
講起脫歐，早5年前，當時法國賤男總統，在歐盟峰會碰面時，當卡梅倫無到嘅一幕？因為英國當時在歐債危機時唔肯一致行動，只為倫敦金融業攞著數。
Fog in Cameron. Britain cut off from Europe Monday 12 December 2011
卡梅倫自己洗手，用公投推隻鑊俾選民，但係歐盟大國也許都一早預咗英國有脫歐嘅一日。
PS 而家個英國MP被謀殺，真係唔知個公投會點發展… 股匯市亦可能係揾個死人做藉口反彈
已經準備好明天入貨了
依家兄，有無係你嘅留言，袋鼠有睇漏咗？
Sun Hung Kai Properties offering loans worth 120pc of flat value to boost sales of Yuen Long project
除了樓市之外，其實亦係反映緊香港各龍頭行業，壟斷情況有幾咁嚴重。
如果英國公投結果脫歐，湯文亮有無打算再在福臨門擺豪門宴？
依家控股 2016/06/16 09:53:54 網友在此的回應
袋鼠國即將舉行大選，所以傳媒對民意調查及選舉結果關係有分析。澳洲行強制投票，無合理理由唔去投票要罰錢，所以接受過民意調查嘅選民，雖然唔排除到當日會改變主意，但係基本上被訪者嘅同一類人都會去投票，最接近選舉日嘅民調多數會反映在選舉結果上。
另外見過一個分析，指英國無強制投票，而脫歐者多為老一輩對大英帝國有印象，而留歐則多是環球化年青一代；西方國家年青一代對政治冷感，投票率通常較年長一輩低；所以就算公投結果最終係留歐，袋鼠相信比數十分接近50/50。
剛剛有個英國議員被行刺，又為公投增添變數。
解决爆泡后遗症，最佳方法是吹起更大泡沫。
--->亚洲四小龙冒起与金融风暴(94-97)
--->美国科网股(99-00)
--->美国楼市(04-07)
--->全球主要国家行负利率政策(11-17?)
越吹越大，后果no eye see!
Coming soon...
SIGH...
陸sir話發展商好急出貨
在下數下手指, 發現大發展商得會記同新地比較落力散貨, 最強者四叔同超人仲係淡淡定, 人急佢唔急, 通常超人賣樓都捕捉到最佳時機, 港樓後市都係要睇埋超人點出招先知
唔覺唔覺索老好似已經變左財演……
明天會開始入返啲正股，因為我而家吉倉。
小貓兄：long put 邊個月先？
咁您地有無買LONG PUT呀?
真係跌10000點的話~都可以賺幾倍
//
索老唔插番一萬幾千點, 想唔認老都唔得喇!
//
索老無撚用...
叫佢收皮啦...
SIGH...
將軍,
索老唔插番一萬幾千點, 想唔認老都唔得喇!
政府公布通脹掛鈎債券認購及配發結果
＊＊＊＊＊＊＊＊＊＊＊＊＊＊＊＊＊
政府今日（六月十六日）公布在政府債券計劃下零售部分第六批通脹掛鈎債券（即iBond）的認購及配發結果。
根據配售銀行及香港中央結算有限公司（香港結算公司）所提供的認購資料，截至二零一六年六月八日下午二時認購期結束為止，政府共收到507,978份有效申請，申請的債券本金總額達22,526,150,000港元。
有效申請的分項數字如下：
有效申請 有效申請
的總數 的總額（港元）
配售銀行 379,229 18,423,000,000
香港結算公司 128,749 4,103,150,000
（包括經證券經紀
提出的認購申請）
總數 507,978 22,526,150,000
通脹掛鈎債券的最終發行額為100億港元。政府按照二零一六年五月十九日的發行通函中所載的機制配發債券。全部有效申請均可獲配發債券，最多可獲三手。166,617份認購兩手或以下債券的申請，均將獲全數配發所申請的債券。餘下的341,361份申請（即認購兩手以上者），均將先獲發兩手債券，並進行抽籤，其中7,211份申請將獲配發多一手債券。
通脹掛鈎債券將於二零一六年六月二十日發行，於二零一六年六月二十一日在香港聯合交易所上市。配售銀行及香港結算公司將根據發行通函中所列出的時間表，個別通知申請人配發的結果、適用的認購款項，以及申請款項中任何退款的金額。
完
２０１６年６月１６日（星期四）
香港時間１６時１５分
小貓兄: 差了個零, 是跌多一萬點--->10676
我確實希望個市跌多1000點啵~
貓主席大人: 以索老之名, 如是當年, 大市今日應跌1500點, 人老了, 無用了....
今晚睇下入咩貨好先～
講4、5000點橫行無乜意思，衝上插落死n次都唔夠
2千姐!
衝上插落死n次都唔夠
今日暫時最低 19,999.19....大戶勁
講4、5000點橫行無乜意思，衝上插落死n次都唔夠 x 3
子龍, 好明顯, 索老 才是沽空之王!
原來唔係唔插, 係遲一日先插, 真係好難捉摸…
索老打開口牌話插, 好明顯是又為名, 又為利, 又為戰. 這就是天生的魔獸. 唔簡單.....
閒人,
今次行太快! 無入!
講4、5000點橫行無乜意思，衝上插落死n次都唔夠
x2
呢隻新品種…
似橫屍牛多Ｄ 
講4、5000點橫行無乜意思，衝上插落死n次都唔夠
前主席，持
定 
定 
呀?
閒人,
新品種既橫行牛
前主席，// 整體 個市不是跌, 應該橫行! //是
俾打橫抬出嗎？
睇定啲先，啲股又開始進入射程了～
睇少索老的, 睇少大叔的, 必定苦果自尋. 10676不遠矣....
閒人, 整體 個市不是跌, 應該橫行!
溫馨提示:
滾滾長江東逝水,浪花淘盡內銀~
隨著除淨效應,短期不反彈的話,會陸續出死叉啦~
～大家太過獎了～ ^_^
MSCI真正意思：「Must Stop China In」，「Must Short China Indefinitely」
叮噹....插4舊.
TC主席勁呀
TC大師既工夫, 實在令人佩服
有老友最近憂心忡忡，大家都知道是什麼事，老友在近十年唔睇好香港，不斷出售在港的物業，所得資金轉移投資英國，現在英國脫歐升溫，民意調查比留在歐盟的人還要多，而英國人知道，一旦脫歐成功，英鎊將會下跌，英國物業貶值，老友有咁多物業在英國，遭受雙重損失，不過，又有什麼辦法，除了憂心之外，還是憂心。
我同老友講，實在毋需憂心，在公投時，投票支持脫歐的人不會超過四成，條數好易計，現在執政黨的選民絕大多數不會支持脫歐，而在野黨支持脫歐的人可能會超過一半，結果都是留在歐盟內，現在民調顯示支持脫歐的人多於反對的人，只不過是一種政治姿態，到正式投票，形勢就會逆轉，老友實在不需要憂心，憂心都沒有用，倒不如享受人生，得閒請我食多幾次飯，何需憂心。
今次脫歐公投，我相信是政客利用本土主義狂熱挑起事端，而本土主義，基本上在每一個國家都存在，視乎有沒有人挑起，英國在野政客，為求政治本錢，無端起事，如果今日脫歐，他日見歐盟成功，是否又再申請加入，其實，歐洲幾個大國如德國，法國，義大利，英國等根本不可能話脫歐，瓦解就可以，其他小國如希臘等話脫歐，目的為求可以多借，或者攞多一些福利，所以，那些大國政客如果提出脫歐，根本是不負責任行為，在其他歐盟國家領袖眼中，連做政客的資格也沒有。
我老友聽到我這樣說，立刻化愁為喜，仲話要請食飯，老友唔知道，我的強項就是別人鍾意聽什麼，我就講什麼，不過今次不是，我認定英國脫歐不成功，而且支持率不會超過四成。