陸羽仁
陸羽仁
陸羽仁

36%機率

2016/06/15 09:09:11 網誌分類: 經濟
15 Jun

歐洲股市受到英國可能脫歐的威脅,跌跌不休,其中德國DAX指數再跌1.4%,法國CAC指數及英國富時100指數齊跌超過2%。三大指數最近三個交易日唔見咗約6%,都咪話唔金。

美國昨日出爐的5月經濟數字雖然唔錯,5NFIB中小企業樂觀程度指數93.8,高過預期同上月的93.65月零售銷售月率0.5%亦好過預測,而核心零售銷售3627億美元,亦比上月增長2.2%。另外,美國4月份的零售、批發銷售以及製造業銷售均有增長。但受到外圍拖累,美股連續第四日下跌,不過跌幅仍算輕微,杜指跌58點,收17674點,跌幅0.3%

股票恐懼指標VIX指數繼續攀升,意味著投資者對聯儲局昨日開始議息以及英國脫歐公投的前景,仍然感到焦慮。到目前為止,英國多個民調顯示支持脫歐的民意稍稍領先反對脫歐者,最後定局如何,要到623日公投以後,至有分曉。

儘管有分析人士認為,脫歐的破壞力將巨大且深遠,但大摩又唔係咁悲觀,大摩分析師卻預計,英國退歐最多「破壞」市場6個月,歐股將因此出現15%的跌幅。

Jacob Nell為首的大摩分析團隊,羅列了英國脫歐和留歐對各類資產可能帶來的影響之後,推算英國脫歐的概率將在30%的左右。歐股的影響可能最為激烈,英國留在歐元區將推動歐股上漲5%,退出則會引發15%的重挫。外匯方面,彭博此前援引經濟學家指出,公投之後的一天,英鎊要麼跌至30年新低,要麼漲至年內新高。大摩分析團隊則認為,若脫釣鈎英鎊對美元將跌7.8%,歐元對美元則跌11.5%。然而,大摩認為即便英國留歐,上述的貨幣受益的空間也相對有限,分別為-0.4%0.2%。這顯然和市場一些主流看法相距甚遠。(我認為英國若留歐成功,英鎊會顯著反彈。)

金融時報副主編Philip Stephens上周表示,若英國退歐成功,蘇格蘭的民族分離主義將會抬頭,倫敦可能也將要求更大的自治權。即係話,若公投結果是英國退歐,英國的政治分化將會加劇。

英國脫歐與否,成為未來兩個星期全球最大的賭局。雖然英國的民調顯示,脫歐派支持率已領先 510個百份點 ,但博彩市場態度卻完全不同,仍相信英國應會維持歐盟成員國地位,從買脫歐的賠率顯示,英國脫歐機率僅有 36% 。為何民調與賭盤呈現兩個極端?

CNBC分析,這可能與英國民眾投票行為有關,在投票前的前景不確定時期,部分民眾順著感覺表態,可能略為偏好英國脫歐,但實際到公投日,選叫開始變得現實,就有可能投下續留歐盟的票。

我就話英國政府有意讓脫歐的風險擴大,鼓動反脫歐但不積極投票的選民出來。民調機構 YouGov 的前總裁 Peter Kellner 指出,若各種脫歐的經濟風險持續佔據媒體版面,最後民眾公投通過續留歐盟的機率仍較高;而過去公投也顯示民眾投票時傾向維持現狀。

留歐派在距公投的最後 10 日,必定持續讓焦點留在經濟議題上。歐盟理事會主席圖斯克 話,若英國脫離歐盟,未來若欲重新加入,將面臨長達 7 年的協商談判期,更無法保證協商是否能順利完成。即係叫英國人自己醒定啲,若脫歐後英國衰咗,唔係咁易加入番歐盟。

在民調和賭盤走勢背馳下,我信賭盤多啲,即係英國留歐機會較大,但即使以賭盤計,脫歐機率只有36%,都係唔低的數字,投資就要承受呢36%萬脫歐的風險。

另外,美股近日最大的新聞,莫過於微軟上日宣佈以每股196美元現金全面收購LinkedIn,交易涉資262億美元。消息一出後,LinkedIn股價上日狂漲47%至每股192.84美元,昨日靠穩,只係微跌0.3%,微軟則連跌兩日,上日跌3.2%,昨日再跌0.6%49.83美元。

 

陸羽仁

回應 (33)
我要發表
2016/06/16 09:10:39 回覆

早晨陸SIR:

 

看日圓現在的升勢, 7月前是否很難穿7?

2016/06/16 08:09:19 回覆

以high consequence 角度睇,將之同Brexit或美國人選癲佬做總統比較,A股入摩與否好難叫話係黑天鵝噢。

吹水估吓有無美國或歐洲銀行,因為能源、礦產債務 (而家商品價格係彈咗,但唔代表佢哋仲可以債冚債),骨排性執笠仲似黑天鵝 - 尤其是呢啲大眾無注意地方,到時晨大戶就會整到通街知。

animal666
animal666 2016/06/16 06:26:45 回覆

黑天鵝唔易捉
2016年06月16日

  A股入摩昨早揭盅,結果買大開細,雖然內地臨尾繼續發力,增加境外合資格投資者(QFII)額度畀美資,但MSCI指數公開依然唔肯開綠燈,將A股納入新興市場指數。由於A股入摩機會事前開始降溫,結果港股低開之後好快回穩,午市仲倒升,頗有大戶鬥法的味道。

  摩根士丹利資本國際(MSCI)昨日為A股入摩揭盅,表示中國當局為滿足國際投資者需求,A股市場的准入制度進行一系列顯著改善,國際投資者對相關改革表示肯定,但仍然未足以將A股納入新興市場指數。中證監新聞發言人鄧舸就反擊,納入與否是MSCI明晟公司的商業決定,但強調中國已是全球第二大經濟體,A股市場的國際影響力正在逐步提升,任何沒有中國A股的國際指數都是不完整的。

  由阿爺咁悻悻然嚟睇,唔排除內地早有心理準備,所以消息公佈,就見到內地股市帶頭回升,上證指數全日仲漲咗1.6%,報2887點;深證成指漲夠2.8%,報10173點。

  阿爺截索羅斯胡

  旗下管理大量資產的道富環球投資管理公司,佢嘅亞洲(除日本外)投資組合策略部主管Mark Valadao,A股納入MSCI新興市場指數是必然發展,這只是時間的問題。一旦A股獲全面納入MSCI指數後,中國在新興市場指數的權重,將相當於美國在已發展市場指數的權重。由於六月入摩無望,喺個市日日要搵炒作理由下,市場焦點相信會轉向深港通的啟動時間。如果由內地股市策動嘅夾淡倉係阿爺嘅部署,咁唔排除夾完一輪後個市又會變番自由浮動,咁個市喺仲有不明朗因素下唔排除會軟番。

  呢次入摩失敗嘅震盪,遠比估計為低,最大原因係之前個市炒佢成功嘅熱浪唔係咁強,上周開始個市已回軟,今個星期五仲提前插低五百點,唔排除有大戶睇到勢色唔對,已經開始食胡,如果沽空博佢入摩失敗者,到揭盅時已經被人截咗胡。有中環茶友話,A股入摩失敗唔知算唔算未能預見嘅黑天鵝事件。如果算嘅話,咁昨日大市不跌反升,就話咗畀我哋聽,𠵱家要捉黑天鵝真係唔容易。

  喺入摩揭盅前,新加坡嘅A50期指成交大增,索羅斯打開口牌話落重注沽空博內地「撻Q」,陸羽仁喺網誌已經講,佢唔會咁憨居公然就落注,咁做得有可能係收到料。不過,索羅斯收到料,可能阿爺都收到料,於是就係壞消息當手拉番個市上去,等索羅斯狙擊黑天鵝嘅計劃落空。有趣嘅係,當大鱷想沽空中國做世界之際,渣打集團(2888) 股價及相關新聞 行政總裁溫拓思上場後首度評論中國,撰文強調很多人擔心中國經濟增長放緩,以及中國能否把控艱難的經濟轉型。一些中國去年出台的政策也令市場感到恐慌,儘管存在很多實實在在的風險,但佢就認為這些風險是可控的,中國的政策制定者也很了解這些風險,所以現在不是沽空中國的時候。

  中國增儲利有色金屬股

  溫拓思仲話,自己在與中國政府官員對話時,他指察覺到他們身上新出現一種謙遜感,並願意承認過去犯下的錯誤,比如在去年股市泡沫中的錯誤舉動,以及人民幣貶值的溝通不力。佢嘅意見係,今年中國政府在政策溝通上更加清晰,雖會有顛簸,但是他們下定決心要實現成功轉型,睇嚟喺有人造淡之餘,都有啲人仍然想同內地做多啲生意喎。

  借於A股倒升,港股尾市一度升166點,恒指收報20467點,升79點;國企指數收報8609點,漲26點,周二被德銀升目標價的重磅股騰訊(700) 股價及相關新聞 力撐大市造好,重上170元關,推動恒指56點升幅,收漲2.8%造173元,為升幅最大藍籌,可見資金力拓大股的效果。由於成交只有585億元,動力唔係咁足,所以雖然暫時避過一劫,對後市似乎唔可以過份樂觀。

  中國有色網報道,國務院發文要求嚴控有色金屬新增產能、加快退出過剩產能,同時,還要健全儲備體系,包括完善政府儲備與商業儲備相結合的儲備機制,適當增加部份有色金屬儲備;探索開展企業商業儲備試點,鼓勵金融機構研究支持商業收儲。按照呢個消息,對於內地嘅有色金屬股應該會有利好。

  陸羽仁

 

 

2016/06/16 04:20:50 回覆

2016-06-15

Dow Jones Industrial Average (^DJI) 

17,640.17  Down 34.65(0.20%) 4:18PM EDT

Prev Close:17,674.82
Open:17,703.65
Day's Range:17,629.01 - 17,762.96
52wk Range:15,370.30 - 18,188.80

 

Dow Jones Industrial Average (^DJI)

2016/06/16 03:05:18 回覆

依家兄, 你所講的股市狀況, 正正是我今周一想的問題, 所以, 係大鱷吃散戶, 而散戶又未夠多的情況下, 真係好難大跌 or 大升, 除中國經濟搞掂, 轉型成功, 甘就好有機會一飛衝天, 因為點計d估值, 都係好抵(前台詞係中國經濟唔爆), 相反, 如果爆, 甘間間公司一齊攬炒, 盈利向下修正, 甘大戶應該都會好順手甘向下修正個價掛?

樓既問題, 真係好猶豫, 因為去年年中, 小弟賣左自住樓, 一家四口暫租, 其實, 如果單位有 350實用, 我買得起, 都會入市, 但無奈入息 + 賣樓所得都仲係差少少, 唯有等啦, 希望今年, 或者明年可以買到將軍澳d樓 (大女讀將軍澳小學, 細既讀完 K1都會跟住家姐條路, 所以才選將軍澳, 唔係既話, 元朗供應多d, 平d, 都會選擇)

湯博士, 祥益汪生都話今年係置好機會...唉...十五十六

2016/06/15 23:19:13 回覆

橋唔怕舊... {#icons_dog5}

https://hk.news.yahoo.com/%E7%BE%8E%E5%B0%91%E5%A5%B3%E9%8C%AF%E6%84%9B-%E8%82%A1%E7%A5%9E-%E7%B4%AF%E5%85%A8%E5%AE%B6%E8%A2%AB%E9%A8%99360%E8%90%AC-221116695.html

animal666
animal666 2016/06/15 20:21:49 回覆

又靜又悶... x2

SIGH...

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                        (圖片來源:AP)

 

 

 

 

 

2016/06/15 19:48:10 回覆

Hello! Everybody!  {#icons_dog5}

2016/06/15 19:15:04 回覆

去左支持 金兄 新書發佈會~

2016/06/15 18:57:51 回覆

下一鋪唔知賭乜? 賭SDR?

2016/06/15 18:27:05 回覆

去年黨大大生日比大惡偷襲成功跌左,太失威了。今年黨大大幾大都唔比佢班友成功啦 {#icons_cat9}

2016/06/15 18:17:12 回覆

而家MSCI入面已經有H股,同埋美國上市的大陸股票,仲有印度,巴西,韓國等國家的股票。

如果MSCI話納入A股,唔代表MSCI要買晒A股的股票,所以MSCI買左1398,就唔使再買601398的工行。

所以之前有論點話MSCI納入A股會令到基金經理買貴貨是完全站不住腳。

如果MSCI納入A股的話,好大機會會買上海機場,茅台等股票。

 

 

 

 

 

2016/06/15 17:58:06 回覆

之前d人賭:

入摩失敗會大跌

入摩成功也會大跌--好消息出貨

下周英國公投前大跌

下周英國公投結果脫歐大跌

美國經濟太好,加息,會大跌

美國經濟唔好,盈利下降,同樣大跌

國債爆又大跌

油價下降又大跌

RMB貶值又大跌

中國企業資金鏈斷又大跌

波浪理論A股應該大跌---到1800點

天滅中共,唔駛理由都可以大跌

中美互相唔順超又大跌

中日玩撞船又大跌

中台吵架又大跌

再唔跌,金仔出招玩野都可以整跌個市~

就算無任何理由,都可以話美股走勢會大跌,

索老爺都打晒開口牌,賭個市跌跌跌~唔想死的人都走清光了~

 

2016/06/15 17:35:55 回覆

又靜又悶...

2016/06/15 16:45:52 回覆

之前d人賭入摩失敗會大跌

咁依家真係入摩失敗, 不過就冇大跌, 咁班賭徒點算?

2016/06/15 13:54:38 回覆

陸蛇~~

假如英鎊顯著反彈, 是否對匯控有直接正面影響 {#iconb_61}

2016/06/15 13:53:45 回覆

逃生門即將關上?!

2016/06/15 13:52:58 回覆

謝謝 二打六 兄 解說~

2016/06/15 12:44:17 回覆

似乎很多BLOG 友不太懂 MSCI 這個party, 簡單介紹一下, 有錯請指正

H股工行市值 HKD$358b, 賣5% 股票得hk$18b

A股工行市值 RMB$1,561b. ;賣 5% 股票=78.05x1.2=hk$93.66b

即係一納入, 追蹤指數既基金係焗買5倍錢.

有人話國外好多基金已經買左A股. 如果計2823 這類, 其實呢d係衍生工具, 並無真係買A股. 真係買A股主要睇QFII 同 RQFII: QFII 總額USD1500億, 五月底數字用左USD810億; 此為美金計價. RQFII 五月底數字, RMB5017億=760億美金. 

二個QFII 加埋=USD1,570億.

以追蹤MSCI 的基金總額3.7萬億美元計, 5%入A股=USD1,850億. 即係咁多年加埋既成果一下子double up. 雖然唔係全部MSCI index 都同中國a股有關, 冇double up 咁多, 但意義同銀碼都已經非常大.

最後, 陸sir 早二日寫 "雖然阿爺特別整劑QFII加碼款待美國佬,盡顯入摩誠意"。這個加碼係RQFII, 用人仔結算. 如果美國佬肯用,  代表又賣到股票, 又賣到人民幣. 馬後炮講, 如果呢個加碼冇個 R 係前便, MSCI 可能就入左了.  美國佬也不是傻的. 

2016/06/15 12:40:02 回覆

淘金兄,

問題係中港股市只可以炒資金流, 難贏, 假設贏面等兩成, 唔賭就輸少少, 賭就八成輸鑊勁, 咁不如唔好賭

買樓保值其實都係限制供應去浪價而已, 政府成日話海量供應, 其實今年上半年新樓推盤仲少過上年同期, 何來大量供應? 在下估今會新盤推盤量都係同上年差唔多, 萬五個左右, 雖然經濟唔好裁員減薪吉鋪執粒會削弱購買力, 但係供應仍然係少過被削弱左既購買力, 除非下半年股市再爆災, 否則樓市都係會頂住, 股市就細波幅上落, 散戶唔炒股, 股市深度大減, 大戶想食散戶既水位都少左好多, 股市波幅都減低

animal666
animal666 2016/06/15 11:29:35 回覆
2016/06/15 11:23:19 回覆

animal666
animal666 2016/06/15 10:52:28 回覆

//

馬雲:假貨質素比真貨好...

//

I partially agree for particular products at particular moment...

But you need to choose wisely...

Also need to accept no post-sales service liability etc...

SIGH...

 

 

 

 

 

 

animal666
animal666 2016/06/15 10:49:57 回覆

頂唔住了...

SIGH...

 

 

 

 

 

 

 

 

2016/06/15 10:39:32 回覆

MSCI一早已經將中資股例如騰訊,中移動,中國海外,建行,中行等納入MSCI指數。

這次MSCI只是不把A股上市股份納入指數而已。

其實A股中也有非常多優質的公司,國外有好多基金一早已經買了好多A股上市的公司。

 

2016/06/15 10:32:24 回覆

今日 V 彈~

animal666
animal666 2016/06/15 09:56:49 回覆
2016/06/15 09:36:06 回覆

盧sir,謝謝回應。其實同意你講宣傳及教育係十分重要配套;另外,直接針對消費品包裝源頭,及有更多分類回收,或者更有效率(但要對市場干預深淺程度,有排講)。

假如有相關垃圾袋收費立法,而啲人因為反對而直接針對該法律去積極違法,才是乎合公民抗命嘅定義。諗番起某些香港嘅大學法律系副教授啲癈話(抗議就係抗議,啲癈話阻擾咗討論要爭取嘅主要議題,當時浪費好多時間在守法、衝擊法治制度爭議),所以半開玩笑地講到『公民抗命』。唔係特別想撩起港人之痛,只係將即時聯想到就寫出來。

幪面馬仔
幪面馬仔 2016/06/15 09:29:08 回覆

早呀~

 

2016/06/15 09:24:37 回覆

早呀~

2016/06/15 09:21:15 回覆
換「細口仔」垃圾桶零配套

2016年06月14日 (08:16 PM)

 KFC
KFC 2016/06/15 09:14:00 回覆

Good morning.

user

最新回應

soho*
soho* 2023/07/21

20/7/2023 外交部:反對日方排海計劃有理有據
<匯港通訊> 因福島核污染水排海問題,中國強化限制日本食品進口,日本政府表示食品的安全性有科學保障,計劃向中方呼籲要求盡快取消進口限制。

外交部發言人毛寧回應時表示,中國政府秉持以人民為中心的施政理念,必須對人民的健康和海洋環境負責,反對日方的排海計劃有理有據,採取有關措施有理有據。

對於日本政府利用北約峰會、東亞合作系列外長會、東加勒比漁業部長會議等場合,為福島核污染水排海計劃辯解,並釋放不會推遲今夏啟動排海的訊號。

毛寧強調,如果核污染水是安全,就沒有必要排海,如果不安全,就更不應該排海。中方敦促日方正視國際社會和國內民眾的合理關切,停止強推排海計劃,以真誠態度同鄰國充分協商,切實以負責任方式處置核污染水,並接受國際監督。(WL)

soho*
soho* 2023/06/10

有美國撐腰的日本官員卑鄙無恥下流賤格自私, 將核災難輸出全球, 害人精將會受到詛咒

https://youtu.be/zBNGawiSC1o

soho*
soho* 2023/06/10

日本執意傾倒核水

日本福島核廢水排放入海的方案進一步推進,最快7月傾倒入海,在國際間引起極大關注。

日本政府一再強調計劃安全,惟說法無可否認極具爭議性,多國都強烈質疑,在安全疑慮完全釋除前,日方堅持推動計劃無疑非常自私。

本港作為日本農產品最重要市場之一,在此敏感時期,港府作出了周詳果斷的應對,加強日本食品檢測同時,亦已預備好禁制高風險水產,保障食品安全。

若信核廢水安全 日本何不自用?

日本政府在國內外強烈反對聲下,繼續核污水傾倒設施的工程,排放隧道基本竣工,東京電力公司本周開始在隧道注水,按照日方說法,現在距離正式排放只差最後一步,只待國際原子能機構(IAEA)的報告,料廢水最快今年7月排放落海。

事態發展引起區內國家強烈反應,中國駐日本大使館發言人指,將核污水向海洋一排了之不負責任,按國際法和《聯合國海洋法公約》等規定,日方有義務與可能受影響的國家充分協商;馬來西亞、南韓、俄羅斯以及多個太平洋島國也表達憂慮。

日方一再強調倒核廢水入海安全,但按日媒報道,東電5月份在核電站附近海域作檢測,發現有海魚的放射性元素銫含量,超標180倍,日本民眾也強烈反對排放計劃。

環境局長謝展寰曾向日本當局和日本駐港領事表達極度關注,直指日方若對核廢水安全有信心,應在本國尋求作灌溉等用途。

如今日本選擇將廢水排入海,而非注入當地的湖泊、河川,顯然也明白箇中風險,核廢水一旦進入自然環境,後患無窮,而且覆水難收。日方忽視這些合理疑慮,在國際社會未有共識下一意孤行推進計劃,做法非常自私。

香港雖然只有700多萬人口,卻是日本漁農業第二大出口市場,去年出口香港的農林水產品總值2,086億日圓(約117億港元),僅次於中國的2,783億日圓(約156億港元)。

隨著日本排放核廢水計劃推進,料愈來愈多國家或地區作出類似入口限制警告,日本將要承受自私行動的後果。

(轉貼9/6/2023經濟日報)

{#iconb_227}

大戶終結者 ( 等人齊 )

現在係頭條網註冊會去咗下載星島頭條 app。