平衡風險遊戲

2016/06/14 09:36:14 網誌分類: 經濟

14 Jun

全球股市昨日無情情又搞出個小災，當中以亞洲股市死得最慘，日本股市勁跌3.5%，內地A股跌3.3%，港股跌2.5%，南韓亦跌1.9%，跌浪傳到歐洲，德國及法國股市繼上周五下跌超過2%以後，昨日再挫近2%。外圍唔得，美股亦唔掂，不過跌勢已經減緩，杜指跌133點，收17732點，跌幅0.7%。

昨日的跌市只有兩字解釋：「恐懼」，其中之一是英國可能脫歐之風險。你睇股票恐懼指標VIX指數昨日抽高23%至20.97，係2月25日以來最高，而且係連續第六日上升，就可見一斑。

投資對後市的恐懼來自幾個不確定因素，最大的當然係6月23日英國舉行的「脫歐」公投，上周五有幾個民意調查都顯示英國人贊成英國脫離歐盟的人數都略為多過反對的，英國《衛報》的最新民意調查，贊成留歐是47%，脫歐是53%，脫歐暫時領先5個百分點。雖然全民投票最後有好大變數，但呢種數字都足夠令市場驚慌。

BBH的分析部門主管March Chandler昨日就表示，若英國離開歐盟，將對全球資本市場造成巨大衝擊。由於公投在下周四舉行，不確定因素未清除，環球股市呢段期間仍會反覆受壓。

第二個不確定因素係美國聯儲局及日本央行都會於今個星期召開議息會議。市場已經認為美國聯儲局6月加息的機會微乎其微，但一日未揭盅，仍然唔敢貿然行動。此時此刻的全球投資者對股市腳軟軟，一向被視為比較安全的日元，自然視為資金避險港，日元本來已經承受強大的升值壓力，昨日又傳出日本央行可能會今次會議上延遲減息，會等到秋季推出財政刺激計劃時才一併推行。

OANDA Asia Pacific的資深外幣交易員Stephen Innes指出，日本央行此舉將推升日元匯價。事實上，消息令到日元兌美日由上周五的107.05日元跌一路升上昨日中午的105.75日元。日元急飆就拖累到日股急跌，連整個亞洲股市都拖冧埋。

昨日講債王格羅斯話債價係500年以來最高，賭債價要跌，債息要回升，我話散戶如果信佢，手上有領展呢類公用收息股應該要沽，而且風險無債王咁大。網友睇完話唔明點解債王有風險，散戶無風險，我可以再解解。

首先係如今債價大升、債息大跌，係避險心理作祟。大戶的行為通常係和市場逆反，例如股價升到好高時，大戶就會出貨，所以才有「大戶出貨，越沽越高」之說，因為佢地貨量大，不和市場情緒相反行事，好難出貨，以沽貨為例，就要在市場好睇好時沽貨。

除了要搵人接貨的考慮，在大戶眼中，市場是週期性的，走一個方向太盡，就會回頭，所以在市場充斥著一種情緒時，和他對著幹，等呢種情緒平伏，大市轉向，大戶就會贏錢。例如如今市場太恐慌，債價升到顛，債王就賭到市場平靜下來後，債價就會大跌。

呢種手法的風險是出現黑天鵝，個市不但不是朝大戶預計的方向回頭，而是照去，而且不是去少少，而是出現黑天鵝，再去好多，咁大戶就會輸大錢。

到呢個時候，就要睇大戶有無財力守，例如債王賭債價跌，到底佢係大手沽出佢持有的債券，還是以衍生工具沽空債券?若是沽出現貨債券，債價再升，他作為基金經理，組合表現會跑輸大市。若然佢係用衍生工具狂沽，咁就唔止跑輸大市，係可能會輸鑊甘，呢啲情況佢地可能會定止蝕，根本唔會死守。

散戶如果只是沽出手上的收息公用股，風險有限，以領展為例，昨收51.05元，歷史高位是去年2月的53.65元，今次係唔係去到去年高位成疑。萬一出現黑天鵝，英國脫歐，我估領展上穿高位，去到55、56元都幾盡，唔好忘記領展一年低位40.5元，上完高位，未來一年見番40.5元的機會亦唔細，所沽一沽有值博率。

散戶買賣股，就係一個衡量風險的遊戲。

陸羽仁

回應 (35)

我要發表

陸羽仁 2016/06/15 09:11:47 回覆

大笨袋鼠:

我一直都唔贊成寓禁於徵的方法，因為會加重低下層的負擔。不過講公民抗命，又唔易成功。

另外即使政府不回購，垃圾袋都應該有二手價，有二手市場。

KFC 2016/06/15 08:15:34 回覆

【入摩夢碎】MSCI暫不納入A股列三大障礙

2016/06/15 07:48:06 回覆

盧sir，香港市民（尤其是無話支持垃圾收費那四成）可以將專用垃圾袋回購收錢，繼續自發性使用自備垃圾袋，完全針對相關法律去履行『公民抗命』。 ${#iconb_272}$

換「細口仔」垃圾桶零配套

animal666 2016/06/15 06:13:35 回覆

新官發火渣打腳軟
2016年06月15日

　　英國脫歐公投玩玩吓玩到真嘅一樣，英國《衛報》最新民意調查，贊成留歐是47%，脫歐是53%，脫歐暫時領先6個百分點，當然令人見到都腳軟。有人話最近歐國盃開鑼，若然過程有甚麼閃失，觸動英國人神經，咁脫歐就會弄假成真，金融市場亦會隨住呢啲消息波動。

　　英國首相卡梅倫鍾意玩公投，繼蘇格蘭獨立公投後，脫歐又係另一鉅製，因為公投一鋪賭勝，就可以令對家在自己呢期任內收口。臨近月尾投票時間，脫歐呼聲響起，唔知呢個係唔係卡梅倫的哀兵策略，打其告急牌嘞。

　　日本財務大臣麻生太郎對日圓再次上漲發出警告，指出英國下周舉行脫歐公投可能對全球金融市場有影響，日本政府會對留意公投進展。如果外匯市場投機風氣仍旺盛，日本政府將作出回應，有意拋售日圓干預。德國財政部官員就對媒體預告，如果英國下周公投決定退出歐盟，市場將面臨大幅波動，德國會有對策，幾個工業國講到煞有介事，甚有幫口製造大叫「狼來了」的味道，亦令市場氣氛緊張起來。本來，市場已經估計美國喺公投前唔會加息，𠵱家脫歐威脅講到好似殺到埋身，令6月份美國聯儲局加息機會跌到好低。

　　撞着脫歐掩蓋聲浪

　　英國係咪留喺歐洲，對喺當地做生意嘅公司都有重大影響。有人估計一旦脫歐，英鎊會插穿10港元，有大行估匯控(005) 盈利會受影響，加上鎊匯貶值，會令大笨象減少三分之一派息，喺呢個風險下，英國業務比重較高的匯控、渣打(2888) 股價都受壓，匯控昨日跌1.4%，渣打跌2.6%。

　　不過，有退休銀行家同陸羽仁講，匯控同渣打雖然都喺脫歐陰影下受壓，但大家要留意渣打嘅情況，因為佢下跌可能唔止同大環境有關，同時涉及新行政總裁的言論。早兩日，外電引述做咗渣打行政總裁無耐的溫拓思話，留意到有員工為謀取個人利益，藐視公司守則，部份員工亦未有完成合規培訓，佢對呢啲情況十分失望及憤怒。

　　溫拓思在向員工發出的內部通告中，嚴斥不良分子將自己「凌駕法律之上」，重申該集團對此「零容忍」，仲話已革除違規人士職務。退休銀行家話，呢個表態反映佢同前朝割蓆，而且會陸續有清洗行動，所以短期會繼續有震盪，咁啱新官發火呢個消息流出，同脫歐民調差不多時間出籠，聲浪有多少被掩蓋，細心睇渣打股價係比匯控跌得多好多。到咗昨日匯控曾經反彈，渣打則全日捱沽，回調2.6%，收報55.2元，可見公司管治情況引起的憂慮，仲未完全過去。

　　壹傳媒網業盈利倒退

　　內地A股會否納入MSCI指數即將揭盅，新鴻基金融財富管理策略師溫傑估計，A股雖然未滿足所有條件，但過去台灣及南韓都有相似經驗，所以MSCI納入A股的機會逾60%。喺入摩前夕加埋脫歐公投陰影，大市交投續低，恒指收報20387點，下跌125點；國企指數收報8583點，下滑36點；成交金額532億元。

　　全球經濟不明朗，但無礙科網公司連橫合縱的大動作，微軟宣佈以262億美元收購企業社交媒體LinkedIn，作價比之前facebook收購WhatsApp更高。LinkedIn被視為商界的facebook，𠵱家有4.3億人用佢，用呢個數推論，即係每個用家大約值60美元，大家都話LinkedIn賣價估值超高，但睇番每個客的60美元作價又唔算高喎，問題係嫁入微軟之家後，有何方法在客戶身上搵番呢筆投資。

　　跨國網絡公司值錢，不過競爭亦好激烈同殘酷，好似近年大力開拓網媒嘅壹傳媒(282) ，傳統生意固然蝕錢，剛公佈嘅全年業績，互聯網廣告收入、互聯網訂閱、內容供應及開發手機遊戲及應用程式收入則只升1.8%至6.59億元，該業務盈利為3516萬元，亦跌6%。公司解釋係新遊戲遲咗推出，但同時令人擔心佢嘅網媒生意喺跨國巨企力逼下，增長是否接近飽和。

　　陸羽仁

2016/06/15 06:10:55 回覆

2016-06-14

Dow Jones Industrial Average (^DJI)

17,674.82 57.66(0.33%) 4:51PM EDT

Prev Close:	17,732.48
Open:	17,710.77

Day's Range:	17,595.79 - 17,733.92
52wk Range:	15,370.30 - 18,188.80

2016/06/15 00:02:30 回覆

呢句真係精彩：「富了馬雲一人，窮了億萬國人。」

溫州80後小老闆：沒有生意可做了

一个85后温州人感觉现在没什么生意能做了

2016/06/14 23:35:23 回覆

依家兄,

在下覺得, 這種市弊在你唔入場, 都會輸, 輸通漲, 入又有機會輸, 唔入又有機會輸, 所以都好難怪有甘多人買樓保值....

2016/06/14 23:28:30 回覆

晚安～

2016/06/14 23:19:15 回覆

GOOD NIGHT! EVERYBODY! ${#icons_dog5}$

2016/06/14 22:56:16 回覆

夜期😍😍😍

2016/06/14 22:30:17 回覆

依家個市....真係好難講....

牌面應該係世界末日~

但呢次世界末日真係太多人預期了,除了有實力死揸的人外,個個都睇淡或離場~

勸大家都係對沖好,兩手準備,無必要去參與呢場生死賭命~

錢係賺唔晒既~賺少D唔怕~

animal666 2016/06/14 20:53:39 回覆

股平樓貴難永續(大結局)...

Coming soon...

SIGH...

2016/06/14 20:44:58 回覆

我又唔係甘睇...我覺得, 再大跌向下空間有限, 當然人人都講破2萬, 見19500, 見18200時, 我反而覺得, 未必會見呢d位, 尤其是, 深港通當中, 有很多是創科股在深圳上市, 我覺得會好似美國納指係甘上 (前提係中國做好知識產權保護), 不過, 大市又未睇到大利好的因素, 所以, 我估, 殺完呢浸急插之後, 都會一直牛皮得好緊要, 其中一個重要參考指標, 就係港交所 set 期指按金, 恆指大期只係 65000左右每張, 對比去年大升大跌的日子, 去到10萬左右, 差成一截, 所以...在下有理由相信, 呢個所謂的脫歐壞消息, 深港通好消息, 美國加唔加息, A股入唔入魔, 通通都唔係甘大影響, 好有可能, 就係甘 20100底, 21000頂...係甘走來走去...

animal666 2016/06/14 19:51:10 回覆

馬仔: 因為昨晚大叔捉左去吹水, 傾通宵, 無覺好訓..... ${#icons_dog5}$

襟兄弟盡訴心中情???

SIGH...