大戶行為
英國最新的民調顯示,有55%英國人贊成英國脫歐,人數創了一年以來最高,意味著英國脫離歐盟有能可能成為現實。
市場憂慮英國脫歐將會造成全球金融動蕩,英磅匯價率先作出反應,兌美元連跌4日,由1.44美元跌至1.4254美元。歐洲股市上周五亦顯著回落,其中德國DAX指數跌2.5%;法國CAC指數跌2.2%;英國富時100指數亦跌1.9%。
美國股市也受到拖累,杜指跌120點,收報17865點,標普500指數跌19點至2096點。總結美股上個星期表現,三大指數個別發展,但變化不大,杜指微升0.3%,標普500指數微跌0.2%;納指跌1%。
全球市場目前最關注的,莫過於英國6月23日舉行是否脫離歐盟的公投。市場對英國脫歐的後果眾說紛紜。「末日博士」麥嘉華認為長遠而言脫歐對英國係好事,因為可以脫離這個非常官僚的歐盟組織,但短期而言,英花國脫歐短期而言,難免會引起歐洲以至全球金融市場動蕩,難逃一跌!
「債王」格羅斯則認為,英國脫歐對市場的危機不但止是英國離開歐盟,而是其他成員國都會爭相效法。他說,「法國或者意大利等國可能忽然會覺得自己國家內政自己決定會比交由歐盟呢個大家庭來決定更好。」此舉會觸發市場對歐洲整體的經濟增長的憂慮。
格羅斯稱,「風險資產依賴經濟增長,以及相對穩定的市場環境,如果增長受到威脅,風險資產自然會出現危機。」
值得留意的是目前呢個環境,唔單止股票呢類高風險資產好有可能會爆,連一向視為資金避險港的債市,亦有爆煲危機,唔見得安全。
美股已經升得好高,但經濟又唔見得好好,人人都驚美股會爆,又加上英國可能脫歐,市場避險情緒激增,搞到資金好低傻咗咁湧入債市。上週五,德國、英國及日本國債收益率均跌至歷史新低,意味著債價升上歷史新高。日本10年期國債跌至負0.16厘的水準;德國10年期國債收益率跌至0.019厘。美國10年期國債收益率刷新2月24日以來低點至1.6438厘。
格羅斯在Twitter形容債市是一個早晚要爆炸的「超新星」(Supernova),這是自去年4月以來第二個「一生一次」投資債市的機會。
無論睇淡債市的格羅斯也好,睇淡美股的高盛也好,他們都是大戶風格,做和市場情緒逆反的事,在一般情況下,一種資產價格大升,上晒報紙頭條,都意味它太熱,價格可能快見頂,即使不暴跌,起碼有一個大調整。所以債王話債券太貴,你跟佢去沽高息股,一般都會得。
不過,凡事都有例外情況,好似債王同埋高盛呢啲大戶行為,如果遇上黑天鵝事件,就可能會輸錢。例如美國十年國債而家嘅息率係1.6厘,本來已經好低,點知遇上超常情況,直插到0.6厘,咁債王都要平倉認輸。但對散戶來説,第一唔似債王有借貸不能守,早咗沽公用股只是賺少啲。第二黑天鵝都唔係經常會出現。
陸羽仁
A股呢次守唔守到2638呢......
MonsterGary 馬仔
花姐,
Belated Happy Birthday
大鱷搶胡
2016年06月14日
A股入摩根士丹利指數是否成功明日就會揭盅,不過,炒作呢個因素嘅資金就有提早退潮嘅跡象,有消息仲話包括索羅斯等大鱷,仲會趁呢個機會開餐。
五窮月唔窮,甚至六絕月頭嗰幾日都唔絕,一大理由就係炒呢個月A股入摩有結果。本來市場對成功入摩睇法比較樂觀,但隨着傳出中央叫停匯改等消息,市場就開始降溫。到上星期尾,雖然阿爺特別整劑QFII加碼款待美國佬,盡顯入摩誠意,但仍無阻淡友攻勢。有中環茶友話,雖然𠵱家入摩與否唔講得死,但淡友已經預咗若然入摩失敗會插低個市,就算係入摩成功,都會借好消息出貨,反正入摩成功,初期比重都唔大,一樣有唱淡藉口。
周三D DAY前放淡風
淡友將星期三當係D DAY揮軍,未開打前夕,已經有風聲漏出。上星期有報道指國際大鱷索羅斯睇淡美股,出山沽空大市,昨日再傳索羅斯駐港基金SFM等,喺新加坡富時中國A50期指加注,對賭周三(15日)A股入摩不成。新加坡富時中國A50期指未平創合約,於上月23日突破10萬張,至上周異常地增至逾57萬張。
MSCI指數將於本港時間周三(15日)早上5時,公佈是否將A股納入其新興市場指數。由於摩根士丹利指數公司在宣佈決定後只舉行電話會議,未有召開新聞發佈會,於是市場懷疑A股「入摩」可能性。
有近年留意對沖基金動向嘅財金高人拆局,話呢啲沽空消息流傳,好有機會係大鱷嘅心理攻勢,配合銀彈轟炸做嘢。
佢話,對沖基金近幾年都難搵食咗,令佢哋表現遜色,主要原因係呢行以前咁好搵,多咗人入行,形成競爭。以前大鱷要等到個市偏離合理價值好遠先出手,後來就愈來愈多人偷步搵食,情況好似漁民打魚,由於捉魚嘅人多咗,於是未等條魚大就把魚撈起嚟食之哉。當漁民用嚟撈魚嘅漁網的網孔愈嚟愈細,漁獲就一條細過一條,呢個情況喺投資市場就變成頻密但幅度較細嘅波動,皆因未等到大茶飯,有人已經搶胡。以前對沖基金可能等入摩失敗先出來做世界,𠵱家就預先放定料,然後就郁手。
由於全球股市氣氛轉差,咁啱內地一連兩日在上海舉行「陸家嘴論壇」,原訂在論壇發表講話的人民銀行行長周小川、中銀監主席尚福林,以及中證監新任主席劉士余,均未按原定議程出席論壇。咁氣氛下滬指開盤跌逾1%,全日反覆走低,上證指數收報2833點,跌94點或3.2%;深成指報9862點,跌454點或4.4%,券商同內險股都表現不濟。
港股喺淡聲淡氣下全日捱沽,恒指一度插近612點,收市恒指報20512點,下挫529點;國企指數收報8619點,下滑212點,成交651億元。藍籌股近乎全軍覆沒。累升唔少嘅騰訊(700) 跌穿170元關,全日挫3.2%,收169.5元,唯獨領展(823) 跌市仲升0.59%,收造51.05元;聯想集團(992) 漲0.41%,收4.9元;是藍籌股兩隻錄得升幅的股份。由於英國調查機構講到「脫歐」機會上升,拖冧英鎊匯價上周五顯著下挫,跌至七星期低位,匯控(005) 與渣打(2888) 急挫。匯控挫2.94%,造47.9元;渣打急降4.39%,造56.65元。
九倉賣產不升反跌
九倉(004) 放售電訊業務,反映集團整合資源。好多公司賣嘢股價升,但呢次反應就唔係咁。九倉母公司會德豐(020) 沽壓巨大,收造34.75元,大跌7.3%;九倉股價則跌2.74%,造44.35元。
呢排大鱷講到股會跌、債會跌,咁啲錢有乜好買呢?於是有啲錢買吓金。由於黄金市場同貨幣、債市比規模細好多,部份熱錢流入已足夠令金市有反應。借住市場避險情緒上升,金價昨午升穿每安士1280美元關,推動招金股價逆市造好,招金(1818) 升3.33%,造7.36元;紫金(2899) 漲0.88%,造2.3元。至於SPDR金ETF(2840) 也升1.33%,造951.5元;但個別黃金股逆跌,主要係多咗掛鈎嘅ETF,炒作熱錢寧願買呢啲容易理解嘅工具,搞到三、四線金礦股少咗人捧場。
陸羽仁
2016-06-13
Dow Jones Industrial Average (^DJI)
17,732.48 132.86(0.74%) 4:38PM EDT
其實加息有如減辣, 就算耶倫日日係度頂住個制, 佢大選前都要頂住個市, 萬一選總統果陣美股大跌, 經濟轉差大裁員, 希拉里仲選乜鬼? 加息等選完再講啦
張相又唔走去頂住大戶個沽制! x8...
SIGH...
等左好耐先冇左張相,阻住地球轉😠 x2...
SIGH...
花姐 身體健康,股股生威!
等左好耐先冇左張相,阻住地球轉😠
大戶兄: 大戶要沽, 一定先找到對手, 即是有人走去做對家. 接晒大戶沽盤. 還有是, 大戶要全方位的, 即是要沽, 全世界一齊沽, 沽到你怕, 沽到你驚, 沽到你死為止.
張相又唔走去頂住大戶個沽制!
其實可否換幅美少女, 見到耶女, 就想起加息, 一加息就即是萬劍歸宗, 全世界都要大插, 唔通索老估算到耶女想加息???
花姐:生日快樂呀~
當然悶啦,又有張相頂住唔俾留言....
謝謝小貓
花姐~生日快樂~
-------------
動物兄~請適可而止吧~
-----------------------------------
溫馨提示:
內銀,特別是3988 除淨後很大機會要形成死叉~大家量力而為啊
叮噹...全日大市跌529點, 戊未放量.
花姐: 同意. 活得精彩, 活得有意義, 才是人生.
子龍,多謝祝賀,不敢與天齊,健康快樂已足夠,生命長短沒重要,活得有質
素比長重要
噢...原來今日花姐生日. 大市不好再插, 當然唔會倒升咁戲劇性. 祝花姐褔如東海, 壽與天齊.....
TCL 有貨發啦
馬仔你發啦!今日我生日,請飲茶
索老有如魔獸, 所到之處必--->寸草不生.
咁就600點了...x2
SIGH...
第一個600點.
咁就600點了...
http://bowenpress.com/news/bowen_106022.html
好悶………
睇到上面單新聞, 久久未能平復
原來係所謂發展到識得飛既深圳係咁危險, 雖然警察已經道歉, 但係從果位警察同去到差館其他警察既態度, common sense可以話比大家知呢件係個別事件定係everyday business, 如果唔係錄影左斷正, 警察根本就唔洗道歉, 佢姦埋殺埋掉落河都仲得, 你咪慢慢去上訪囉
另一個重點係, 當時人係車度打110報警,結果係比人cut線, 咁即係任何人係深圳遇到任何意外, 如果個警察真係假扮既, 比人捉左, 打110求救, 原來係無用, 可能110本身都係假既
真係好恐怖………有錢一定唔住深圳, 深圳樓價點升都冇用
大戶上下其手,散戶左右兩把!
市場只是人為的賭局而矣. 有入無出, 從沒改變.....
嘩!
先殺
後殺
真是...........人性不變!
正股已經全部清倉了
好彩好倉已平,淡倉已開~
小貓兄: 都話左風在動呢. 索老點可以睇少.....
止賺囉~PARTY咁快玩完
大爆插了....
早呀~
早晨大家
2016年06月10日 (09:06 PM)
Good morning.