內銀唔怕跌
2008/01/09 01:25:50
網誌分類:
未分類
今日恆指先升後跌,內銀股全部反彈,如果信四叔農曆30000點,咁同2月都仲有成個月,恆指現時為27300點,仲有2700點,波動下又牛牛下,都應該得,不過可能波動大,建行今日升得最勁,最前俾人丟得多,今日又俾人低位掃得多,我見呢次跌都震走好多人!
大家不妨比d耐性落d內銀股,我堅信宏調對佢雖有影響,但影響並不會到俾人狂丟既情況,即使預計08年會放緩,但都有增長,如果以建行工行之前俾人咁丟我認為其實只係08年既13-15倍pe既價錢,所以唔怕持有同低吸,可能幾個月前我會話好貴,但業績公佈後就隨時要變,所以唔好睇內銀股睇到咁淡,另外,建行將會取代地鐵成為新加入既考慮列。
內需股比人預先炒,呢類無事狂升,隨時令人損手,而新股中鐵中材我相信已經見頂,用2個星期左右時間炒到咁高,可能會有2個月咁長既時間去牛,唔好認為必升,要你坐艇就先要你瘋狂啦!
中電信既價位一浪高於一浪,相信只欠一度熱炒既消息,電力股相信08年有得加電費,華能會係唔錯既首選。
我對大市保持樂觀,但波動一定好大,先等一等先決定入唔入市。
有錢實有好股買係堅既! 只係睇大家既耐性
祝長賺長有
回應
(0)
我要發表