搏大霧歷險

前天因去澳門珠宝展, 在威尼斯人過了一晚, 又玩了一日一夜吃角子老虎, 當然有嬴又有輸啦！

回程約四時到達碼頭, 原來因港口大霧, 航班延誤ｏ我坐的是五時正開航, 但上船後（準時上船！）一直在等港口提示, 一會又說大霧要單向航行, 船中有條八婆唔知係咪輸鬼咗錢, 成日鬼殺咁嘈, 又話要上番岸, 又話要退錢, 總之諸多事實意米！唔知危險！成鬼日摧人開！

我就靜靜取個MD機學吓唱曲, 誰知成首十二欄杆都識唱, 隻船都未行得, 等到成六時半才開行ｏ（開得全船鼓掌！未知驚！我就第一時間整好安全帶！）

到港時才七時半左右, 吃完飯才回家！

原來約八時澳門港口就撞船！（又話單向？乜單向都撞？）傷咗成好幾十人！好彩走早咗, 直係一身彩也！

生平第一次遇見此大霧情况, 原來大霧係要搏嘅！人生有時都要明白無常乃是正常！真係順風順水就應知感恩矣！

多謝EVA姐十一時五十九分問候ｏ（果陣我都未知驚, 今日睇新聞至知大劑也！）

大難𣎴死！今日又去馬塲搏大霧！哈哈！真妙！