War Game中表達：興趣學業可共存一分鐘同父母講心底話

2016/10/24 10:11:02 網誌分類: 生活

24 Oct

        Kelly問問大家對上一次，同爸爸媽媽講出心底話係幾時呢？昨日聯合國兒童基金會（UNICEFHK）香港委員會舉行嘅「聆聽．一分鐘」短片比賽頒獎禮，八位本地中學生得獎，表揚佢哋用充滿創意嘅手法，將自己事與「給爸媽的話」嘅故事，製作成一分鐘嘅精采短片，當中不少諗頭十足，好似《行動代號：「三贏」》咁，加入WarGame元素同父母表達興趣與學業可以共存。

        「聆聽．一分鐘」短片比賽吸引咗一百六十名中學生參加，當中包括來自少數族裔，及有肢體或聽力障礙的青少年，UNICEF委員劉麗薇教授話這些短片不但是青年嘅生命故事，亦係讓父母及大眾深入了解年輕一代心聲嘅渠道。當中有作品，反思「怪獸家長」出現的原因，認為社會風氣覺得名成利就才叫成功而導致，又有同學用咗WarGame做主題，向父母表達興趣與學業可以兼顧，唔會玩物喪志，Kelly好欣賞呢班青年人咁有諗法，唔同角度咁思考一個問題，抵讚！

        另外，UNICEFHK話「聆聽．一分鐘」短片項目將開拍青年紀錄片，進一步推動公眾聆聽青少年嘅心聲，電影導演黃修平仲會為參賽者提供貼身指導及指引，同佢哋攜手製作紀錄片，Kelly好想快啲睇到呀！

        KellyChu

■UNICEF委員劉麗薇（左一）與恒生銀行企業責任主管何卓惠（右一）頒獎給得獎者。

■有同學用War Game做主題，向父母表達興趣與學業可以兼顧，唔會玩物喪志。

回應 (0)

我要發表

War Game中表達：興趣學業可共存一分鐘同父母講心底話

網誌分類

最新網誌

月曆