懲教署賣物會 邊購物邊歎奶茶!
2016/11/04 08:41:03 網誌分類: 生活
好多更生人士都有一技之長。懲教署第六十四屆秋季賣物會將於明日上午十一時至下午五時喺赤柱監獄側足球場舉行,市民可以免費入場參觀,仲可以一邊購物一邊歎奶茶,全部都係由在囚人士設計及炮製㗎,Kelly真係覺得好有心思。 賣物會以「懲心共聚、關愛香港」為主題,注入香港特色及以簡約環保設計為主,特設小吃區,由接受餐飲訓練嘅在囚人士,親自炮製奶茶和曲奇餅等,讓佢哋作實習培訓。而攤位則售賣在囚人士製造嘅產品,包括藤器、木製傢俬、盆栽植物、手工藝品及玩具,其中以瓦通紙和水松木製造嘅貓抓柱,可供貓仔玩耍及磨平貓爪,避免破壞家具,相信貓仔都會鍾意呢個玩具! KellyChu |
|
回應 (0)
我要發表