「Trump入白宮」好過癮 《頭條》印100萬份 直擊爆冷大選
2016/11/11 08:41:11 網誌分類: 生活
呢個地球嘅事,真係愈來愈難測,繼英國公投脫歐,美國大選又爆冷,被喻為狂人嘅特朗普打敗希拉莉,登上美國總統寶座,全球一地眼鏡碎,facebook昨日被大選新聞「洗版」,香港人身為地球村一員,好多人關心呢件世紀大事。《頭條日報》編採部同事緊貼有關資訊,不斷update,直到結果揭盅,即時起動做咗多方位分析,俾大家了解大選對香港甚至全球嘅影響,仲加印至一百萬份,小妹返工時間亦見到好多市民爭住拎份《頭條》睇?! 共和黨狂人特朗普同民主黨希拉莉大戰,連小妹平時唔太關心國際政治嘅人都八卦埋一份,加上好多人網上都討論美國大選對香港有咩影響,好似會唔會令股市大跌咁,《頭條日報》同事知道美國大選咁重要,就一路睇實個選情,直到結果出爐便馬不停蹄做分析,提供多方面嘅資料畀大家,好似頭版講環球金融市場嘅反應同埋中美關係嘅發展咁。 Kelly至like就係編輯起題「狂人大亨侵(Trump)入白宮」,玩埋食字「侵」同「Trump」好鬼過癮,而且加印到一百萬份,昨日小妹一出中環返工嗰陣,都要排晒長龍先拎到份《頭條》呀,的確犀利!Kelly鼓勵《頭條》同事日後要繼續為港人報道高質素嘅新聞內容。 KellyChu |
| |
|
綠色沙田 fun fun fun
How can i enrol the date of 26 Nov 2016 activity? please reply me as below email candytpl@yahoo.com.hk OR you can call me 9224 6311.
Looking forward to receiving your reply.
Regards,
Candy