皇東節有酒飲又有騷睇 世界一流威士忌等你尋訪
2016/11/18 08:41:04 網誌分類: 生活
| 香港十八區之中，Kelly至like就係新舊交融嘅灣仔區，閒時遊歷於灣仔特色街道，的確別有一番風味。合和實業有限公司第六屆主辦「出奇歡樂皇東節」，喺嚟緊兩個周末（十九至二十及二十六至二十七日）於灣仔合和中心露天廣場及利東街展開一場味覺及文化盛宴，屆時有酒飲又有街頭藝術表演睇，一個字：正！ 今年適逢利東街重建後正式開幕，Kelly聽講合和想透過「皇東節」，畀大家欣賞吓全新嘅利東街風貌，兼且體驗灣仔新舊交融嘅獨特地區文化，當然齋睇風景就唔夠喉啦，今個周末大會搞咗個「皇東品酒之旅」，精選咗世界各地之珍藏級威士忌，參加者以港幣一百七十八元起即可逐一尋訪呢啲靚靚威士忌，活動收益扣除基本開支後，活動收益將全數撥捐聖雅各福群會食物銀行㗎。 下個周末則以「皇東節嘉年華」為主題，現場還提供創意小食，雜技表演以及虛擬實境（VR）遊戲等，啱晒一家大細去玩番日，而「出奇歡樂皇東節」仲係旅發局「香港盛宴十一月」推介活動之一嚟㗎。 KellyChu |
 | |
| |
 | |
|
回應 (0)
我要發表