「少女心山崩地裂般爆發」「表情姐」亞錦賽攞櫻花金牌

2016/11/19 08:41:10 網誌分類: 生活

19 Nov

        「表情姐」傅園慧前日喺日本東京舉行嘅亞洲游泳錦標賽五十米背泳賽事中，奪得游泳生涯中首面亞錦賽金牌，佢賽後響微博同大家分享喜悅，話金牌上面嘅粉紅色櫻花圖案，令佢嘅「少女心」好似「山崩地裂般爆發」。Kelly睇到「表情姐」嘅形容詞，真係笑到碌地呀！

        「表情姐」游出二十七秒八六成績攞到金牌，佢奪冠後心情興奮，將金牌相上載微博，話自己因為奪冠而感動到「哭暈在游泳池」，更展露V字勝利手勢，仲話金牌上嘅粉紅色櫻花圖案，令佢嘅「少女心」如同「山崩地裂般爆發」，又稱之為「小粉粉」，睇嚟「表情姐」真係好鍾意個金牌喎。

        佢喺摘金前仲喺微博透露：「有男子走進女更衣室，而我冷靜的跟他對視了。」睇嚟任何時候「表情姐」都處變不驚，係運動員嘅勝利關鍵，小妹都要學習下。網民睇到「表情姐」成績咁好，紛紛熱烈祝賀，又讚傅園慧同金牌一樣咁靚，係專為佢而設。見到「表情姐」嘅「洪荒之力」咁強勁，Kelly都戥佢高興呀！

        KellyChu

■「表情姐」話自己因為奪冠而感動到「哭暈在游泳池」。

■「表情姐」話金牌上嘅粉紅色櫻花圖案，令佢嘅「少女心」如同「山崩地裂般爆發」。

回應 (0)

我要發表

「少女心山崩地裂般爆發」「表情姐」亞錦賽攞櫻花金牌

網誌分類

最新網誌

月曆