不死傳奇

港台節目不老傳奇, 介紹一些已經逝世的歌手, 第一輯乃羅文, 第二輯乃梅豔芳, 第三輯乃鄧麗君, 第四輯乃張國榮,

這些歌手留下了很多首動聽的歌曲, 可能咁就可稱之為𣎴死啦, 死剩把聲（口）？

羅文原來有粵曲底子, 難怪咬字咁鬼清晰, 佢唱歌也可落倒丹田, 是一個有唱工的歌手也ｏ當年佢玩玩吓就走火入魔, 形象古古怪怪, 又影裸體相, 成個基佬咁, 所以黄SIR冇乜聽佢D歌, 今日聽番, 都好好聽ｏ

梅艷芳首似水流年, 我就非常鍾意ｏ可惜佢D家人成鬼日搞住佢, 又惹上黑社會, 總之成世人都多多是非！悲情人物也ｏ

鄧麗君又係愛情路上多崎嶇, 好似氣管有事就去咗！佢把声就認真甜, 真係天生唱歌材料也ｏ

張國榮就死得離奇, 到而家我都諗唔倒佢點解要死？莫非就係果D抑鬱症？有時真係好鬼費解, 一個又唱得, 又演得, 又有咁多人愛戴的人, 竟然會咁就去鬼咗！乜得咁化學？唉！

睇咗幾輯, 真係人都化晒！

等我得閒都整番幾首金曲, 如果唔係, 一個唔該, 瓜鬼咗！咪冇鬼晒傳奇！