紅磚情
2008/01/30 05:34:50
網誌分類:
閱讀
上星期電視有個節目, 什麽理工大學新里程, 原來是慶祝理工大學七十周年o在螢幕上看見一些黃SIR熟悉的面孔, 不禁想起自己也曾在此大學教了二十八年書o
理工大學最前身是工專(工業專鬥學院)是教一些技工的學校, 後來昇格成為理工學院, 又再後來再昇格成為理工大學, 黄SIR有幸在理工學院年代入職講師o(因小弟曾是工程師, 教人落手落腳做, 綽綽有餘也!)
到了昇格到大學後, 有一段日子, 理工走純學術路線, 大家鬥出論文o結果被工業界投訴學生不切實際, 今日在電視再見倒理工從新走上實用路線,實在可喜可賀, 一D設計系, 物理治療學系, 纺織時裝, 工業中心, 節目中都有介紹o似乎唔見有介紹電子及資訊工程學系噃?莫非………自黃SIR走後, 人材凋零?吓?冇晒成就?
理工的潘宗光校長, 信了佛, 最近苦心婆心教D學生咪亂炒股票, 潘校長似乎今年都要退休了o
聽聞梁天培教授退休後冇幾耐, 去鬼佐(?)o(梁教授亦喜唱粵曲o曾在理工一粵曲晚會唱番幾句!)
如果潘校長退休, 都要小心D呀?唔知會唔會泥, 教協學吓跳舞, .同黄SIR做吓同學呢?吓?
回應
(0)
我要發表