紅磚情（五）

當年八十年代後期, 中國改革開放, 開始邀請學者回國講學, 當時國內資金缺乏, 冇錢請人, 學者要自費上去交流, 結果冇乜人肯去ｏ黄SIR有位同事, 楊教授, 居然肯去教ｏ

佢事後講返出來, 真係奇遇記ｏ佢上課時, 只見一D五六十歲的烏吓烏吓的學生, 毫不起眼, 又唔知佢地明唔明, D學生十分低調, 默默地上課, 相安無事！

事隔多年, 楊教授己轉到私人企業, 上內地搞資訊科技, 誰知同佢開會的軍方紅員, 竟是當年烏吓烏吓的學生, 當然就事事順利, 十分就手啦ｏ所以做人有時只問耕耘, 都會有D收獲也ｏ

又有一次佢地企業趕工去鋪D光纖, 居然有人可以動員一枝軍隊, 一同鋪設！可稱奇遇矣！

又有一個教授, 當年去幫飛翼船搞夜航D雷達, 有D國語人默默在旁偷師, 相信又係D國防人的貨色ｏ

有位七十年代, 電腦系講師, 去美國幫大陸採購一D高科技零件, 𣎴幸地被列作間碟, 被美國政府通揖！（但一年後, 該等零件巳被美國國務院宣佈非機密貨色了ｏ走得太前, 有時一樣出事！）

有位美國华人學者去北京講學, 爆咗小小導彈秘密, 結果返美國被拉咗去坐監ｏ

電子電腦有好多橋, 一俾人知就通天, 所以係軍事秘密泥嫁！

至於黄SIR知D乜嘢軍事秘密？

唔講你地知！驚你地口疏！