科技情

最近微軟敵意收購YAHOO, 一個標基（Bill Gate）, 一個楊致遠, 勾起了黄SIR半世紀以來與科技結緣之情ｏ且讓我襯春節有空ｏ懷舊一番吧ｏ

微軟是電腦業中軟件大王, 視窗（WINDOWS）大家日日用緊, 就係佢偉大的創作ｏ而大家上網的EXPLORER, 也是此公司的產品, 可見利害ｏ仲有MICROSOFT OFFICE等等軟件, 也是此公司的產品ｏ而楊致遠的YAHOO是先以網上搜尋器知名, 由於人人樂用, 結果成為上網入門必經之網站之一, 大賣廣告, 收到笑, 上市成了科網典範股, 股價如坐火箭ｏ後來很多科網, 一多人用就發, 例如YOUTUBE,  EBAY之類, 總之有多人流的網站, 就值錢, 亞里爸爸就係此類貨色ｏ在網上揾银, 就要吸引人用, 例如GOOGLE,  NETSCAPE 也是免費俾人用, 開HOTMAIL,  GMAIL 全部免費, 就係多得D廣告商ｏ而科網賺倒錢, 股票也跟住飛昇, 是互联網的一大特色！

黃SIR以前在理上大學資訊及電子工程系教書 INFORMATION AND ELECTRONIC ENGINEERING DEPARTMENT, 其中INFORMATION （資訊）一字就係多得科網熱潮, 果陣大學鬥到連有幾多人報讀都計入表現之內, 結果唯有改方向求存, 但又改唔切. 換湯不換藥, 這就是黃SIR最近身的科網的影響了ｏ