全城大劑
2008/02/18 23:42:08
網誌分類:
時事
近日香港全城, 日日報章頭條講淫照,雜誌本本封面又係淫照,人人日日話題不離宣淫, 網上網下, 爭相傳閱o黃SIR睇蘋果日報, 日日追殺阿嬌, 陳冠希, 警務處長, 似乎除此以外, 世上已無其他事可做了o
黄SIR突然想起了聖經故事中, 一段天火焚城的故事o
依稀記得焚城的故事是, 上帝眼見某地方之人, 宣淫無行, 冇晒仁義道德, 又冇晒禮義廉恥, (同而家香港社會, 傳媒, 有D近似!)
於是上帝要一把火(其實係把幾火!)燒鬼晒果處鬼地方o
但被善人知道了,(是否亞伯拉罕?各位教友, 幫幫拖, 黄SIR開始記憶力衰退!) 於是向上帝求情!
上帝要佢在日落前揾倒三個善人就唔焚城!結果梗係揾唔倒啦!(同而家係香港揾到三份正氣嘅媒體都一樣咁艱難!)
最妙就係, 上帝吩咐佢地逃走時, 不可回頭望o誰知亞伯的妻子好奇,一回頭, 就變了鹽柱!(呢把焚城之火, 應該係原子彈, D幅射先至有此奇效也!在黄SIR認識的科技來行神蹟, 只能如此!)
同而家網上淫照一樣, 上帝吩咐不准再傳!一傳又係变鹽柱!(即变成為咸蟲也!)
據聞有班咸蟲, 傳得两傳, 電腦染佐病毒, 成部電腦short鬼咗!呢D就係上帝對佢地嘅懲罰嘞!哈哈!(呢篇嘢係唔係SHORT SHORT地呢?吓?)
回應
(0)
我要發表