就業報告形差實好
就業報告表面上不如預期,但美股受蘋果股價造好帶動,上週五造好,杜指微升0.1%,升22點,標普500指數升0.3%,納指升0.7%。三大指數同創歷史收市新高。
美國上週五公佈重要的非農就業報告,10月非農就業崗位增加26.1萬個,增幅為2016年7月以來最大,但低於分析師增加31萬的預期。
增幅未及預期的主因係離職人員重返崗位,有10.6萬名因9月時美國部分地區受兩個颶風吹襲而暫時離職的休閒娛樂/酒店餐飲行業從業人員,重返崗位。就業崗位9月資料經修正後為增加1.8萬個工作崗位,之前報告的是減少3.3萬個,兩者差幅是5.1萬,若將此數字加回去,10月的數字不但不比預期少,還比預期多了2000個職。
但報告中的一些部分有少少負面,平均時薪輕微下滑0.01美元,平均時薪年增幅降至2.4%,為2016年2月以來的最小增幅。9月平均時薪增長0.5%,年增幅為2.9%。報告解釋,係返回工作崗位的餐飲業工人都是比較低薪所造成。即係又係颶風因素,並非基本原因。
失業率方面,由於勞動力大軍減少了76.5萬人,失業率跌至近17年低位4.1%。經濟學家普遍對美國未來薪資增長提速感到樂觀,原因係因勞動力市場接近充分就業。過去三個月,平均每月就業崗位增長16.2萬個,經濟只需要每月創造7.5至10萬個工作崗位,就可以跟上適齡勞動人口增長的步伐。反映美國經濟正加速改善。資料發佈後,美元走高,反映美元兌6隻主要貨幣匯價的美元指數升0.3%至94.92的逾3個月高位。
另外,有分析預計,隨著油價的回升,美國12月期油上週五突破每桶55美元,收報55.69美元,係2015年7月初以來最高,能源以至商品價格回升,將帶美國的通脹回暖,明年的通脹率至少會比今年高,正如聯儲局在最近的議息聲明中表示,美國短期內的通脹率會略低於預期,但中期內說將達到2%的預期,所以10月就業報告雖然表面上不及預期,但不會改變12月美國加息的預期。美債價格上漲,美國10年期國債收益率微跌至2.332厘。
值得留意的是,納指上週五顯著跑贏大市,主要受蘋果及高通(Qualcomm)股價猛漲帶動。蘋果公司上週四公佈Q4業績,上下限都輕鬆地勝過市場預期,上週五再漲2%至172.5美元,創出上市歷史新高,蘋果於1981年上市,當時的市值大約60億美元,時至今日,已經升上8910億美元!高通上週五大漲12.7%,則受到同業Broadcom考慮收購的消息刺激。今日香港的蘋果相關股會炒吓。
陸羽仁
2017-11-06
Dow Jones Industrial Average (^DJI)
23,548.42 +9.23 (+0.04%)
高位腳軟 閃跌V彈
2017年11月07日
港股呢個星期開市閃跌,一度挫逾400點,市場情緒一度幾緊張。不過隨著騰訊(700) 等科網股造好,個市定番落嚟,V彈到微跌6點收場,既反映人心有啲虛怯,但跌市你夠膽入場通常都得米。
保利協鑫升創兩年高位
昨日開市傳來多個利淡消息,包括周小川警告內地金融風險上升;特朗普亞洲之旅反而令亞洲太平洋地緣政治風險再趨升;以及沙地打貪令中東資金要撤走等等。老實講當時覺得呢啲消息唔係咁致命,唔知點解個市咁大反應,要跌咁多,有一點無名腫毒的感覺。不過跌到上午十點三之後就企定,慢慢一步一步升返上來,所以話個市底仍然係比較強。
回顧番成日走勢,負面消息濕濕碎碎,但亦令恒指再一次下試上月低位,恒指曾失守10天線(28383) 及20天線(28435) ,但經過一輪V彈之後,恒指收報28596,跌6點;國企指數收報11524,跌77點,成交1117億元。
十大成交金額股份方面,騰訊(700) 創新高,一度高見379.6元,收市仍急升2.5%,報377元。閱文集團(722) 暗盤價續在高於70元之間叫價,曾高見80元,於76元錄得成交,較招股價55元,高出38%。緊接招股嘅網上汽車融資平台易鑫(2858) ,據接近承銷團隊消息稱,國際配售已接近滿額,預計今日將能滿額,並錄得超購。部份科技股跟隨騰訊同閱文嘅消息向好,網龍(777) 升4.9%收報26.9元;IGG(799) 收升4.5%報10.62元,中芯(981) 升勢未止,股價升2%報收14.14元。我一直話佢有轉勢跡象的保利協鑫能源(3800) 收升5%,報1.41元,創近兩年新高。
藍籌調整較多嘅係國泰航空(293) ,主要因為建滔化工(148) 同建滔積層板(1888) ,宣佈向卡塔爾航空分別出售4465.7萬股、約3.12億股及2189.9萬股國泰股份,合共約3.8億股,總代價約51.6億元。出售股份佔國泰航空已發行股本約9.61%,每股作價13.62元,較上周五收市價13.2元,有約3.18%溢價。建滔化工解釋,出售為投資變現的機會,完成後集團不再持有任何國泰航空股份,屆時預計會有約八億元收益,出售所得款項淨額作一般營運資金或實現其他投資機會。
建滔大手吸納國泰,一度引起市場憧憬有乜大動作,但後來國泰表明唔會請建滔代表入局,建滔主席張國榮亦表明持貨唔會超過10%,睇嚟大家都無乜火花,唔會有乜合作。
呢次建滔趁大行唱好沽貨,成功獲利八億離場,雖然有人話咁樣勞師動眾,不如簡簡單單買盈富基金賺得仲多,但呢啲只係事後孔明評論,建滔示範俾大家睇,國泰咁大隻股都有得炒,去年底趁佢績差股價跌就入貨,炒高搵到人接貨,唔夠一年執18%,成績相當唔錯。
國泰近年股價積弱,呢期趁油價上升,預期佢燃油對沖合約虧損減少,加上大行唱好,股價炒吓落後,由低位反彈,但佢嘅基本因素仲未見有明顯改善。國泰港龍合併結算,九月合共載客263.96萬人次,按年下跌1.2%,乘客運載率下跌2.3%至81%,以可用座位千米數計算運力則上升2.4%。首三季載客量上升0.1%,運力亦上升2%。
國泰無鑊氣要洩氣
建滔入股,市場最希望係有人買起國泰,好似張老闆出手,聯同中資入主,又或者成手貨俾中資,但國泰大股東太古控制權如鐵桶嚴密,加上佢哋似乎無意讓位俾中資話事,所以張老闆都無乜可以搞。呢次買家卡塔爾航空,本身大把水,加上俾其他阿拉伯國家圍堵打緊外交戰,掟啲錢搞吓突破都係小菜一碟。
陸羽仁
280 有大肥牛 .....
馬仔: 留意立冬后的大市, 真正的大龍鳳.......
將軍 明天立冬呀
幾時會真火警?冬至前會唔會滿地燒豬,燒肉大減價呢
將軍,
服喇, 收唔收徒弟?
倒升.....服未???
將軍 立冬之後點呀?
洗廁所有冇Tips收架??
馬仔: 大市未到立冬, 先來火警演習呢. 子龍只是廁男, 唔通你....你想做廁女???
將軍
你未答我收唔收我做徒弟喎!!
陸sir你好,睇左係巴士報既文章,你覺得買中山邊個地方會升得比較勁?同埋買新樓定舊樓比較好?
係唔係火警呀?要唔要走呀?
叮噹....半日大市跌舊半, 成交有643億.
799半日收1050, 成交有4千多萬....
有人沽貨, 有人買貨, 精彩......
good good good morning~
將軍,
救我 .....
火災呀
火災呀
大戶兄: 你.....偷步. 咁絕...........
早呀~
陸sir,
我在$4.51入了12000股2357(想入2注,入了一注),可否給予意見?只想買入短炒的。
http://blogcity.me/blog/reply_blog_express.asp?f=66feaI2IA2253648&id=900402
http://blogcity.me/blog/reply_blog_express.asp?f=66feaI2IA2253648&id=900402
Good morning.