八珍美食車節能獲嘉許

2017/11/07 08:41:06 網誌分類: 生活

07 Nov

        提起美食車，大家流口水，原來部份美食車做生意之餘，也注重節能㗎。中電昨日舉行「環保節能機構」嘉許計劃頒獎禮，四十六間獲獎機構當中，包括老字號「八珍醬園」，原來八珍嘅美食車（圖）喺中電支援下，喺車頂安裝咗太陽能板，利用可再生能源為車內嘅風扇及手機充電設備供應電力，大家可以一邊食好嘢，一邊叉電，夠晒環保，認真抵讚。

        美食車仲率先安裝有「中電智能管理系統」，透過手機應用程式就可以實時監察電廚房用電量，因應人流及食物需求調配各項煮食設備使用情況，大大提升營運效率，難怪獲頒中電節能環保獎啦，下次見到呢㗎美食車，大家幫襯，也間接支持節能。

        KellyChu