資助訓練健兒 打造下一個「風之后」 海通撐滑浪風帆賽 CEO也學玩
2017/11/06 15:39:38
網誌分類:
生活
Kelly去支持一班香港滑浪風帆好手，望住赤柱海灘上唔同顏色嘅風帆喺夕陽下乘風破浪，彩旗飄揚，又有柔和嘅海風迎面而來，畫面靚到好似一幅畫咁，小妹有衝動想學吓滑浪風帆。
原來「海通國際」行政總裁林涌都學緊玩，佢話風帆運動展現出來嘅拼搏、不服輸嘅精神，與海通國際信念相近，而李麗珊喺一九九六年為香港奪得奧運會滑浪風帆金牌，當年係海通國際上市嘅年頭，眾多因素令「海通」同滑浪風帆不謀而合，所以決定與香港滑浪風帆會合作，推動滑浪風帆運動發展！
今次香港滑浪風帆公開錦標賽吸引咗一百三十八名來自意大利、瑞典、泰國、台北、中國及香港嘅選手參加，獲RS︰X女子組第二名嘅香港選手陳晞文就好滿意自己嘅狀態，佢話九月喺日本世界錦標賽取得第十名，已經係完成咗佢今年嘅目標，而今次比賽亦令佢了解自己嘅弱點，下次比賽會做得更好。
Kelly Chu
■香港選手陳晞文滿意自己狀態。
■「海通國際」行政總裁林涌都學緊風帆。
回應
(0)
我要發表