罰抄1000次 補鑊𠱁Honey 男友「自私食」絲打嬲嬲豬
2017/11/07 08:41:07 網誌分類: 生活
件事係咁嘅，有女網友返到屋企，發現男友冇幫佢煮飯，「當你收工仲要煮飯畀個男人食，而個男人收工煮飯畀自己食，當你返到屋企仲要同你講好好食……」佢當然嬲爆。為咗𠱁番嬲豬嘅呢位女網民，佢男友唯有接受懲罰，就係學番小學雞，罰抄「我以後唔自私食」一千次。
有網民笑爆咀，自爆自己曾畀另一半罰抄聖經和三字經，「上次我抄論語太濕碎」。另一網民話︰「好彩佢係自私食唔係偷食。」人亦好奇到底自私食咗啲咩，令女事主咁激氣。有網民關心男事主會太攰，建議學小學生用幾支筆一齊寫，「兩三支筆綁埋一齊寫快啲。」
KellyChu
回應 (0)
我要發表