建築業同樂日籌逾46萬助同業

2017/11/07 08:41:08 網誌分類: 生活

07 Nov

        建造業職工平日好忙碌，有機會同家人做吓運動，參加嘉年華會，認真開心！小妹知道建造業議會前日喺體院舉辦咗「2017建造業運動會暨慈善同樂日」，吸引一千三百個業界朋友同親友參加，分別嚟自承建商、分包商、工會、學會、顧問公司、政府部門等近四十六間機構，創歷屆參與人數新高紀錄，場面好熱鬧呀！

        運動會其中一個焦點，就係「四百米建造業關懷慈善跑」，吸引咗近一百四十位業界代表參加及捐款，戰況相當激烈；同場仲有「親子障礙賽」和嘉年華會，一家大細都玩得好開心！

        建造業議會今次會將籌得嘅逾四十六萬元善款，捐贈畀建造業關懷基金，幫助有需要嘅業界家庭，好令人感動。議會主席陳家駒就話，覺得業界充滿活力同正能量，以後會舉辦各項有益身心嘅康樂和義工活動，集結業界力量關心同業及社區。

        KellyChu