新增電子比賽環節 中史精英問答比賽接受報名
2017/11/16 08:41:04
網誌分類:
生活
上屆校際中史問答比賽反應好熱烈,近百間中學踴躍參與,參賽學校嘅老師同Kelly講,覺得呢個比賽係理想嘅互動學習平台,有助提高同學對中史嘅學習興趣,促進學校之間嘅互動交流。
今屆比賽特別伸延至全港中、小學,更新增第一階段電子激答比賽,由下年一月開始比賽,出線學校可以進入第二階段實體比賽。電子激答比賽設個人狀元獎同學校踴躍參與獎,而實體比賽設中、小學每組之冠、亞及季軍,可獲頒獎盃同證書,冠軍隊伍仲有機會接受《星島日報》教育版同《巴士的報》嘅特別專訪,分享比賽心得同學習經驗?!
參加者可以透過大會提供嘅全面配套,包括《巴士的報》App同《星島日報》教育版,參考「歷史長河」(中學組)及「史空穿梭」(小學組)專欄,掌握更多比賽問題嘅範圍,積極備戰。而《星島日報》同《巴士的報》會全程緊貼比賽進度,報道比賽精華同結果㗎!有興趣參加嘅同學仔,可以掃描QRcode喺網上報名,或者同學校老師查詢詳情。
KellyChu
回應
(0)
我要發表