推廣「香港潮州節」岳少打牛丸有姿勢有實際！

2017/11/16 10:11:09 網誌分類: 生活

16 Nov

        香港有唔少人祖籍潮州，為咗推廣有五千幾年歷史嘅潮州文化畀更多人認識，潮屬社團總會下個月將舉辦第二屆「香港潮州節」，除咗有潮州美食，仲會有人示範潮州傳統行業。潮總監事會主席林建岳昨日就喺記招中即席示範「手打牛丸」，真係有姿勢有實際呀！

        「香港潮州節」下個月六至十號於中環遮打花園舉行，到時會場內將會展示潮州嘅新舊行業，包括傳統嘅代寫書信、塑膠花作坊，另外仲有新科技行業，例如由韓山師範學院所發明嘅智能機械人。潮總昨日喺記者招待會上，就有專人示範線面美容，而林建岳、潮總主席陳幼南、民政事務局局長劉江華同潮州節總統籌鄭敬凱四人，仲即席示範「手打牛丸」𠻹，Kelly見到佢哋好努力咁將牛肉打成肉漿，表現得好興奮！

        免費入場睇潮劇

        今屆潮州節中，場內仲會有多款潮州小食同埋精采表演，包括潮劇、潮歌、繡花舞、雜技等，市民可以免費入場㗎！鄭敬凱話，今次用咗九個月時間同耗資咗五百萬籌備，預計會吸引十八萬人到場。

        KellyChu