肥肥追思會

肥肥的追思會下月二日（星期日）在紅墈體育館舉行（不是紅墈大酒店,咪去錯！）無線即日送出六千張入場券俾觀眾索取ｏ

以香港這個倒瀉屎都圍埋一班人的社會, 一定一早爆滿矣！至於有冇飛炒, 就到時至知！

相信所謂去追思的人, 真的懷有追思心情的, 相信真少之又少也ｏ

何以黄SIR咁講呢？此乃基於觀察近两三年見香港人對肥姐, 欣宜的態度, 真係冷血到令人震驚也！（趁佢病！攞佢命！）

肥姐亞媽過身, 傳媒用D篇幅報導與此次相比, 完全不成比例！肥姐未死前, 傳媒人人想影佢個殘樣上封面搏昇紙, 你話係咪變態先！

而家仲搞個追思會, 一定又現場直播啦！話唔定仲叫欣宜唱番隻歌, 揾秋官扮吓幾長情, 志偉哥又一反常態, 大流小丑淚！最好來個大哭崩紅館！真係有咁盡可以玩到咁盡！呢D就係香港人的特色矣！（廣告時段加插宝福山啦！什么什么靈芝抗癌药啦！好應景也！）

唉！人死如燈滅！入土已為安ｏ全部所謂追思之事乃做俾人生睇嘅！肥姐泉下有知, 一定會講句……

你地可唔可以, 在我生前. 對我好D呢？吓？哈哈哈哈……….（肥姐招牌笑声！）