泛民中連五個正義朋友都冇？扺死咯！

熱血公民嘅立法會議員鄭松泰喺前年10月在會議廳內倒插五星旗同區旗事件，立法會最快下周三(16日)恢復辯論由獨立謝偉俊根據《議事規則》第49B(1A)條動議譴責鄭松泰嘅議案，若然有在席三分之二議員支持譴責動議，鄭松泰將會被DQ，即喪失立法會議員資格。正所謂唔怕一萬，最怕萬一，鄭松泰似乎都聞到燶味，除咗立法會主席梁君彥外，鄭月初去信全體議員，包括20多名泛民議員疑拉票「救亡」。 

鄭松泰喺信中自稱「本席」，又認為前年10月19日嘅會議中有否行為不檢，係咪符合擔任立法會議員資格，只能由選民決定，議會唔應該剝奪選民決定權；佢又懇請議員屆時能夠出席會議並且投票，保護選民嘅政治權利。 

眾所周知，建制派支持譴責鄭松泰議案，幾乎係冇懸念，換言之最少有41名建制派支持譴責議案，距離在席三分之二支持嘅通過門檻，即46名議員，尚欠5人，若然有5名泛民投票支持，或是部分議員不在席，鄭松泰都有被DQ嘅風險，故明眼人都睇得出，鄭松泰呢封信嘅對象係泛民議員為主，唔知泛民議員最終聽唔聽得入耳呢？ 

KC：只要有五個正義的泛民……

鄭屎就玩完！

而家睇香港人有冇呢D福氣！