放生銀行
週三美股大幅反彈,收復上日的大部份失地,杜指升306點,收報24667點,升幅1.3%,標普500指數亦升1.3%,納指升0.9%。美股昨日全線向上,特別係中小型股指羅素2000,升1.5%,創出歷史新高。
標普500指數11個板塊全線向上,當中以能源股及金融表現最好,能源板塊大升3.1%,而金融股排第二,升1.9%。能源股受惠於油價反彈,紐約期油昨日反彈2.2%,重上68美元樓上,最新報68.12美元。昨日有消息傳出沙特及其他石油出口國組織(OPEC)成員國將繼續遵行現有的減產協議直至2018年底。能源股造好,標普能源股票基金大升3%,係4月10日以來最大單日升幅。
金融股上日是跌市重災區,昨日明顯反彈。除了上日跌過籠反彈之外,聯儲局昨日建議修改規管銀行的「沃爾克法則」(Volcker Rule),這條法則由前聯儲局主席、現任美國總統經濟復蘇顧問委員會主席保羅·沃爾克於金融海嘯時提出的,其核心是禁止銀行從事自營性質的投資業務,以及禁止銀行擁有、投資或發起對沖基金和私募基金。「沃爾克法則」被認為能夠有效限制銀行的業務規模和範圍,減少銀行系統性風險,防止「大而不倒」的道德風險再度發生。2010年,美國總統奧巴馬公開對沃爾克法則表示支持,呼籲國會將其納入一攬子金融改革法案。「沃爾克法則」於4年前正式實施。
聯儲局主席鮑威爾昨日提出對「沃爾克法則」的修改建議,表示「將會把法則就金融機構的交易情況作出調整,做最多的適中交易的金融機構將會面對較少的限制。」
修改建議把金融機構分成三類,那些交易資產和負債高於100億美元的巨型銀行,要遵守最嚴厲的規定,10億美元至100億美元的,將會受到比較寬鬆和度身訂造的規管;少於10億美元的,就只需要遵守部份的限制,而且不需要證明營運合乎規格。金融機構也可以為自己作有限度的交易。
特朗普放生銀行,同奧巴馬取向不同。聯儲局這次放寬對經營得法的銀行的限制,相信係履行特朗普競選時說要放寬銀行監管的承諾,也可以說是為11月中期大選鋪路。銀行少了規管,當然係利好消息,多家銀行股價大幅反彈,大摩及摩根大通升2%;高盛、花旗升1.3%及1.5%!
環球市場的焦點仍集中在意大利政局上,路透社昨日引述來自疑歐政黨「五星運動」的消息指,五星運動早前組閣時推薦的經濟部長不為總統接受,意大利的政黨正在協商出一位大家都能夠接受的經濟部長人選。消息令到意大利緊張的政局暫時得以緩一緩。
與此同時意大利昨日順利拍賣了55.7億歐元國債,意大利國債債息全線回落,反映投資者對於意大利的政治狀況引又不是太過悲觀,歐元亦反彈,兌美元報1.1666美元,回升0.05%。意大利局勢稍為和緩,歐股反彈,泛歐600指數(STOXX600)升0.3%,其中德國股市升近1%。
估計今日港股會反彈,但中美貿易談判前景未明,美朝又將開高峰會,小心港股反彈後還要震盪尋底。
陸羽仁
下期预告 肥仔金大戰當老襯
袋鼠,you have a good weekend, too!
2018-05-31
Dow Jones Industrial Average (^DJI)
24,415.84 -251.94 (-1.02%)
癲價又現
2018年06月01日
白宮喺美國商務部長羅斯訪港京前放鷹,企硬話要對500億美元內地貨品加徵關稅,消息令兩國關係走向冷凍。
有消息話若然大家無共識,羅斯可能取消訪華。對內地而言,美國沒完沒了,貿易戰無可能無痛解決,既然係咁都無得一味退讓,市場亦明白呢個係新常態,股市喺跌咗一日後反彈。
人行逆回購有托市味道
人民銀行公開市場昨日進行2200億元人民幣逆回購操作,當中七日期規模900億元,14日期同28日期規模分別600億同700億元。
扣除昨日400億元逆回購到期回籠資金,人行昨日淨投放1800億元。睇番人行已經連續四日淨投放,合共3300億元人民幣,都幾有托市味道。
除咗貿易戰呢個半新不舊話題,市場熱話係投地癲價再現。今次出現癲價不是出名樓貴地貴的香港,而係阿里巴巴總部所在的杭州,投地者係出名作風穩陣的恒隆。
呢次恒隆系孖寶恒隆集團(010) 與恒隆地產(101) 豪擲巨資,連敗阿里巴巴、華潤地產和多個香港龍頭財團,投得杭州下城區百井坊商業綜合地,總代價差不多要132億港元,孖寶計劃投資超過200億港元,發展成頂級大型商業綜合項目。陸羽仁聽有份投地的大財團要員講,拍地底價為49億元,最終成交價較底價高1.18倍,樓面每平方米作價5.5萬元,成個投地過程超過七小時,出價336輪,競投激烈,出價最高的恒隆,
最終投得心頭好。由於項目投資額唔細,參與競投的六間投標財團當中,包括港資的九龍倉(004) 、新世界發展(017) ;以及中資的華潤地產;還有「本地薑」近年全力拓展新零售的阿里巴巴集團。過往內地一線城市主要有北京、上海、深圳,其他係二線城市,但近年阿里巴巴全力協助總部所在的杭州,打造成智慧城市,有人將杭州吹起「新一線」,從恒隆出價咁勇,證明佢都好認同杭州發展方向。
恒隆係老牌港資地產商,但佢哋亦係最早投資科技的家族,由大股東家族控制的晨興基金,就係小米投資者之一,所以今次佢出個價雖然外界覺得癲,但亦唔排除係好似海航投啟德地,癲價只係超前價。恒隆老闆陳啟宗同美國政圈、學術界關係唔錯,佢喺中美兩國成日嘈交之際落重注,反映咗佢對中美打口水戰的睇法。
中環茶友話,好多人以為有網購或者資訊科技,就唔需要商場或房地產。
實際科技又產生咗新需求,科技創造財富,造就咗對住宅龐大購買力,網購同樣增加對倉貯等需求,所以不少科網公司都對物業項目有興趣,只不過佢哋暫時就以自用思維主導,未係大力投資。雖然佢哋買物業或發展項目為咗本業,但出手一樣可以好豪。
安寧有地股價時有炒作
講起土地有價,陸羽仁曾經分析過的冷門股安寧控股(128) 股價呢兩日飆升,再創新高,收報1.3元,升咗24%。
安寧有塊地喺荃灣,用作顯達鄉村俱樂部,呢樣生意認真唔好做,但就食咗塊地皮,公司管理層早前申請改變用途。大家睇死覓地小組都係搵唔到地,呢啲改變土地用途補地價方案,就變咗實際得多,所以市場每逢喺相關審批日子就炒作吓。按正路講,顯達改作發展只係時間問題,呢啲股平時無錢賺難派息,但過關就食爆棚,所以又係之前所講,有閒錢就可以高沽低揸。
五月過去,最後一個交易日港股上升,恒指收報30468點,升411點,差唔多收復前日失地,特朗普波動市又畀醒目資金一個搵銀機會。國企指數收報11978點,升209點。MSCI調整今日起生效,尾市成交急增,成交金額大增至2037.54億元。入摩基金會有一陣追貨潮係預期之內,但真正影響要等第一個浪過咗先睇得清楚。
以整個五月計,恒指累積跌339點;國指累積下跌353點。藍籌騰訊(700) 升咗1.%,收報399.2元,暫時未過到400元心理關口。
藥股繼續跟住內地炒,藥明生物(2269) 再升1%,收報87.95元;石藥集團(1093) 升0.82%,收報24.55元。
除咗安寧勁升,另一隻陸羽仁早前分析過的利福國際(1212) ,股價尾市急升,一度急升63%,高見28.05元,收市仍升43%,報24.7元,成交1.36億元。
陸羽仁
Have a good weekend, Kathleen!
寶寶狐,週末愉快
獸人bro. 2018 SIGH
德銀早幾年前都俾市場狙擊過(本來係同俾監機構罰錢有關,深一層睇佢盤帳仲好睇過雷曼兄弟),跟住就完全無咗年事咁。今晚好似有啲忽然嚟料,俾聯儲局盯住,插得深、插得爽…
Fed calls Deutsche Bank’s U.S. operations ‘troubled’
陰謀論啲講,睇埋『賓士』單新聞,時間上嘅巧合(唔係第一次,條友都幾肆無忌憚,或者反正佢自己都大把陰謀論 fake news)根本係特朗普向玉婆默克爾宣戰。
German carmakers hit by report Trump threatens to drive them off U.S. streets
當然亦有可能係啲控制到消息渠道嘅大孖沙,噚晚加注淡倉
呢啲手法,中興ZTE單嘢,習近平都領教過 - 摙住你國家重要企業條頸,作為談判籌碼。問題在於,玩德國時係玩死自己盟友,玩中國就係浪費咗張皇牌(放生同時巧合地佢個女响中國成功註冊唔少商標…攞國家張皇牌去謀私利?);美國眾議院少有跨政黨反對特朗普放生中興,抑係就一早唔好咁玩大佢(你估奧斑馬唔識查咩?),一玩大咗就要玩到盡。
Ivanka Trump Wins China Trademarks, Then Her Father Vows to Save ZTE
In bipartisan effort, two U.S. lawmakers ask Trump to be tough on ZTE
呢排非姓黨傳媒都刮出唔少ZTE嘅新聞,袋鼠唔响呢度紅色地頭講咁多喇,香港上網似乎都仲有自由可以自己上網睇(袋鼠仲可以响度講得呢幾句… 不過袋鼠唔係金絲雀、唔唱K、更唔想自己方式坐大飛),至於邊啲係真係假要自己做決定。只係可以話响西方國家係對中興極有戒心,起碼對分析啲股票就要有多一個觀點。
講一啲唔太埋身嘅政治,其實特朗普真係當自己係總裁,每個外交談都當係唔同嘅刁分開嚟睇。雖然做生意講商譽(其實條友無呢樣),一單生意過程會有一啲人留意,唔係全部人(否則就唔會成日都有suckers送上門),但講政治、講外交,個表現係行內全部都知,而且係每件事都有互相反射(用番將軍愛用索老用詞)。
佢特佬同金仔傾,人哋金仔識得睇利比亞乜下場,仲有見伊朗講掂數都可以反口,就算開會達成乜嘢協議(美國都會無核化?),佢金仔都會陽奉陰違(同一道理,呢樣嘢美國都知佢前科!);特朗普以為呢一單刁就可留名千古,但係另邊箱就刁拉星個刁,其實就鼓勵緊伊朗去學習金仔,趕快加入核子俱樂部,咁就可以去新加坡同佢老美開會喎!
想吃鮑魚!
牛又吃 熊又吃 重未夠好戲.....
將軍,
好戲來未?
早呀~