阿爺出口術
中美「貿易戰話事啤」越玩越大,第一輸家自然係股市啦,恆指跌2.8%;德國及法國股市齊跌超過1%,跌浪返到去美國,杜指跌287點至24700點,跌幅1.2%,連跌六日,已經抹去了今年以來的升幅;標普500指數跌0.4%;納指繼續硬淨,跌0.3%。
內地上證綜指昨插3.8%,阿爺出口術托市。內地四大證券報齊今天齊齊發聲,話情緒宣洩過後,A股不具備持續大跌基礎。
今早中國證券報、上海證券報、證券時報、證券日報頭版齊齊刊登評論,話市場運行基礎的有利因素並未發生改變,投資者應保持冷靜、理性看待。
昨天晚上,新華社與央行行長易綱也相繼針對國內股票市場的異動發聲,稱A股不具備持續大跌基礎。
易綱話,A股週二下跌主要受情緒影響,中國經濟基本面良好,既然是市場,就會有漲有跌,投資者應該保持冷靜,理性看待。
易鋼又話,中國經濟有充分的條件和空間應對好各種貿易摩擦,央行也會高度重視外部衝擊,守住不發生系統性金融風險的底線。
阿爺發功,相信內地股市可以撐住,港股亦可喘定。
美股方面,與中國有較多生意的跨國美企繼續成為跌市重災區,波音飛機及Caterpillar齊跌超過3.6%,3M跌2.3%,蘋果亦跌1.6%,成為拖抵杜指的主力。
另外,市場擔心貿易戰將會減少進口商品,運往全國各地的商品也會減少,內地運輸股全線受壓,Fedex及JB Hunt齊跌超1.5%。大宗商品係貿易戰的主要工具,受挫亦最深,原材料股板塊昨日大跌1.8%,係標普500指數11個板塊中表現最差。
貿易戰亦令到投資者急忙把資金從股市移到風險較低的國債避險,推升債價,令美國10年期國債債息由週一的2.91厘回落至昨日的2.893厘。
中美貿易持續緊張,雙方沒有達成和解跡象,使得投資人士進退兩難。紐約B. Riley FBR首席市場策略師Art Hogan表示,除非局勢出現重大改變,預計貿易戰會一直成為影響股市的頭號因素。
陸羽仁
2018-06-20
Dow Jones Industrial Average (^DJI)
24,657.80 -42.41 (-0.17%)
美股跌唔係壞事
2018年06月21日
中美兩國打貿易戰愈打愈肉緊,連華爾街都開始信信哋,美股杜指隔晚一度大跌超過400點,收市跌280點,但港股昨日喺低位有支持企番穩,早段內地跌港股都唔想跌,之後內地股市企番穩,港股就反彈228點,應驗咗我話唔反枱就反彈。
美國總統特朗普做咗股市波動之源,但美股就有免疫力,一直都喺高位唔肯跌。上周美國傳出會再對華出招,但華爾街無乜反應,到呢個星期亞洲股市急插,美股先至跟跌。科技股之前升勢強勁,O依家回調亦跌得較少。
瑞信估內地八月底降準
美股受累下跌,理論上對全球投資氣氛不利,但中環茶友認為,在呢個環境下可能唔係壞事,因為特朗普可以不斷唔按牌理出牌,在於美國經濟表現強勁,股市高企。喺咁嘅環境無論佢點打,選民同企業都唔覺得入肉,冇乜反應,甚至有好多保守選民覺得佢好英㖭,咁樣試問特朗普又點會捨得收手。所以美股強,特朗普更加唔會收斂,如果美股下跌,大公司高管就會擔心無辦法向股東交代,共和黨自然會收到訊息,貿易戰降溫機會仲會大啲。不過從眼前美國經濟勢頭睇,暫時仲未見到經濟受貿易戰好大威脅,所以貿易戰可能繼續拉鋸,大家打住口水戰先。
中美互「凶」,但市場仍有樂觀派,大行瑞信認為,下半年環球增長前景依然樂觀,即使各國央行開始收緊貨幣政策,消費開支和商業投資將維持穩健。隨著財政刺激措施和勞動市場進一步增強,美國經濟有望強勁增長。下半年環球股市仍有上升潛力,經濟增長強勁料帶動收益,繼續看好股票多於債券,特別是能源、科技和金融板塊股份。
講到內地,瑞信認為去槓桿仍然係中國市場主要不確定性,或會令經濟增長放緩,以及增加部份行業流動性壓力,但當局正積極推行改革,預計中國全年經濟增長6.5%,佢估計人行8月底將降準50點子。
外資大行估計中央遲啲會降準,呢個似乎係市場共識。短期而言,阿爺見到周二股市大插都忍唔住要出手。內地官媒呢兩日喺上證綜指跌穿3000點後空群出動,力撐A股無大跌空間。人民銀行行長易綱仲大派定心丸,股市表現只是受情緒影響。阿爺大力出口術,上證指數昨日先跌後升,收報2915點,回升7點;深成指數收報9501點,漲86點。
恒指初段唔跟內地股市跌,中段內地股市止跌回升時,恒指一度反彈超過476點,之後升幅收窄,收報29696點,升228點;國指升26點,收報11519點。成交金額1098億元。周二狂插的中興通訊(763) 發公告澄清稱,美國參議院通過對DNAA版本非美國法律。受此消息影響,一周跌幅逾五成的中興終於反彈,股價高見11.86元,收市暴漲20%報11.82元,創2017年11月以來最大漲幅,涉資9.6億元。
大股東為中航科工打氣
最後講講隻中航科工(2357) ,據內地《證券日報》報道,周二中國航工內資股轉換H股正式於港交所上市。中航科工相關人士說法是,中航科工作為央企H股全流通第一間試點企業,對航空工業和中航科工均會產生積極影響。
有業內人士分析,全流通後航空工業真正取得所持中航科工股份的流通權。從股權價值來看,有了較大提升,注資及開展資本運作意願進一步提升。該報仲引述,中航科工控股股東航空工業方面消息,為改組打氣。消息指全流通後,中航科工在航空工業改革發展中具有重要戰略位置,大股東不但不會減持中航科工股份,還會以中航科工為航空高科技產業發展平台更加積極做強、做優、做大航空產業。中航科工昨先跌後升,收4.55元,升0.7%。據中航科工(2357) 公佈,控股股東中國航空工業集團(航空工業)於6月20日購入327萬股公司H股,每股平均價約4.6元。
陸羽仁
29558平倉,一日+406點,正😋
29964沽左張期,今日最高29969,好彩😜
有冇人玩過逆向 etf?
將軍, 因我入了309xx收回的熊, 怕被殺害
Joyce姐: 收跌....咁絕......
今日恒指會下跌收市嗎?
kaka: 老美匯價如過高, 亦會影響出口. 重點是債息, 匯價, 出口, 如何取得平衡. 即是如何佈局呢.
市場只是人為的賭局而矣.......
將軍,美匯強弱反映資金流向,正如陸sir講,無水股市難炒 如美匯今次真的上破95,見100是夢不是夢呢?
kaka: 回補裂口是市場修正情緒過度的表現. 但重點是貿易戰這個消息, 引致老美債息回落, 是否還有后著呢. 要留意美匯強勢的暗示.......
將軍,受教了,睇黎後抽都係會試下補返琴日個裂口
kaka: 大插后很常見后抽, 后抽如受制, 易幻狗必破.........
投機者正在等待這個后抽呢.
將軍,會否反彈受阻又再插過?
濕疹 一家三口 最慘係死者家姐
kaka: 大叔呢期濕疹, 佢話苦不堪言喎....
昨天大手掃入763, 又幾好喎.....
將軍,大叔有無問您借錢黎沽空?
早呀~
各位早