化身博士
中美貿易戰升溫,股市繼續受壓,上週五美股杜指跌84點,週一杜指再跌103點,連跌第五日,失守25000點。貿易戰開打,在中國有比較多生意的波音飛機和Caterpillar自然首當其衝,週一齊跌0.9%,亦係拖累杜指跑輸大市的元兇。
今年4月,美國曾公布過一份價值500億美元的中國商品徵稅名單,北京也宣佈通過向相同價值的美國商品徵稅進行回擊。中美之後進行多輪貿易談判。上週五美國總統特朗普再次提出對500億美元的中國進口貨品加徵25%關稅,可以講是4月清單的延續,意味著中美雙方此前的談判即係白講。美國今次提出的徵稅清單共涉及1102個項目,價值約500億美元。
清單分兩部分。第一部分有818個項目,這些項目在4月清單中已出現,價值約340億美元,於7月6日起徵稅;第二部分為新增的284個項目,價值160億美元,主要包括半導體、電子、塑膠等產品。美國稱這些產品受益於「中國製造2025」等產業政策。這一部分清單將接受公眾審核,具體生效日期未定。與4月相比,新清單移除了平板電視、醫學用呼吸儀器、空調組件等商品,但仍會針對汽車行業。
中國在特朗普宣布對中國貨品徵稅的當日深夜,亦牙還牙,祭出同樣是500億美元的美國商品徵稅清單,共涉及659項商品。清單也分兩部分。第一部分有545項,價值約340億美元,包括農產品、汽車、水產品等,也於7月6日起徵稅。第二部分價值160億美元,具體實施時間另行公告。
中國人民大學國際關係學院副教授刁大明表示,「『中國製造2025』是中國國家發展的既定目標,絶對不會因為某些外部因素的可能干擾而止步不前。」
特朗普針對中國的「中國製造2025」這條底線,而中國則瞄凖美國共和黨的「票倉」,這是基於特朗普搞出這應多花招,其實都是選舉工程的假設。有趣的是,對於特朗普這次加徵中國貨品關稅,參議院共和黨人反對,但一些民主黨人卻支持。道理亦好簡單,民主黨人當然希望貿易戰最終讓共和黨的支持者轉軚,民主黨在11月選舉就有機可乘。不過,據法新社報道,到目前為止,很少有美國農民直接指責特朗普。美國第二大農業聯盟全國農民聯盟負責人約翰遜表示,該團體支持美國削減貿易逆差的決定。不過,我覺得只是針未拮到肉,還未知痛而已。當貿易戰越打越烈,見到棺材才會流淚。你睇台灣農民就知, 到香蕉不能出口去大陸,價錢跌到十分之一的時候,他們就大罵自己選出來的總統蔡英文。
有分析認為,貿易談判已經沒有作用,因為中美貿易談判背後的邏輯遠不止貿易問題這麼簡單,當中還涉及兩個因素,第一是朝鮮核問題。路透社引述一名美國官員說,美國已經與朝鮮建立了直接對話渠道,特朗普不再將中國對朝鮮的影響作為中美關稅之爭的考慮因素。
另一個因素的影響力更大,是出於美國的戰略上的考慮,單靠貿易談判根本解決不了。2017年12月,特朗普政府向國會提交的首份《國家安全戰略報告》中提到,中國和俄羅斯是美國的競爭對手,試圖「挑戰美國的實力、影響和利益,試圖侵蝕美國的安全和繁榮」。可見特朗普針對中國不是僅僅因為兩國貿易經濟上有摩擦,而是把中國當作美國最大的威脅。路透社引述消息指,美國已經凖備好下一輪可能的徵收關稅清單,或對中國總值1000億美元的產品開刀。
不過我覺得特朗普是一個生意人,選舉的考慮可能更加重要,在未來的一段時間裡,起碼要去到11月美國中期選舉前後,中美貿易戰戲仍會繼續上演,影響股市上落。
中美貿易戰的關鍵仍是特朗普,正如 Yardeni Research的主席及首席投資策略師 Ed Yardeni所形容的,特朗普現時正如史蒂文生 (Robert Louis Stevenson) 的著名小說 《Dr. Jekyll and Mr. Hyde》(中譯《化身博士》) 一樣,一時間善良的Dr Jekyll上身,大搞減稅和放寬企業監管,推動經濟發展;一時間邪惡的Mr Hyde上身,大搞其保護主義,不惜與中國及其盟布宣戰。Dr Jekyll能否在特朗普的性格上取得上風位置,美國選舉的形勢至關重要。
至於港股,可能先要再捱多一段,先行尋底。
陸羽仁
2018-06-19
Dow Jones Industrial Average (^DJI)
24,700.21 -287.26 (-1.15%)
一係反枱 一係反彈
2018年06月20日
中美貿易戰有點急轉直下味道,除咗實施關稅外,美國總統特朗普仲話會加碼,考慮對中國2000億美元貨品徵稅,以報復中國報復,市場風聲鶴唳。
同時,中興(763) 早前與美國政府達成和解,並將支付14億美元罰款及改組董事會和管理層,以換取美國撤銷對公司禁制出口令。但美國國會參議院通過2019財政年度國防政策法案,當中包括恢復禁止向中興銷售美國配件禁令,中興股價即時再插底。美國步步進逼下,中國只能應戰,貿易戰有升級威脅,搞到港股一度滑落近千點,收市雖然跌幅略為收窄,但市場驚魂未定,大跌841點。
出完2000億美元清單要唞唞
特朗普政府四出攻伐,打完加拿大同歐洲,再對中國再出重招,推完500億美元徵稅清單,再聲言將制訂2000億美元下輪徵稅清單。內地對美國實行還擊,除咗收番入口稅外,仲指責美國揚言加碼係變本加厲,形容這種極限施壓和訛詐做法,背離雙方多次磋商共識。商務部回應話,如果美方失去理性出台清單,中方將不得不採取數量型和質量型相結合的綜合措施,作出強而有力嘅反制。
美國咁樣押注去「大」人,係特朗普一貫去到盡作風。根據他的邏輯,美國有成3700億美元貿易赤字,大家鬥列清單,最後中方必然冇美國咁多籌碼。過去特朗普做生意,經常十個茶壺九個蓋,經常係二仔底同人講數,有幾可自己銀彈多過人,O依家畀佢有機會大對手,自然絕不手軟,所以一時間搞到中港股市風聲鶴唳。
中美貿易戰升級,滬深股市齊挫,上證指數收報2907點,急跌114點;深成指數收報9414點,下瀉528點。內地股市急插,港股跌幅都唔細,港股低開後持續向下,恒指收報29468點,下挫841點;國企指數收報11492點,跌377點,成交大增至1530億元。
港股最多跌近千點,中環茶友問點睇,陸羽仁喺個市彈上31500點時,覺得個市都彈得差唔多,有胡可以食吓,等佢插穿30000點就考慮兜啲貨。昨日個市插得咁急,美國又來勢洶洶,市況都有啲嚇人。不過如果中短期而言,雖然唔排除個市有機會再下插,但如果特朗普連2000億美元徵稅名單都擺埋上枱,咁一兩個星期內,仲有幾兇狠嘅招數,可以馬上再出呢?外電都報道,特朗普向蘋果公司執行長庫克表示,美國政府唔會對在中國組裝的iPhone加徵關稅。呢個說法係庫克上月前往白宮見特朗普,當時佢對特朗普提及新貿易政策,可能對在華生產蘋果產品構成負面影響,特朗普所作嘅反應。雖然講法有啲過時,但都顯示特朗普會怕痛。
阿爺放水2000億人仔
表面睇,中國入口美國貨品都得1500億美元,美國加大徵稅範圍,中國係無辦法等額報復,但大家都知,中美貿赤中間有唔少水份,內地替美國企業代工生產,真正搵大水者係好似蘋果呢類美國跨國企業,若然將貿易戰無限量伸延,中國要對呢啲美國大企在華銷售開刀,咁對大家都無好處。O依家中美大家都向對方徵稅,等如大家駁咗一拳,美國再加注,中方最多只係口頭還擊,唔會主動出手,喺咁嘅狀況,特朗普係咪仲要出招呢?所以短期局面一係內地反擊雙方反枱,一係個市就見咗短期最壞消息,插完又會反彈一下。從博弈角度,我會估後者機會大啲,加上阿爺昨日都放咗水,央行進行2000億人民幣左右的MLF(中期借貸便利)操作,市場估計中央唔減息都會降準。如果有子彈又有膽,咁等佢再插都以可以考慮撈吓底。
陸羽仁
陸sir你好,
請問點解內房跌不停?
尤其係604? 我係長線投資, 平均價係$3.38, 最近3.08已經溝過一次, 我覺得佢地賣樓係少左, 但PE已經好低 4.6倍, 息率又有6%, 公司好似冇大問題, 究竟係我睇錯定係市場唔buy?
另外我仲有405, 不過604:405既比例係約 4:1
而家仲可以再入貨:
1 )我應該係入52周低位既604?
2) 定係分散到405?
3) 定係唔好再溝?
(我唔一定要買內房股, 因為已經有3883同3380)
謝謝
睇完波先玩野唔得既 !
唔駛執平貨,直接沽
大戶兄: 收市了. 明天請早.......
今次按足劇本走啦~大戶送錢, 祝大家執到平貨!!
股災到幾點?
將軍,要跌90舊 救我
kaka: 噢...跌得九舊, 又不是九十舊. 勿慌
大戶兄: 頂得住就唔叫股災啦.
將軍 落雨呀!有冇趁機收衫呀?
將軍,
肥果個係TC主席 .....
29129 頂唔頂得住?
跌八舊,大戶😍,系統👍
有興趣可來我家一齊研究~
將軍,要跌到幾時?
大戶兄: 咪一早講左, 你就肥啦......
期指帳面+1000點達成🤓
早呀各位~
上星期三已發出下跌訊號,希望幫到大家🙏
將軍, 救我 .....