口術
美股大插，美股上週五反彈結束8連跌，但反彈一日就玩完，在貿易戰升溫的恐懼下，美股昨日跟住外圍勁插，杜指午後最低跌過496點，尾市略為反彈，但仍大跌328點，收報24252點，跌幅1.3%，失守200天平均線，走勢相當肉酸。
值得注意的是，此前貿易戰的消息，主要影響工業股、原材料股和金融股，昨日可說係一網打盡，連近日比較強勢的科技股就受到拖累。半導體股跌到好傷，不在話下，Intel、AMD及Nvidia齊跌超過3.4%，連FANG亦顯著走軟， Facebook及谷歌齊跌2.7%，亞馬遜跌3.1%，Netflix更大跌6.5%！係兩年多以來最大的單日跌幅。
中美貿易戰越打越烈，首先中招的就係股市，美國總統特朗普繼上週初表示會加大對中國貨品徵稅的清單至價值2500億美元之後，上週日晚，《華爾街日報》引述消息人士報道，特朗普為了針對中國的「中國製造2025」，正計劃禁止多家中國企業投資美國科技行業，並會阻止更多的科技輸出中國。報道指美國財政部正在制定法律，不讓股權超過25%的企業購買或投資涉及「工業上重要技術」（industrially significant technology）的美國企業。另外，美國國家安全局及商務部也正在研究針禁止「工業上重要技術」出口到中國的更嚴厲的管制。文章指相關措施將於週五公布。
而路透社亦確認了上述的報道，並引述另一消息人士說，相關部門將於星期五前改變外國投資美國公司的門檻。
消息先令歐洲等外圍股市大插，其中德國股市跌2%；法國股市跌2.5%，美股當然無運行，更令投資者腳軟的是美國財長姆欽在Twitter發文話上述報道「係流料，相關媒體知啲唔知啲，措施出台唔係針對中國，而係對所有試圖偷取美國技術的國家。」此貼文一出，股票恐懼指標VIX指數即時勁抽逾42%至19.61！杜指亦跟著大插496點！
可能係見到美股水浸眼眉，美國白宮貿易顧問納瓦羅（Peter Navarro）即時跳出來降溫，他對傳媒說「市場對於美國可能限制中國以至外國投資的消息過度反應啦，政府目前沒有特別針對某些國家，沒有相關的計劃！」納瓦羅的口術，即時令到市場的恐懼情緒大降，VIX指數回落至17.33，不過仍較上日高26%。美股亦在最後一小時收窄跌幅。
美股沒有太大的反彈，主要原因係白宮發言人桑德斯都唱淡，她對記者說，「美國將發表有關所有嘗試偷取美國科技的聲明。」她沒有說明聲明內容是什麼，但表示將會很發公布，大家等通知。美國政府高層內部發放的消息異常混亂，就為市場平添很大的不確定性，股市就好難有太大的反彈啦。
另外，納瓦羅好像只係出口水為股市降溫，特朗普好大相機會會推出更嚴厲的打壓對付中國。原因係《華爾街日報》昨日引述消息人士報道，中國國家主席習近平上周四在北京釣魚台國賓館出席全球首席執行官委員會（Global CEO Council）時，對包括高盛、大眾汽車等特別圓桌峰會的跨國企業負責人表示，「在西方，你們有種想法，就是如果別人打你的左臉，你便連另一邊臉也轉過來讓他打，在我們的文化裏，我們會還擊，（In our culture, we punch back）」。文章又引述另一位不願公開姓名的中國高級官員說，「中國將不會對外來的壓力屈服並且食苦果，這是習主席的談判原則。」見到習主席企得咁硬，估計特朗普會再下狠招。
在這種形勢下，股市都可能要捱吓。
陸羽仁
單日轉向 唔怕攬炒
2018年06月27日
美國傳出話針對中國投資美國科技公司設限，結果變成「攬炒」，中港股市急插後，美股都受累下跌，杜指收市跌咗328點，代表科技股的納斯達克指數跌160點，論幅度納指跌幅超過2%，比杜指跌幅為大。
正如陸羽仁所講，中美打架大家攬炒好過中國獨捱，美股大插，港股開市雖然有啲恐慌性拋售，但單日轉向，一度轉升，最後微跌收場。
攬炒好過獨捱，道理好簡單，如果美國向中國施壓，美股一啲事都無，咁政客又點會收手。如果美股跌埋一份，雖然邏輯上會拖低中港股市，甚至觸發環球實體經濟有倒退威脅，但大家都有代價，咁先至有坐低傾掂佢嘅誘因。好似傳出咗美國對中國投資設限，華爾街出現拋風，美國官員即刻走出嚟降溫，總統特朗普帖文話係假新聞，質疑啲料係知啲唔知啲。
美股樣衰 官員補鑊
從美國政府上下口徑不一，畀人感覺係空穴來風，只係消息惹來咁負面嘅反應，總統以至官員就各自執生，為事件降溫，但唔同人有唔同版本，睇嚟係本來都有呢個想法，但見到勢色唔對，大家就即刻縮，證明若然打出嚟係七傷拳，傷人之外都會傷己，咁美國佬都會有啲忌憚。
另一個例子就係美國加徵歐洲鋼鐵稅，電單車生產商Harley-Davidson話考慮將生產線搬去歐洲，即刻搞到特朗普要解畫，叫其他企業要忍耐。
由兩個例子可見，西方政客點講都好，始終都係怕痛，而股市下跌正係令到佢哋痛嘅其中一個方法，所以貿戰有開火消息，最驚係美股無反應，美股跌反而對中港股市唔係咁壞。美股前晚擔心中國可能喺貿易問題報復大插，港股開市早段曾急挫456點，低見28505點，再創今年新低。不過，恒指收報28881，全日仍跌79點，國企指數收報11118，跌90點，走勢有啲似過山車，雖然最後唔能夠扭跌為升，都有小小單日轉向味道。市況波動，「即日鮮」交易頻繁，大市成交回升至1248億元。
大市見28505點，向下行落一大級，當然好難睇好，即使彈1500點都係剛好見30000點，之前嘅支持位，變成如今阻力位，個市有啲啲樣衰。
貿易陰霾籠罩前景，美國聯邦儲備局開口關注會否影響投資，資金流入公用股避險，中電控股(002)
上升3.2%，成為表現最佳藍籌股，電能(006) 
升1.3%。市場盛傳中國鐵塔即將上市，部份內地電訊股逆市向好，中移動(941) 
升1.2%，中電信(728) 
更升1.7%，其他表現好啲股份主要係收租股一類防守性股份。市場憧憬內地將扶持晶片行業，相關股份再現強勢，華虹半導體(1347) 
急升9.8%，再創新高，中芯(981) 
升3%，先進半導體(3355) 
亦升5%。
借孖展抽獎要防上身
大型新股小米(1810)
上市，本來市場預備大量資金作孖展。從昨日拆息偏軟睇，認購反應會比預期淡靜，同系嘅金山軟件(3888) 
都下挫4%。拆息低好處係利息成本輕，有人認為咁樣會減低咗賺息蝕價嘅風險，但咁同樣代表咗借孖展上身風險上升，所以借錢買股要小心。由認購反應睇，呢隻股短期投機嘅空間有限，如果中長線睇好隻股，可以用實資認購，就算攞唔足，等佢掛牌買都唔會貴好多，畢竟由截止認購到掛牌有一段時間，市況唔知點變，借孖展買大咗到時被迫斬倉，咁就無仇報啦。
陸羽仁
.
2018-06-26
Dow Jones Industrial Average (^DJI)
24,283.11 +30.31 (+0.12%)
陸sir你好,
請問點解內房跌不停?
尤其係604? 我係長線投資, 平均價係$3.38, 最近3.08已經溝過一次, 我覺得佢地賣樓係少左, 但PE已經好低 4.6倍, 息率又有6%, 公司好似冇大問題, 究竟係我睇錯定係市場唔buy?
另外我仲有405, 不過604:405既比例係約 4:1
而家仲可以再入貨:
1 )我應該係入52周低位既604?
2) 定係分散到405?
3) 定係唔好再溝?
(我唔一定要買內房股, 因為已經有3883同3380蟹貨…)
謝謝
thank you very much
kaka: 噢.....欲知大市如何 明天請早.........
將軍，您既意思係聽日就食彈散，定係要留意聽日既收市位？
kaka: 大市每到一重要技術位, 必定作出后抽, 后抽又會吸引老散進場, 老散以為食彈高, 但一進場, 就發現不是彈高, 是彈散. 市場只是人為的賭局而矣......
kaka: 話左留意3日的收市價. 明天才是重頭戲呢.
未住，等下
今日补返晒货了，100%持股中
機會一閃即逝，我可以見到的，人人都睇到，一齊搶到佢倒升了
反彈到幾點?
(今屆睇補時)
謝謝回覆
回教記載耶穌為先知，袋鼠都聽過。
噚晚只係睇頭場，後兩場早瞓無睇。而家聽番新聞先至知咁戲劇性精彩。
美斯 1：1 C朗
等下，之後應該會有個大反彈浪，希望🙏🙏🙏
TC主席: 救我
雖然你一早講左大市會插, 但係我無沽貨止賺, 我知錯了
雖然我賺緊差不多2000點期指，但我都唔想再跌，俾條生路散戶走啦...
TC主席: 我都入左123同埋3968, 希望大市反彈啦
我既理解係, 講事實就係有口德, 講錯左唔認就係無口德.....
祝人賺多一D既人係有口德, 話一個講事實既人無口德既人就係非常無口德
最可惜無跟TC主席沽期, 跟左一定賺到笑
賺唔賺錢靠自己 ,鍾唔鍾意, 自己自由, 兩不相欠,但有返D口德好
講事實都被人話無口德, 呢個世界真係咩人都有......
P.S. 無人迫我睇, 但我一定要睇, 作為投資參考, 睇相反真係好有參考價值, 正
Goodegg兄: 你鍾意可以睇我留言, 唔鍾意可以唔睇, 兩不相欠,非常自由
祝你跟陸SIR買貨賺多一D啦
積返少少口德啦，冇人逼你睇
袋鼠兄:
若以聖經新約記載, 耶穌和施洗約翰曾被當代猶太人認為是先知裡的一位, 但後來若貫徹宗教領袖逼害耶穌的立場, 應該否定了祂來自創造主。
另, 聽說回教也有承認耶穌是先知, 不過這部份的資訊自己沒有深入探討過...
蛋散兄: 佢D fans相信所剩無幾, 俾D TIPS大部分係毒藥, 估市又經常錯, 累人輸左仲要唔認又非常串, 而家好少 Fans啦, 我係佢頭號FANS, 通常留意佢D TIPS, 買相反方向, 隨時有斬獲
而家可以講埋 C朗 十二碼
//内银已入禁區，想射可以射了//
有無鹹味？
定係仲講緊美斯個12碼？
小貓兄，話時話，有一樣嘢袋鼠唔記得咗，純學術嘅… 你去啲教友聚會嘅聖經閱讀時，有無聽講話，耶穌同領洗約翰响猶太教之中，係唔係都被認同為佢哋嘅先知？
雖然耶穌係猶太人，不過响西方，要搞清楚邊啲政經領袖，係猶太人、定係信耶穌教
舊約聖經有曰，以眼還眼、以牙還牙；雖然透過耶穌，個世界睇嘅嘢唔同晒，不過猶太人只係睇舊約聖經喎
仲有好多自稱基督徒嘅人，似法利塞人多過耶穌教門徒… 大市繼續去震啦！
「在西方，你們有種想法，就是如果別人打你的左臉，你便連另一邊臉也轉過來讓他打，在我們的文化裏，我們會還擊，（In our culture, we punch back）」始終已經係梅鐸報紙，所以都唔知《華爾街日報》呢句係堅定流。
將軍，
目標係40舊？
3星期前天才陸羽仁就話依家係上落市(30000~31600)，個市即打臉，上星期穿3萬點又叫人可以入下貨，陸羽仁D fans驚到震依家
將軍，日日四舊
各位早
内银已入禁區，想射可以射了
早呀各位～ 淡倉繼續坐下先，今日應該會到第1下跌目標，樓下好多肥🐮呀